Ugram Movie: ఓటీటీలోకి అల్లరి నరేష్ ‘ఉగ్రం’ సినిమా.. స్ట్రీమింగ్ ఎప్పటినుంచంటే..
షైన్ స్క్రీన్స్ నిర్మించిన ఈ మూవీ మే 5న థియేటర్లలో రిలీజ్ కాగా.. పాజిటివ్ టాక్ సొంతం చేసుకుంది. ఇందులో పవర్ ఫుల్ పోలీస్ ఆఫీసర్ పాత్రలో కనిపించారు నరేష్. అడియన్స్ నుంచి మంచి టాక్ సంపాదించుకున్న ఈ మూవీ కమర్షియల్గా ఆశించిన స్థాయిలో వసూళ్లు రాబట్టలేకపోయింది. కానీ నటనపరంగా మరోసారి సినీ విమర్శకుల ప్రశంసలు అందుకున్నారు నరేష్.
Updated on: May 31, 2023 | 2:36 PM
నాంది సినిమాతో సూపర్ హిట్ అందుకున్న అల్లరి నరేష్… ఇటీవల ఉగ్రం సినిమాతో ఆడియన్స్ ముందుకు వచ్చిన సంగతి తెలిసిందే. ఇందులో మిర్నా కథానాయికగా నటించగా.. నాంది మూవీ డైరెక్టర్ విజయ్ కనకమేడల దర్శకత్వం వహించారు. షైన్ స్క్రీన్స్ నిర్మించిన ఈ మూవీ మే 5న థియేటర్లలో రిలీజ్ కాగా.. పాజిటివ్ టాక్ సొంతం చేసుకుంది. ఇందులో పవర్ ఫుల్ పోలీస్ ఆఫీసర్ పాత్రలో కనిపించారు నరేష్. అడియన్స్ నుంచి మంచి టాక్ సంపాదించుకున్న ఈ మూవీ కమర్షియల్గా ఆశించిన స్థాయిలో వసూళ్లు రాబట్టలేకపోయింది. కానీ నటనపరంగా మరోసారి సినీ విమర్శకుల ప్రశంసలు అందుకున్నారు నరేష్. ఈ సినిమాలో ఉగ్రరూపం చూపించారు నరేష్. ఎప్పుడూ కామెడీతో అలరించిన ఈ హీరో మరోసారి సీరియస్ పాత్రలో మెప్పించారు.
ఇక బాక్సాఫీస్ వద్ద పాజిటివ్ టాక్ సొంతం చేసుకున్న ఈ మూవీ ఇప్పుడు ఓటీటీలోకి రానుంది. ఉగ్రం సినిమా ప్రముఖ ఓటీటీ సంస్థ అమెజాన్ ప్రైమ్ వీడియోలో జూన్ 2 నుంచి స్ట్రీమింగ్ కానుంది. ఈ విషయాన్ని సదరు సంస్థ బుధవారం అధికారికంగా ప్రకటించింది. దీంతో ఈ మూవీని థియేటర్లలో మిస్ అయినవాళ్లు ఓటీటీలో నేరుగా ఇంట్లోనే చూడొచ్చు.
ఓ పవర్ ఫుల్ పోలీస్ ఆఫీసర్ కుటుంబాన్ని కారు ప్రమాదం చిన్నాభిన్నం చేస్తుంది. ఆ యాక్సిడెంట్ తర్వాత అతని భార్య, కూతురు కనిపించకుండా పోతారు. వాళ్లను వెతికి పట్టుకునేందుకు అతడు చేసిన ప్రయాణం.. ఈ క్రమంలోనే ఎలాంటి సవాళ్లు ఎదురయ్యాయి ? తన భార్య, బిడ్డతో పాటు నగరంలో కనిపించకుండా పోయిన అనేక మంది ఆచూకీని తనెలా కనుగొన్నాడు? అనేది కథ.
మరిన్ని సినిమా వార్తల కోసం ఇక్కడ క్లిక్ చేయండి.
