Vishal : ఇదేందయ్యా ఇది..! 12 ఏళ్ల తర్వాత రిలీజ్ అవుతున్న విశాల్ సినిమా..
హీరో విశాల్ కు తెలుగులోనూ మంచి ఫాలోయింగ్ ఉన్న విషయం తెలిసిందే.. విశాల్ నటించిన సినిమాలు తెలుగులోనూ విడుదలై మంచి విజయాలను అందుకున్నాయి. హిట్లు ఫ్లాప్ లతో సంబంధం లేకుండా వరుసగా సినిమాలు చేస్తూ దూసుకుపోతున్నాడు విశాల్. చివరిగా రత్నం సినిమాతో ప్రేక్షకుల ముందుకు వచ్చాడు. ఇప్పుడు మరో సినిమాతో రానున్నాడు.
Updated on: Jan 03, 2025 | 12:29 PM
విశాల్ హీరోగా నటించిన సినిమాల పై ప్రేక్షకులకు ఆసక్తి ఉంటుంది. డిఫరెంట్ కంటెంట్ తో సినిమాలు చేస్తూ ప్రేక్షకులను మెప్పిస్తున్నారు విశాల్. తెలుగులోనూ విశాల్ కు మంచి మార్కెట్ ఉంది. విశాల్ నటించిన ఓ సినిమా ఇప్పుడు ప్రేక్షకుల ముందుకు రావడానికి రెడీ అవుతుంది. దాదాపు 12 ఏళ్ల తర్వాత ఈ సినిమా ప్రేక్షకుల ముందుకు రానుంది. ఆ సినిమా పేరు మద గజ రాజా. ఈ సినిమాకు నటుడు సుందర్ సి దర్శకత్వం వహించారు. నిజానికి ఈ సినిమాను 2013లో విడుదల చేయాలి. కానీ అప్పుడు విడుదల ఆగిపోయింది. విశాల్ నటించిన ఈ చిత్రంలో అంజలి, వరలక్ష్మి శరత్‌కుమార్‌లు కలిసి నటించారు.
పూర్తిగా కామెడీ కథాంశంతో రూపొందిన ఈ చిత్రాన్ని 2013 పొంగల్ పండుగ సందర్భంగా విడుదల చేసేందుకు ప్లాన్ చేశారు. ఆర్థిక సమస్యల కారణంగా అప్పుడు సినిమా విడుదల కాలేదు. ఈ సందర్భంలో, సుమారు 12 సంవత్సరాల తరువాత, ఈ చిత్రాన్ని వచ్చే పొంగల్ పండుగకు థియేటర్లలో విడుదల చేయనున్నట్లు చిత్ర బృందం ప్రకటించింది.ఈ చిత్రాన్ని పొంగల్ కానుక‌గా జ‌న‌వ‌రి 12న థియేటర్లలో విడుదల చేయనున్నట్లు చిత్ర బృందం అధికారికంగా ప్రకటించింది.
ఈ సంక్రాంతికి పెద్ద సినిమాలు పోటీ పడుతున్నాయి. తమిళ్ లో పెద్దగా పోటీ లేకపోయినా.. తెలుగులో మాత్రం బడా సినిమాలు ఉన్నాయి. శంకర్ గేమ్ ఛేంజర్, బాలకృష్ణ డాకూ మహారాజ్ , అలాగే వెంకటేష్ సంక్రాంతికి వస్తున్నాం ఈ సినిమాలు మధ్యలో ఇప్పుడు విశాల్ సినిమా రిలీజ్ కానుంది. దాదాపు 12 ఏళ్ల తర్వాత విడుదలవుతున్న ఈ సినిమాని చూసేందుకు అభిమానులు ఎంతగానో ఎదురుచూస్తున్నారు. నటుడు సంతానం ఈ చిత్రంలో కమెడియన్‌గా నటించారు.స్వరకర్త విజయ్ ఆంటోని ఈ చిత్రానికి సంగీతం అందించారు. ఈ సినిమాలో నటుడు విశాల్ పాడిన పాట నేటికీ ఇంటర్నెట్‌లో పాపులర్. 12 ఏళ్ల తర్వాత ఈ సినిమా ఇప్పుడు థియేటర్లలోకి రావడం విశాల్ అభిమానులకు ఆశ్చర్యం కలిగిస్తోంది. మరి ఈ సినిమాను తెలుగులోనూ రిలీజ్ చేస్తారా లేక కేవలం తమిళ్ లోనే రిలీజ్ చేస్తారా అన్నది చూడాలి.
Kings of Entertainment @VishalKOfficial #SundarC @iamsanthanam A @vijayantony musical
are all set to make this Pongal a Laughter Festival.
Gemini Film Circuit’s#MadhaGajaRaja
worldwide release on Jan 12.#MadhaGajaRajaJan12 #MGR #மதகஜராஜா @johnsoncinepro pic.twitter.com/9gfRXMUkH0
— Santhanam (@iamsanthanam) January 3, 2025
మరిన్ని సినిమా వార్తల కోసం ఇక్కడ క్లిక్ చేయండి
