Chhaava OTT: తెలుగులో స్ట్రీమింగ్కు ఛావా.. ఒక్కరోజు ఆలస్యంగా ఆ ఓటీటీలోకి..
ఇటీవల బాలీవుడ్ బాక్సాఫీస్ షేక్ చేసిన సినిమా ఛావా. విక్కీ కౌశల్, రష్మిక మందన్నా జంటగా నటించిన ఈ మూవీ కలెక్షన్ల సునామీ సృష్టించింది. ఇక ఇప్పుడు ఈ మూవీ ఓటీటీలోకి వచ్చేసింది. ఏప్రిల్ 11నే ఈ సినిమా హిందీ వెర్షన్ ఓటీటీ అడియన్స్ ముందుకు వచ్చింది. తాజాగా తెలుగు వెర్షన్ సైతం రిలీజ్ చేశారు మేకర్స్.
Updated on: Apr 12, 2025 | 11:05 AM
బాలీవుడ్ స్టార్ హీరో విక్కీ కౌశల్, నేషనల్ క్రష్ రష్మిక మందన్నా జంటగా నటించిన లేటేస్ట్ చిత్రం ఛావా. ఛత్రపతి శంభాజీ మహారాజ్ జీవితం ఆధారంగా డైరెక్టర్ లక్ష్మణ్ ఉటేకర్ తెరకెక్కించిన ఈ హిస్టారికల్ డ్రామా ప్రేక్షకులను విపరీతంగా ఆకట్టుకుంది. ఈ సినిమా విక్కీ కౌశల్ కెరీర్ లోనే ఓ మైలురాయిగా నిలిచిపోయింది. పాన్ ఇండియా బాక్సాఫీస్ వద్ద దాదాపు రూ.700 కోట్లకు పైగా గ్రాస్ వసూళ్లు రాబట్టింది. ముఖ్యంగా ఈ సినిమా క్లైమాక్స్ ప్రతి ప్రేక్షకులను కన్నీళ్లు పెట్టేలా చేసింది. ఎమోషనల్ కంటెంట్ తోపాటు గ్రాండ్ విజువల్స్, శక్తివంతమైన నటనతో ఈ సినిమా ఆద్యంతం ఆకట్టుకుంది. దేశవ్యాప్తంగా అన్ని ప్రాంతాల అడియన్స్ ఈ సినిమా చూసి ఫిదా అయ్యారు. థియేటర్లలో భారీ సక్సెస్ అయిన ఈ సినిమా ఇప్పుడు ఓటీటీలోకి వచ్చేసింది.
ఏప్రిల్ 11 నుంచి ప్రముఖ ఓటీటీ ప్లాట్ ఫామ్ నెట్ ఫ్లిక్స్ లో ఈ సినిమా స్ట్రీమింగ్ అవుతుంది. అయితే నిన్న కేవలం హిందీ వెర్షన్ మాత్రమే రిలీజ్ అయ్యింది. దీంతో అడియన్స్ చాలా వరకు డిజప్పాయింట్ అయ్యారు. కానీ ఇప్పుడు ఊహించని విధంగా ఛావా తెలుగు వెర్షన్ అందుబాటులోకి వచ్చేసింది. ప్రస్తుతం ఈ సినిమా తెలుగు, హిందీ వెర్షన్ సైతం నెట్ ఫ్లిక్స్ ఓటీటీలో స్ట్రీమింగ్ అవుతుంది.
ఇవి కూడా చదవండి :
