Maha Samudram: మహా సముద్రంలో శర్వానంద్, సిద్ధార్థ్ యుద్ధం.. డిజిటల్ రైట్స్ దక్కించుకున్న ఆ ఓటీటీ సంస్థ..

ఆర్ఎక్స్ 100 డైరెక్టర్ అజయ్ భూపతి ప్రస్తుతం తెరకెక్కిస్తోన్న సినిమా మహా సముద్రం. ఇందులో టాలెంటెడ్ హీరో శర్వానంద్, సిద్ధార్థ హీరోలుగా నటిస్తున్నారు. ఈ సినిమాతోనే.. సిద్ధార్థ్ మళ్లీ టాలీవుడ్‏లోకి రీఎంట్రీ ఇస్తున్నాడు. విభిన్న కథాకథనాలతో రూపొందుతున్న ఈ సినిమాలో అదితీరావు, అనూ ఇమ్మాన్యుయేల్ హీరోయిన్స్‌గా నటిస్తుండగా.. భారీ బడ్జెట్‏తో ఏకే ఎంటర్‏టైన్మెంట్స్ బ్యానర్ పై అనిల్ సుంకర ఈ చిత్రాన్ని నిర్మిస్తున్నారు. ఇప్పటికే షూటింగ్ పూర్తిచేసుకున్న ఈ సినిమాను దసరా కానుకగా అక్టోబర్ 14న ప్రపంచ వ్యాప్తంగా థియేట్రికల్ రిలీజ్ చేయనున్నారు. ఈ క్రమంలో సినిమా ప్రమోషన్స్ వేగవంతం చేసింది చిత్రయూనిట్.

ఇదిలా ఉంటే.. ఇప్పటికే ఈ సినిమా నుంచి విడుదల చేసిన పోస్టర్స్, టీజర్ ప్రేక్షకులను తెగ ఆకట్టుకున్నాయి. అంతేకాకుండా.. ఇటీవల విడుదలైన మహాసముద్రం ట్రైలర్ సినిమాపై మరింత హైప్ క్రియేట్ చేసింది. ముఖ్యంగా ఈ ట్రైలర్లో ఉన్న డైలాగ్స్ ప్రేక్షకులను తెగ ఆకట్టుకున్నాయి. దీంతో సినిమాను చూడటానికి ఆడియన్స్ ఎంతో ఆసక్తిగా ఎదురుచూస్తున్నారు. ఇదిలా ఉంటే.. తాజాగా ఈ మూవీకి సంబంధించిన ఇంట్రెస్టింగ్ అప్డేట్ సోషల్ మీడియాలో చక్కర్లు కొడుతుంది. మహాసముద్రం విడుదల అనంతరం ఈ మూవీ ఓటీటీలో స్ట్రీమింగ్ కానుంది. ప్రముఖ ఓటీటీ సంస్థ నెట్ ఫ్లిక్స్‏ మహా సముద్రం డిజిటల్ స్ట్రీమింగ్ రైట్స్‏ను దక్కించుకున్నట్లుగా సమాచారం. థియేటర్లలో విడుదలైన తర్వాత.. మహా సముద్రం నెట్ ఫ్లిక్స్‏లో స్ట్రీమింగ్ కానుంది. ఇందులో జగపతి బాబు, రావు రమేష్ కీలక పాత్రలలో నటిస్తున్నారు. అలాగే చైతన్య భరద్వాజ్ ఈ సినిమాకు సంగీతం అందిస్తున్నారు.

Also Read: Anasuya: వెండితెరపై దూసుకుపోతున్న అందాల యాంకరమ్మ.. మరో స్పెషల్ సాంగ్‏లో అనసూయ..

Maa Elections 2021: ఎలక్షన్స్ రోజున శివ బాలాజీ చెయ్యి కొరికిన హేమ.. శివబాలాజీ భార్య సంచలన వ్యాఖ్యలు..

Vanitha Vijay Kumar: సమంతకు పెరుగుతున్న మద్దతు.. రంగంలోకి దిగిన వనితా విజయ్ కుమార్.. ఏమన్నదంటే..

Bigg Boss 5 Telugu: రెచ్చిపోయిన కంటెస్టెంట్స్.. ఈవారం నామినేట్ అయిన సభ్యులు ఎవరెవరంటే.