Ajith- Shalini: రొమాంటిక్‌ ఫొటోలతో విడాకుల వార్తలకు చెక్‌ పెట్టిన అజిత్- షాలినీ.. వెకేషన్‌లో సరదా సరదాగా..
కోలీవుడ్ ఇండస్ట్రీలో ఉన్న క్యూట్ కపుల్స్‌లో అజిత్- షాలిని జంట ఒకటి. ఓ సినిమాలో కలుసుకున్న వీరిద్దరూ ఆ తర్వాత ప్రేమించుకుని పెళ్లి చేసుకున్నారు.
Updated on: Mar 14, 2023 | 5:07 PM
కోలీవుడ్ ఇండస్ట్రీలో ఉన్న క్యూట్ కపుల్స్‌లో అజిత్- షాలిని జంట ఒకటి. ఓ సినిమాలో కలుసుకున్న వీరిద్దరూ ఆ తర్వాత ప్రేమించుకుని పెళ్లి చేసుకున్నారు. వీరి అన్యోన్య దాంపత్య బంధానికి గుర్తుగా ఇద్దరు పిల్లలున్నారు. ఇదిలా ఉంటే అజిత్- షాలినీల 21 ఏళ్ల వివాహబంధంపై కొన్ని వార్తలు వచ్చాయి. గత కొన్ని రోజుల నుండి అజిత్-షాలినికి పొసగడం లేదని, ఇద్దరి మధ్య విబేధాలు ఎక్కువ కావడంతో విడాకులు తీసుకోవాలని భావిస్తున్నారంటూ పుకార్లు షికార్లు చేశాయి. దీనికి తోడు డైరెక్టర్ రమేష్ ఖన్నా చేసిన వ్యాఖ్యలు అజిత్-షాలినీల విడాకుల వార్తలపై ఆజ్యం పోశాయి. అయితే దీనిపై అజిత్ కానీ షాలినీ కానీ స్పందించలేదు. అన్యోన్య దాంపత్య బంధానికి కేరాఫ్‌ అడ్రస్‌గా నిలిచిన అజిత్- షాలినీ విడాకుల వార్తతో అభిమానులు కూడా నిరాశ చెందారు. అయితే ఈ విడాకుల వార్తలకు ఒక్క ఫొటోతో చెక్‌ పెట్టారు అజిత్ దంపతులు. ఇటీవల కుటుంబ సభ్యులతో గడిపిన ఫోటోలను, అజిత్‌తో దిగిన ఫోటోను షాలిని తన సోషల్ మీడియా ఖాతాల్లో పంచుకుంది. అందులో అజిత్, షాలిని వారి పిల్లలు అనౌష్క, అద్విత్ కూడా ఉన్నారు. ‘పిల్లలతో ఉండటం వల్ల ఆత్మ సంతృప్తి చెందుతుంది’ అని ఓ క్యాప్షన్ కూడా ఇచ్చారీ క్యూట్ కపుల్‌. అంతేకాకుండా అజిత్ తో దిగిన ఫొటోను పంచుకుని.. లవ్ సింబల్ జోడించారు షాలిని. ప్రస్తుతం ఈ ఫొటోలు సోషల్ మీడియాలో వైరల్‌గా మారాయి. ఈ ఫొటోలను చూసిన అజిత్ ఫ్యాన్స్ తెగ సంబరపడిపోతున్నారు.
ఇక సినిమాల విషయానికొస్తే.. ఈ ఏడాది సంక్రాంతికి తెగింపు (తమిళ్‌లో తునివు) సినిమాతో అభిమానుల ముందుకొచ్చాడు అజిత్. పూర్తి యాక్షన్‌ ఎంటర్‌టైనర్‌గా తెరకెక్కిన ఈ సినిమా సూపర్‌ హిట్‌గా నిలిచింది. హెచ్‌. వినోద్‌ దర్శకత్వంలో తెరకెక్కిన ఈ సినిమాలో మాళవికా నాయర్‌ హీరోయిన్‌గా నటించింది. త్వరలోనే తన 62వ సినిమా షూటింగ్‌ ప్రారంభం కానుంది. ఇప్పటికే సంగీత దర్శకుడు అనిరుధ్ సారథ్యంలో మ్యూజిక్‌ సిట్టింగ్స్‌ ప్రారంభమయ్యాయి. త్వరలోనే ఈ సినిమాపై అధికారిక ప్రకటన రానున్నట్లు తెలుస్తుంది.
View this post on Instagram
View this post on Instagram
మరిన్ని ఎంటర్టైన్మెంట్ వార్తల కోసం క్లిక్ చేయండి..
