Anasuya Bharadwaj : డిఫరెంట్ గెటప్‌‌‌లో బుల్లితెర బ్యూటీ.. ‘పుష్ప’ షూటింగ్ నుంచి లీకైన అనసూయ లుక్..

బుల్లితెర బ్యూటీ అనసూయకు ఉన్న క్రేజ్ గురించి ప్రత్యేకంగా చెప్పాల్సిన అవసరం లేదు. ఓ వైపు టీవీ షోలతో మరోవైపు సినిమాలతో దూసుకుపోతోంది

Rajeev Rayala |

Updated on: Aug 05, 2021 | 7:55 PM

Anasuya Bharadwaj : బుల్లితెర బ్యూటీ అనసూయకు ఉన్న క్రేజ్ గురించి ప్రత్యేకంగా చెప్పాల్సిన అవసరం లేదు. ఓ వైపు టీవీ షోలతో మరోవైపు సినిమాలతో దూసుకుపోతోంది ఈ అందాల యాంకరమ్మ. టీవీలో సక్సస్ అయిన అనసూయ.. సినిమాల్లోనూ రాణిస్తుంది. క్యారెక్టర్ ఆర్టిస్ట్‌‌‌‌గానే కాకుండా లేడీ విలన్‌‌‌గానూ మెప్పిస్తుంది. అడవి శేష్ నటించిన ‘క్షణం’ సినిమాలో నెగిటివ్ షేడ్స్ ఉన్న పాత్రలో కనిపించి ఆకట్టుకుంది. ఆ తర్వాత పలుసినిమాల్లో యాక్ట్ చేసింది. ‘ఎఫ్ 2’, ‘సోగ్గాడే చిన్నినాయనా’,’రంగస్థలం’, ‘మీకుమాత్రమే చెప్తా’, ‘థాంక్ యు బ్రదర్’ వంటి సినిమాల్లో నటించి ఆకట్టుకుంది అనసూయ. ఇక సుకుమార్ దర్శకత్వంలో వచ్చిన ‘రంగస్థలం’ సినిమా అనసూయ కెరీర్‌‌‌‌ను మలుపు తిప్పిందనే చెప్పాలి. రంగమ్మత్త క్యారెక్టర్‌‌లో అనసూయ నటన ప్రేక్షకులను విపరీతంగా ఆకట్టుకుంది. ఇదిలా ఉంటే ఇప్పుడు మరోసారి ఈ ముద్దుగుమ్మ సుకుమార్ దర్శకత్వంలో నటిస్తోందని తెలుస్తుంది. సుకుమార్ తెరకెక్కిస్తున్న ‘పుష్ప’ సినిమాలో అనసూయ కీలక పాత్రలో కనిపించనుందని మొదటి నుంచి వార్తలు చక్కర్లు కొడుతున్నాయి. ఈ క్రమంలో ఈ సినిమా నుంచి అనసూయ లుక్ లీక్ అయ్యింది.

సుకుమార్ తెరకెక్కిస్తున్న ‘పుష్ప’ సినిమా గ్రామీణ నేపథ్యంలో తెరకెక్కుతోంది. ఈ సినిమాలో అల్లు అర్జున్ లారీ డ్రైవర్‌‌గా కనిపించనున్నాడు. గంధపు చెక్కల స్మగ్లింగ్ నేపథ్యంలో ఈ సినిమా కథ ఉండనుంది. ఇప్పటికే విడుదలైన ఈ సినిమా పోస్టర్లు, పుష్పరాజ్ ఇంట్రడక్షన్ వీడియో ప్రేక్షకులను విపరీతంగా ఆకట్టుకున్నాయి. తాజాగా ఈ సినిమా నుంచి అనసూయకు సంబంధించిన ఓ ఫోటో లీక్ అయ్యింది. ఈ ఫొటోలో అనసూయ చాలా డిఫరెంట్‌‌‌గా కనిపిస్తున్నారు. షార్ట్ హెయిర్‌‌తో.. నుదిటిన పెద్ద బొట్టుతో కనిపిస్తుంది అనసూయ. ఈ సినిమాలో సునీల్ భార్యగా నెగిటివ్ షేడ్స్ ఉన్న పాత్రలో కనిపించనుందట ఈ ముద్దుగుమ్మ. ఇపుడు ఈ ఫోటో సోషల్ మీడియాలో తెగ చక్కర్లు కొడుతుంది.

Anasuya