Amitabh Bachchan: రష్మిక పై ప్రశంసలు కురిపించిన బిగ్ బి.. కౌన్ బనేగా కరోడ్‌పతి షో నుంచి వీడియో కాల్ చేసి మరీ..

రష్మిక మందన్న పాపులారిటీ రోజురోజుకూ పెరుగుతోంది. ఆమె అభిమానుల సంఖ్య విపరీతంగా పెరుగుతోంది.ఇప్పటికే ఈ చిందని ఇన్‌స్టాగ్రామ్‌లో 4 కోట్ల మంది ఫాలో అవుతున్నారు. తాజాగా ‘కౌన్ బనేగా కరోడ్‌పతి’ షోలో రష్మిక మందన్న పేరు చర్చకు వచ్చింది. రష్మికను అమితాబ్ స్వయంగా పిలుస్తాడు. అమితాబ్ బచ్చన్ హోస్ట్ గా కౌన్ బనేగా కరోడ్‌పతి విజయవంతంగా కొనసాగుతోంది. తాజాగా కౌన్ బనేగా కరోడ్‌పతి షోలో రష్మిక పేరు వినిపించింది. ఈ షోకు వచ్చిన ఓ వ్యక్తి రష్మిక గురించి ఆసక్తికర కామెంట్స్ చేశాడు.

ప్రమోద్ భాస్కే అనే వ్యక్తి తాజాగా ‘కౌన్ బనేగా కరోడ్‌పతి’ షో పాల్గొన్నాడు. అతను మహారాష్ట్రకు చెందినవాడు. హాట్ సీట్‌లో కూర్చుని ప్రశ్నలను ఎదుర్కొన్నాడు ప్రమోద్. 2016 నుంచి ఈ షోకి రావాలని ప్రయత్నిస్తున్నా అని చెప్పుకొచ్చాడు. ప్రమోద్‌కి ముందుగా చాలా సింపుల్ ప్రశ్న ఎదురైంది. ఈ ఏడాది విడుదలైన రణబీర్ కపూర్ సినిమా ఏది అని అడిగారు బిగ్ బి. అతను ‘యానిమల్వు’ అని సరైన సమాధానం చెప్పాడు. అనంతరం ప్రమోద్ పలు ప్రశ్నలకు సమాధానమిచ్చారు. ఈ క్రమంలో రష్మిక మందన్న గురించి మాట్లాడాడు.

నేను రష్మికకు పెద్ద అభిమానిని. 2016లో ‘కిరిక్ పార్టీ’ అనే కన్నడ చిత్రం ద్వారా చిత్ర పరిశ్రమలోకి అడుగుపెట్టారు. సోషల్ మీడియాలో నా మెసేజ్‌కి మూడుసార్లు రిప్లై కూడా ఇచ్చింది రష్మిక. ఆమెకు నా కంటే పెద్ద ఫ్యాన్ ఎవరూ లేరు. ఆమెకు పెళ్లి ప్రపోజల్ కూడా పంపాను’ అన్నాడు ప్రమోద్. దీంతో అమితాబ్ నవ్వుకున్నారు.

12,50,000 రూపాయల ప్రశ్నకు ప్రమోద్ సమాధానమిచ్చాఇచ్చాడు. ఆ తర్వాత రష్మికకు అమితాబ్ ఫోన్ చేశాడు. ప్రమోద్‌ను వ్యక్తిగతంగా కలుస్తానని రష్మిక హామీ ఇచ్చింది. ఈ సమయంలో అమితాబ్ రష్మికపై ప్రశంసలు కురిపించారు. నీకు అంతా శుభమే జరగాలి. ఇటీవల మీ నటన అద్భుతంగా ఉంది. ‘యానిమల్’ సినిమాలో మీ నటన నాకు బాగా నచ్చింది. ఒక్కరోజు కలుసుకుని దీని గురించి మాట్లాడుకుందాం’ అని అమితాబ్ అన్నారు.దానికి రష్మిక ఎంతో సంబరపడింది. రష్మిక అమితాబ్ బచ్చన్‌తో కలిసి ‘గుడ్ బై’ సినిమాలో నటించింది. సినిమాకు మిశ్రమ స్పందన వచ్చింది. ఈ సినిమా షూటింగ్ సమయంలోనే ఇద్దరి మధ్య మంచి అనుబంధం ఏర్పడింది. రష్మికకి ఇదే తొలి హిందీ సినిమా. ఆ తర్వాత రష్మిక ‘మిషన్ మజ్ను’ సినిమాలో నటించింది. ఇప్పుడు ‘యానిమల్‌’ సినిమాతో భారీ విజయాన్ని అందుకుంది. ఈ సినిమా ఇండియన్ బాక్సాఫీస్ వద్ద 300 కోట్ల రూపాయలకు పైగా వసూళ్లు సాధించింది. రణబీర్ కపూర్ భార్య పాత్రలో రష్మిక మందన్న కనిపించనుంది. రష్మిక ప్రస్తుతం ‘పుష్ప 2’, ‘రెయిన్‌బో’, గర్ల్ ఫ్రెండ్ చిత్రాల్లో నటిస్తోంది.

మరిన్ని సినిమా వార్తల కోసం ఇక్కడ క్లిక్ చేయండి.