Dhanush: శేఖర్ కమ్ములతో సినిమా చేయడానికి ధనుష్ ఎంత తీసుకుంటున్నాడో తెలుసా..
తమిళ స్టార్ హీరో ధనుష్ డైరెక్టర్ శేఖర్ కమ్ములతో కలిసి తెలుగులో నేరుగా సినిమా చేయబోతున్న సంగతి తెలిసిందే. ఇటీవల వీరిద్ధరి కాంబోలో సినిమా రాబోతుందని
Updated on: Jun 24, 2021 | 6:39 AM
తమిళ స్టార్ హీరో ధనుష్ డైరెక్టర్ శేఖర్ కమ్ములతో కలిసి తెలుగులో నేరుగా సినిమా చేయబోతున్న సంగతి తెలిసిందే. ఇటీవల వీరిద్ధరి కాంబోలో సినిమా రాబోతుందని అధికారిక ప్రకటన కూడా వచ్చింది. ఈ క్రమంలోనే శేఖర్ కమ్ములతో పనిచేసేందుకు చాలా ఎదురుచూస్తున్నాను అంటూ చెప్పుకొచ్చాడు ధనుష్. కాగా.. ఇప్పటికే ధనుష్ కు తెలుగులో కూడా ఫాలోయింగ్ ఎక్కువగానే ఉంది. ధనుష్ సినిమాలు తెలుగులో డబ్బింగ్ సూపర్ హిట్ అందుకోవడంతో.. తెలుగు ప్రేక్షకులకు దగ్గరయ్యాడు ధనుష్.. Shekar Kammula
ఇక మొదటి నుంచి శేఖర్ కమ్ముల, ధనుష్ కలయికలో రాబోతున్న సినిమా గురించి ఇప్పటికే గాసిప్స్ వినిపిస్తున్నాయి. ఇందులో ధనుష్ కు జోడిగా సాయిపల్లవి నటించబోతున్నట్లుగా గత కొన్ని రోజులుగా ఫిల్మ్ నగర్లో టాక్ వినిపించింది. తాజాగా మరో గాసిప్ ఫిల్మ్ ఇండస్ట్రీలో చక్కర్లు కొడుతుంది. ఈ సినిమా కోసం ధనుష్ భారీగానే రెమ్యునరేషన్ తీసుకుంటున్నాడట. ఇప్పటివరకు ధనుష్ రూ. 15 కోట్ల వరకు రెమ్యునరేషన్ తీసుకుంటుండగా… శేఖర్ కమ్ముల సినిమాతో డబుల్ అయిందనే ప్రచారం జరుగుతోంది. తెలుగు, తమిళంతోపాటు హిందీలోనూ రానున్న ఈ చిత్రాన్ని ఎస్వీసీఎల్ఎల్పీ బ్యానర్ పై నారాయణదాస్ నారంగ్, పీ. రామ్మోహన్ రావు నిర్మిస్తున్నారు. ఈ సినిమాను దాదాపు రూ. 120 కోట్ల బడ్జెట్ తో తెరకెక్కించబోతున్నట్లుగా మరో గాసిప్ వినిపిస్తోంది. ఇదిలా ఉంటే.. ధనుష్ కెరీర్ లోనే ఈ మూవీ అతి పెద్ద సినిమా కావడమే కాకుండా.. ఈ మూవీ కోసం ఎక్కువ మొత్తం పారితోషికం తీసుకోబోతున్నాడట.
