Dhurandhar The Revenge: మూవీ లవర్స్కు బ్యాడ్ న్యూస్.. ధురంధర్ 2 తెలుగు షోలన్నీ రద్దు.. కారణమిదే
రణ్ వీర్ సింగ్ హీరోగా నటించిన ధురంధర్ ది రివేంజ్ కు బ్లాక్ బస్టర్ టాక్ వచ్చింది. మొదటి పార్ట్ రెండో భాగం చాలా ఎంగేజింగ్ గా ఉందని రివ్యూలు వచ్చాయి. అయితే తెలుగులో ఈ సినిమా చూడాలనుకున్న వారికి మరోసారి నిరాశే ఎదురైంది.
Updated on: Mar 19, 2026 | 12:13 PM
తెలుగు ఆడియెన్స్ కు బ్యాడ్ న్యూస్. గతంలో లాగే ‘ధురంధర్ 2’ మేకర్స్ హ్యాండ్ ఇచ్చేశారు. ఉగాది కానుకగా ధురంధర్ ది రివేంజ్ సినిమా ఇప్పటికే ప్రేక్షకుల ముందుకు వచ్చింది. బ్లాక్ బస్టర్ టాక్ సొంతం చేసుకుంది. కానీ తెలుగులో ఈ మూవీని చూడాలనుకున్నవారికి చిత్ర బృందం షాక్ ఇచ్చింది. ఇవాళ (మార్చి 19) పడాల్సిన ధురంధర్ ది రివేంజ్ తెలుగు వెర్షన్ షోలన్నీ రద్దయ్యాయి. ఈ మేరకు టికెట్స్ బుక్ చేసుకున్న వాళ్లందరికీ మెసేజులు వెళ్తున్నాయి. త్వరలోనే టికెట్ డబ్బులని తిరిగి ఇచ్చేస్తామని అందులో పేర్కొన్నారు. మరి ధురందర్ 2 తెలుగు వెర్షన్ రిలీజ్ జాప్యానికి కారణమేంటి? అసలు తెరవెనక ఏం జరుగుతోందో తెలియ రావడం లేదు. గతేడాది డిసెంబర్లలో రిలీజైన ధురంధర్ సినిమా ఏకంగా రూ.1300 కోట్లకు పైగా కలెక్షన్లు రాబట్టింది. మొదట ఈ సినిమా తెలుగు వెర్షన్ ను కూడా థియేట్లలో రిలీజ్ చేస్తారని ప్రచారం జరిగింది. కానీ అదేమీ జరగ లేదు. కేవలం ఓటీటీలో మాత్రమే ధురంధర్ తెలుగు వెర్షన్ స్ట్రీమింగ్ కు వచ్చింది. అయితే ధురంధర్ 2 మాత్రం తెలుగు వెర్షన్ కూడా రిలీజవుతుందని మేకర్స్ ప్రకటించారు. హిందీతో పాటు తెలుగు, తమిళ, కన్నడ, మలయాళ భాషల్లోనూ ధురంధర్ ది రివేంజ్ రిలీజ్ ఉంటుందని మాటిచ్చారు. ఈ మేరకు తెలుగులోనూ ట్రైలర్ రిలీజ్ చేశారు మేకర్స్. కానీ ఇప్పుడది తప్పారు.
మొదట బుధవారం (18వ తేదీన) సాయంత్రం 5 గంటల నుంచి ధురంధర్ రివేంజ్ తెలుగు షోలు ఉంటాయని చెప్పినప్పటికీ వాటిని రద్దు చేశారు. ఈ క్రమంలోనే దర్శకుడు ఆదిత్య ధర్.. రాత్రి 9 గంటల కు ఒక పోస్ట్ పెట్టాడు. ధురంధర్ 2 తెలుగు షోస్ కూడా రాత్రి 9 నుంచి అందుబాటులో ఉంటాయని అందులో పేర్కొన్నాడు. కానీ అదేమీ జరగలేదు. ఇక గురువారం (మార్చి 19) కూడా హైదరాబాద్లో ధురంధర్ 2 తెలుగు వెర్షన్ షోలు రద్దయ్యాయి. డబ్బింగ్ ఇంకా పూర్తిగా జరగకపోవడం, చివరి నిమిషంలో హడావుడి లాంటివి ప్రధాన సమస్యలుగా తెలుస్తోంది. ప్రస్తుతానికి బుక్ మై షోలో 20వ తేదీకి ధురంధర్ 2 తెలుగు షోలు ఉన్నాయి. అయితే అవి అయినా వేస్తారా లేదా అన్నది క్లారిటీ రావాల్సి ఉంది.
మరిన్ని సినిమా వార్తల కోసం ఇక్కడ క్లిక్ చేయండి.
