Nikki Galrani: ఇంకెందుకు.. డెలివరీ డేట్ కూడా మీరే చెప్పేయండి.. ప్రెగ్నెన్సీ వార్తలపై హీరోయిన్ ఫైర్..
త్వరలోనే వీరి జీవితాల్లోకి మరో కొత్త అతిథి రాబోతున్నారంటూ ప్రచారం జోరుగా జరిగింది. అయితే తాజాగా తన ప్రెగ్నెన్సీ గురించి వస్తున్న వార్తలపై స్పందించింది నిక్కీ గల్రానీ.
Updated on: Nov 19, 2022 | 11:34 AM
తమిళ్ స్టార్ ఆది పినిశెట్టి, హీరోయిన్ నిక్కీ గల్రానీలు తల్లిదండ్రులు కాబోతున్నారంటూ కొద్దిరోజులుగా వార్తలు సోషల్ మీడియాలో చక్కర్లు కొడుతున్న సంగతి తెలిసిందే. త్వరలోనే వీరి జీవితాల్లోకి మరో కొత్త అతిథి రాబోతున్నారంటూ ప్రచారం జోరుగా జరిగింది. అయితే తాజాగా తన ప్రెగ్నెన్సీ గురించి వస్తున్న వార్తలపై స్పందించింది నిక్కీ గల్రానీ. ఇంకెందుకు డెలివరీ డేట్ కూడా మీరే చెప్పేయండి అంటూ ట్విట్టర్ వేదికగా అసహనం వ్యక్తం చేసింది. నేను ప్రెగ్నెంట్ అంటూ కొందరు వార్తలు ప్రచారం చేస్తున్నారు.
ఓ పని చేయండి. డెలివరీ డేట్ కూడా మీరే చెప్పేయండి అంటూ స్మైలీ ఎమోజీని షేర్ చేసింది. అలాగే ప్రస్తుతం తాను ప్రెగ్నెంట్ కాదని.. కానీ భవిష్యత్తులో తప్పకుండా జరుగుతుంది. అప్పుడు నేనే స్వయంగా చెప్తాను. అప్పటివరకు ఈ పూకార్లను నమ్మకండి అంటూ తన ప్రెగ్నెన్సీ రూమర్స్ పై క్లారిటీ ఇచ్చింది.
కాగా కొద్ది రోజులుగా ప్రేమలో ఉన్న ఆది, నిక్కి మేలో మూడు మూళ్ల బంధంతో ఒక్కటయ్యారు. వీరిద్దరు కలిసి యగవరయినమ్ నా క్కక, మరగద నానయమ్ చిత్రాల్లో నటించారు. అదే సమయంలో వీరిద్దరికి ఏర్పడిన పరిచయం ఆ తర్వాత ప్రేమగా మారింది. ఇక ఇరువురి కుటుంబసభ్యులు వీరి వివాహానికి అంగీకరించిన తర్వాత అధికారికంగా పెళ్లి ప్రకటన చేసి అందరినీ ఆశ్చర్యపరిచారు.
— Nikki Galrani Pinisetty (@nikkigalrani) November 18, 2022
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.
