OTT Movie: ఓటీటీలోకి లేటెస్ట్ బ్లాక్ బస్టర్.. కడుపుబ్బా నవ్వించే విలేజ్ స్టోరీ.. ఐఎమ్‌డీబీలో 8.5 రేటింగ్
ఈ ఏడాది చిన్న సినిమాగా విడుదలై సంచలన విజయం సాధించిన చిత్రాల్లో ఒకటి. కొన్ని రోజుల క్రితమే థియేటర్లలో విడుదలైన ఈ మూవీ సూపర్ హిట్ గా నిలిచింది. ఆడియెన్స్ ను కడుపుబ్బా నవ్వించింది. బాక్సాఫీస్ వద్ద భారీ వసూళ్లు రాబట్టి నిర్మాతలకు మంచి లాభాలు తెచ్చిపెట్టింది.
Updated on: Nov 22, 2025 | 9:41 AM
మసూద ఫేమ్ తిరువీర్ నటించిన లేటెస్ట్ సినిమా ‘ద గ్రేట్ ప్రీ వెడ్డింగ్ షో’. రాహుల్ శ్రీనివాస్ అనే కొత్త దర్శకుడు తెరకెక్కించిన ఈ సినిమాలో టీనా శ్రావ్య హీరోయిన్ గా నటించింది. నవంబరు 7న థియేటర్లలో రిలీజైన ఈ సినిమా మొదటి షో నుంచే సూపర్ హిట్ టాక్ తెచ్చుకుంది. బాక్సాఫీస్ వద్ద డీసెంట్ కలెక్షన్లు రాబట్టింది. ఆకట్టుకునే కథ కథనాలు, విలేజ్ బ్యాక్ డ్రాప్ స్టోరీ కావడం, కామెడీకి పెద్ద పీట వేయడంతో ఈ సినిమా ఆడియెన్స్ ను బాగానే మెప్పించింది. నిర్మాతలకు కూడా మంచి లాభాలనే తెచ్చి పెట్టింది. థియేటర్లలో సూపర్ హిట్ గా నిలిచిన ఈ మూవీని ఓటీటీలో చూడాలని చాలా మంది ఎదురు చూస్తున్నారు. త్వరలోనే వీరి నిరీక్షణకు తెరపడనుంది. ఈ ‘ద గ్రేట్ ప్రీ వెడ్డింగ్ షో’ డిజిటల్ స్ట్రీమింగ్ హక్కులను ప్రముఖ ఓటీటీ సంస్థ జీ 5 సొంతం చేసకుంది. ఈ నేపథ్యంలో తిరువీర్ సినిమా ఓటీటీ రిలీజ్ డేట్ పై అధికారిక ప్రకటన వెలువడింది. డిసెంబరు 5 నుంచి ఈ సినిమాను స్ట్రీమింగ్ చేయనున్నట్లు అధికారికంగా ప్రకటించారు.
ఈ సినిమా కథ చాలా సింపుల్ గా ఉంటుంది. కానీ చూస్తున్నంత సేపు ఎలాంటి బోర్ కొట్టదు. ఆద్యంతం ఎంటర్ టైనింగ్ గా సాగుతుంది. ప్రీ వెడ్డింగ్ షూటింగ్ చేసిన మెమొరీ కార్డ్ పోతే.. ఓ ఫొటోగ్రాఫర్ ఎలాంటి తిప్పలు పడ్డాడు? అన్న చిన్న పాయింట్ తో ఈ సినిమాను తెరకెక్కించారు. కామెడీ, ఎమోషన్స్‌ జోడించి తెరకెక్కించిన ఈ సినిమా అంతా పల్లెటూరులో సాగుతుంది. మరి థియేటర్లలో ఈ సినిమాను మిస్ అయ్యారా? అయితే ఓటీటీలోకి వచ్చాక తప్పక చూడండి.
జీ5లో ది గ్రేట్ ప్రీ వెడ్డింగ్ షో స్ట్రీమింగ్..
The Great Pre-wedding Show locks its OTT date 🎬✨
Thiruveer’s The Great Pre-wedding Show arrives on ZEE5 on December 5. After a solid theatrical run and $100K overseas, the early OTT deal has already put the film in a profitable space.
With its chaotic village humour, missing… pic.twitter.com/jl4eyILPG7
— IndiaOnScreen (@IndiaOnScreen) November 21, 2025
మరిన్ని సినిమా వార్తల కోసం ఇక్కడ క్లిక్ చేయండి.
