Anchor Lasya: ‘నవ్వించావ్.. నన్ను భరిస్తూ కన్నీళ్లు తుడిచావ్.. లవ్యూ డియర్’.. స్టార్ యాంకర్ లాస్య ఎమోషనల్
గురువారం (మార్చి 16) లాస్య భర్త ముంజనాథ్ పుట్టిన రోజు. ఈ సందర్భంగా సోషల్ మీడియా వేదికగా తన భర్తపై కురిపించిందీ స్టార్ యాంకర్. తన భర్తతో కలిసున్న బ్యూటిఫుల్ ఫొటోస్ను షేర్ చేస్తూ..
Updated on: Mar 16, 2023 | 9:55 PM
తన మాటల గారడీతో బుల్లితెరపై స్టార్ యాంకర్గా తనకంటూ ఓ ప్రత్యేక గుర్తింపు తెచ్చుకుంది లాస్య. కామెడీ పంచులు, జోక్స్తో తెలుగు ప్రేక్షకులకు బాగా చేరువైంది. ముఖ్యంగా ఆమె ఏనుగు-చీమ జోక్స్కు నెట్టింట బాగా క్రేజ్ వచ్చింది. అలాగే యాంకర్ రవితో చేసిన షోలు బాగా ఆదరణ పొందాయి. ఇక బిగ్బాస్ రియాల్టీషోలో కంటెస్టెంట్గా అడుగుపెట్టి మరింత పాపులారిటీ సొంతం చేసుకుంది. టీవీషోలతో పాటు సోషల్ మీడియాలోనూ యాక్టివ్గా ఉంటుందీ అందాల తార. నిత్యం తన పర్సనల్, ప్రొఫెషనల్ విషయాలను పంచుకుంటుంది. అలాగే గ్లామరస్ ఫొటోలు, వీడియోలు షేర్ చేసుకుంటుంది. ఇక తన సొంత యూట్యూబ్ ఛానెల్తో పలు ఆసక్తికర విషయాలను వెల్లడిస్తోంది. . ఇదిలా ఉంటే గురువారం (మార్చి 16) లాస్య భర్త ముంజనాథ్ పుట్టిన రోజు. ఈ సందర్భంగా సోషల్ మీడియా వేదికగా తన భర్తపై కురిపించిందీ స్టార్ యాంకర్. తన భర్తతో కలిసున్న బ్యూటిఫుల్ ఫొటోస్ను షేర్ చేస్తూ .. ‘హ్యాపీ బర్త్డే మై డియర్ మంజునాథ్.. నా భర్త గురించి నేను ఎంతో గర్వపడుతున్నా. పర్ఫెక్ట్ హస్బెండ్. నా పిచ్చితనాన్ని క్షమించే ఏకైన వ్యక్తివి నువ్వు. నన్ను నవ్వించావు. నన్ను భరిస్తూ కన్నీళ్లు తుడిచావు. నన్ను గట్టిగా హత్తుకున్నావు. నా సక్సెస్ను దగ్గరుండి చూశావు. నా వైఫల్యాలను చూశావు. ఎలాంటి సమయంలోనైనా నాకు అండగా నిలిచి బోలెడు ధైర్యాన్ని ఇచ్చావు. నన్ను ఎంతో బలంగా మార్చావు. నా సంతోషానికి కారణం నువ్వే. ఓ పర్పెక్ట్ హస్బెండ్కు భార్యగా గర్వపడుతున్నా. లవ్యూ’ అని తన భర్తపై ప్రేమను కురిపించింది లాస్య.
ప్రస్తుతం లాస్య పోస్ట్ సోషల్ మీడియాలో వైరల్గా మారింది. ముఖ్యంగా భర్తతో దిగిన ఫొటోలు ఫ్యాన్స్ను, ఫాలోవర్స్ను బాగా ఆకట్టుకుంటున్నాయి. ఈ సందర్భంగా మంజునాథ్కు పుట్టిన రోజు తెలుపుతూ కామెంట్లు పెడుతున్నారు నెటిజన్లు. వీరి వైవాహిక జీవితం విషయానికొస్తే.. 2017లో మంజునాథ్ను ప్రేమ వివాహం చేసుకుంది లాస్య. వీరి ప్రేమకు ప్రతిరూపంగా 2019లో దక్ష్ అనే కుమారుడికి జన్మనిచ్చింది లాస్య. ఇక ఇటీవల హోలీ పండగ రోజున మరోసారి అమ్మగా ప్రమోషన్ పొందింది. మార్చి 8న పండంటి మగబిడ్డకు జన్మనిచ్చింది.
View this post on Instagram
మరిన్ని ఎంటర్టైన్మెంట్ వార్తల కోసం క్లిక్ చేయండి..
