Bangarraju Movie: మరోసారి నాగార్జునకు జోడీగా శ్రియ.. ‘బంగార్రాజు’ సినిమాలో..
నాగార్జున ప్రస్తుతం ప్రవీణ్ సత్తారు దర్శకత్వంలో ఓ సినిమా చేస్తున్న సంగతి తెలిసిందే. అయితే ఈ సినిమా కంటే ముందే కళ్యాణ్ కృష్ణ డైరెక్షన్లో
Updated on: Jul 27, 2021 | 9:23 PM
నాగార్జున ప్రస్తుతం ప్రవీణ్ సత్తారు దర్శకత్వంలో ఓ సినిమా చేస్తున్న సంగతి తెలిసిందే. అయితే ఈ సినిమా కంటే ముందే కళ్యాణ్ కృష్ణ డైరెక్షన్లో నాగార్జున బంగార్రాజు సినిమా చేయాల్సి ఉంది. గతంలో వచ్చిన సోగ్గాడు చిన్ని నాయనా సినిమాలో బంగార్రాజు పాత్రలో తెలుగు ప్రేక్షకులను ఆకట్టుకున్నారు. అయితే ఈ సినిమాలోని నాగార్జున పేరుతో మరో సినిమాను తెరకెక్కించనున్నట్లుగా గతంలోనే ప్రకటించారు డైరెక్టర్ కళ్యాణ్ కృష్ణ. అయితే ఈ సినిమా ఇప్పటివరకూ సెట్స్ పైకి వెళ్లలేదు. ఇప్పటికే ఈ సినిమా గురించి ఎన్నో గాసిప్స్ వినిపిస్తున్నాయి. గత కొద్ది రోజులుగా ఈ సినిమాలో నాగార్జునకు జోడీగా రమ్యకృష్ణ నటించబోతున్నట్లుగా టాక్ వినిపించింది. తాజాగా ఈ మూవీ గురించి మరో అప్డేట్ ఫిల్మ్ సర్కిల్లో వినిపిస్తున్నాయి.
తాజా సమాచారం ప్రకారం ఈ సినిమాలో నాగార్జున జోడీగా శ్రియ శరణ్ నటించబోతున్నట్లుగా టాక్ నడుస్తోంది. నాగ్ సరసన హీరోయిన్‌గా రమ్యకృష్ణ కాకుండా శ్రియ నటిస్తోందని పక్కాగా వార్తలు వినిపిస్తున్నాయి. అంతేకాక.. ఈ సినిమాలో నాగ చైతన్యకు జోడీగా కృతి శెట్టి ఫిక్స్ అయినట్లు తెలుస్తోంది. ఇప్పటికే నాగార్జున, శ్రియల కాంబోలో నేనున్నాను, సంతోషం, మనం వంటి సినిమాలు సూపర్ హిట్ అయ్యాయి. ఇప్పటికే ఈ మూవీ సెట్స్ పైకి వెళ్లాల్సి ఉండగా.. పలు కారణాల వలన వాయిదా పడింది. ఇదిలా ఉంటే.. ఆగస్ట్ రెండవ వారంలో ఈ సినిమా రెగ్యూలర్ షూటింగ్ ప్రారంభం కానున్నట్లుగా తెలుస్తోంది.
