Allu Arjun: అల్లు అర్జున్ సరసన శ్రీలీల.. ఆహా కోసం స్పెషల్ మూవీ.. ఫస్ట్ లుక్ రిలీజ్..

స్టైలీష్ స్టార్ అల్లు అర్జున్ ప్రస్తుతం పుష్ప 2 చిత్రీకరణలో బిజీగా ఉన్న సంగతి తెలిసిందే. డైరెక్టర్ సుకుమార్ తెరకెక్కిస్తోన్న ఈ మూవీ కోసం పాన్ ఇండియా సినీ ప్రియులు ఆసక్తిగా ఎదురుచూస్తున్నారు. ఈ సినిమా కాకుండా బన్నీ మరో చిత్రంలో నటించడం లేదు. పుష్ప 2 అనంతరం.. డైరెక్టర్ సందీప్ రెడ్డి వంగా దర్శకత్వంలో ఓ మూవీ చేయనున్నట్లు గతంలో అనౌన్స్ చేసిన సంగతి తెలిసిందే. ఇక ఇదే కాకుండా.. మరోసారి మాటల మాంత్రికుడు త్రివిక్రమ్ దర్శకత్వంలో బన్నీ ఓ మూవీ చేయబోతున్నట్లు టాక్ వినిపిస్తుంది. కానీ ఇప్పటివరకు ఈ విషయంపై ఎలాంటి అధికారిక ప్రకటన రాలేదు. అయితే ఇప్పుడు బన్నీ అభిమానులను ఆశ్చర్యపరిచాడు. ఎందుకంటే… ఓవైపు వెండితెరపై సత్తా చాటుతోన్న బన్నీ.. ఇప్పుడు ఆహా కోసం డిజిటల్ ఎంట్రీకి సిద్ధమయ్యారు. ప్రముఖ ఓటీటీ తెలుగు మాధ్యమం ఆహాలో బన్నీ ఓ స్పెషల్ మూవీ చేయబోతున్నారు. త్రివిక్రమ్, బన్నీ కాంబోలో రాబోతున్న సినిమా ఏకంగా ఆహా కోసమే అని తెలుస్తోంది. గతంలో త్రివిక్రమ్ దర్శకత్వంలో బన్నీ అంటూ వారిద్దరూ షూటింగ్ సెట్ లో ఉన్న ఫోటోను విడుదల చేసింది. అయితే ఆ ఫోటోపై మాత్రం ఎలాంటి స్పష్టత ఇవ్వలేదు. తాజాగా ఈ ప్రాజెక్ట్ నుంచి మరో క్రేజీ పోస్టర్ రిలీజ్ చేసింది ఆహా.

త్రివిక్రమ్, బన్నీ కాంబోలో రాబోతున్న మూవీలో శ్రీలీల కథానాయికగా నటిస్తున్నట్లు అనౌన్స్ చేసింది. తాజాగా ఈరోజు శ్రీలీల పుట్టినరోజు కావడంతో ఈ ప్రాజెక్ట్ నుంచి కొత్త పోస్టర్ రిలీజ్ చేసింది. అందులో అల్లు అర్జున్.. శ్రీలీలను ఎత్తకొని స్టైల్ గా ఫోజు ఇచ్చాడు. దీంతో ఈ ఫోటో సోషల్ మీడియాలో వైరలవుతుంది. వీళ్లిద్దరూ కలిసి స్టెప్పేస్తే ఎలా ఉంటుందో ఊహించుకోండి.. ఆహా నుంచి రాబోతున్న అతిపెద్ద ప్రాజెక్ట్ కోసం వెయిట్ చేయండి అంటూ ట్వీట్ చేసింది ఆహా. దీంతో ఈ ప్రాజెక్ట్ పై అభిమానులలో మరింత ఆసక్తి నెలకొంది.

ఇవి కూడా చదవండి

Ugram Movie: ఓటీటీలోకి అల్లరి నరేష్ ‘ఉగ్రం’ సినిమా.. స్ట్రీమింగ్ ఎప్పటినుంచంటే..

Shaakuntalam: ‘శాకుంతలం’ సినిమాకు క్యూకట్టిన అవార్డ్స్..  కేన్స్ ఫిల్మ్ ఫెస్టివల్‌లో..

Jr.NTR: ‘ఈ గుండెని మరొక్కసారి తాకిపో తాతా’.. జూనీయర్ ఎన్టీఆర్ ఎమోషనల్ ట్వీట్..

Kamal Haasan: ‘నిజమైన కథ అని రాయగానే సరిపోదు’.. ది కేరళ స్టోరీ వివాదంపై కమల్ హాసన్ ఆసక్తికర వ్యాఖ్యలు..

అయితే ఈ ప్రాజెక్ట్ గురించి ఇంకా పూర్తి వివరాలు తెలియాల్సి ఉంది. శ్రీలీల, బన్నీ కాంబోలో ప్రాజెక్ట్ అంటే అదిరిపోతుందని.. ఇక వీరిద్దరు కలిసి డ్సాన్స్ చేస్తే ఏ రెంజ్‏లోని ఆనందం వ్యక్తం చేస్తున్నారు ఫ్యాన్స్. ఇక సోషల్ మీడియా వేదికగా శ్రీలీలకు శుభాకాంక్షలు తెలుపుతున్నారు ఫ్యాన్స్. ప్రస్తుతం త్రివిక్రమ్ .. మహేష్ బాబుతో గుంటూరు కారం సినిమా చేస్తున్న సంగతి తెలిసిందే.

He is Iconic ⭐she is dreamy ?. Veellu kalisi steppeste bomma blockbuster e?. Presenting @sreeleela14, our heroine for next aha Original… Athi pedda ‘Movie’ Panduga cheskundama..? Get ready for entertainment ‘tsunami’ ??#AAtakesoverAha @alluarjun pic.twitter.com/7EK4DkbZT0

— ahavideoin (@ahavideoIN) June 14, 2023

మరిన్ని సినిమా వార్తల కోసం ఇక్కడ క్లిక్ చేయండి.