Rishab Shetty: టాలీవుడ్ యంగ్ హీరోతో కాంతార ఫేమ్ రిషబ్ శెట్టి పాన్ ఇండియా మూవీ.?
విడుదలైన అన్ని భాషల్లో కాంతారా సూపర్ హిట్ గా నిలిచింది. కేవలం 16 కోట్లతో తెరకెక్కిన ఈ సినిమా దాదాపు 400 కోట్ల వరకు వసూల్ చేసింది. దాంతో ఇప్పుడు ప్రేక్షకులంతా కాంతార 2 కోసం ఆసక్తిగా ఎదురుచూస్తున్నారు..
Updated on: Mar 14, 2023 | 5:03 PM
కన్నడ హీరో రిషబ్ శెట్టి నటించిన కాంతార సినిమా ఎంత పెద్ద విజయం సాధించిందో ప్రత్యేకంగా చెప్పాల్సిన అవసరం లేదు. చిన్న సినిమాగా వచ్చిన ఈ మూవీ పాన్ ఇండియా హిట్ అందుకుంది. విడుదలైన అన్ని భాషల్లో కాంతారా సూపర్ హిట్ గా నిలిచింది. కేవలం 16 కోట్లతో తెరకెక్కిన ఈ సినిమా దాదాపు 400 కోట్ల వరకు వసూల్ చేసింది. దాంతో ఇప్పుడు ప్రేక్షకులంతా కాంతార 2 కోసం ఆసక్తిగా ఎదురుచూస్తున్నారు. త్వరలోనే కాంతారా సినిమాకు సీక్వెల్ ను తెరకెక్కించనున్నారు. ఇప్పటికే డైరెక్టర్ కామ్ హీరో రిషబ్ శెట్టి ఈ సీక్వెల్ కోసం కథను సిద్ధం చేస్తున్నాడు. త్వరలోనే షూటింగ్ ను మొదలుపెట్టనున్నారు. ఇదిలా ఉంటే రిషబ్ శెట్టి మరో పాన్ ఇండియా మూవీ తెరకెక్కించనున్నారని తెలుస్తోంది.
అయితే రిషబ్ శెట్టి దర్శకత్వంలో టాలీవుడ్ లో ఓ సినిమా రాబోతుందని తెలుస్తోంది. ఓ యంగ్ హీరోతో రిషబ్ శెట్టి టాలీవుడ్ లో పాన్ ఇండియా మూవీ ప్లాన్ చేస్తున్నాడట. ఆ సినిమాకు ఆయన దర్శకత్వం వహించనున్నాడని టాక్. టాలీవుడ్ బడా నిర్మాణ సంస్థలో ఈ సినిమా తెరకెక్కుతోందని అంటున్నారు.
ఇప్పటికే ఈ సినిమా కోసం రిషబ్ శెట్టి ప్రముఖ నిర్మాణ సంస్థ అడ్వాన్స్ కూడా ఇచ్చిందట. త్వరలోనే ఈ సినిమా పై కీలక అప్డేట్ వచ్చే ఛాన్స్ కూడా ఉందని అంటున్నారు. అయితే ఈ వార్తల్లో వాస్తవం ఎంత అన్నది తెలియాల్సి ఉంది. కానీ ఇటీవల ఓ ఇంటర్వ్యూలో రిషబ్ మాట్లాడుతూ.. కన్నడ ఇండస్ట్రీకే ప్రాధాన్యత ఇస్తానని అన్నారు. పాన్ ఇండియా మూవీ చేస్తే అది కన్నడలోనే అని అన్నారు.
