Sharwanand: కారు ప్రమాదంపై స్పందించిన శర్వానంద్.. క్షేమంగా ఉన్నానంటూ ట్వీట్..
హైదరాబాద్ లోని ఫిలింనగర్ జంక్షన్ వద్ద ఆయన కారు అదుపు తప్పి డివైడర్ ను ఢీకొట్టింది. రాంగ్ రూటో లో వస్తున్న బైక్ ను తప్పించే క్రమంలో ఈ ప్రమాదం జరిగినట్లుగా తెలుస్తోంది. అయితే ఈ ప్రమాదంలో శర్వాకు స్వల్ప గాయాలయ్యాయని ముందుగా ప్రచారం జరిగింది. తాజాగా ఈ వార్తలపై స్పందిస్తూ.. తాను క్షేమంగానే ఉన్నట్లు తెలిపారు.
Updated on: May 28, 2023 | 2:20 PM
కారు ప్రమాద ఘటనపై హీరో శర్వానంద్ స్పందించారు. ఈ ఘటనలో ఎవరికీ ఎలాంటి గాయాలు కాలేదని.. అందరు క్షేమంగానే ఉన్నారని..తన కోసం ఎవరూ ఆందోళన పడాల్సిన అవసరం లేదంటూ ట్వీట్ చేశారు. ఆదివారం తెల్లవారుజామున హీరో శర్వానంద్ కారు రోడ్డు ప్రమాదానికి గురైన సంగతి తెలిసిందే. హైదరాబాద్ లోని ఫిలింనగర్ జంక్షన్ వద్ద ఆయన కారు అదుపు తప్పి డివైడర్ ను ఢీకొట్టింది. రాంగ్ రూటో లో వస్తున్న బైక్ ను తప్పించే క్రమంలో ఈ ప్రమాదం జరిగినట్లుగా తెలుస్తోంది. అయితే ఈ ప్రమాదంలో శర్వాకు స్వల్ప గాయాలయ్యాయని ముందుగా ప్రచారం జరిగింది. తాజాగా ఈ వార్తలపై స్పందిస్తూ.. తాను క్షేమంగానే ఉన్నట్లు తెలిపారు.
“ఈరోజు ఉదయం నా కారుకు యాక్సిడెంట్ అయినట్లుగా వార్తలు వచ్చాయి. అయితే అది చాలా చిన్న ప్రమాదం. మీ అందరి ప్రేమ, ఆశీస్సుల వల్ల నేను క్షేమంగానే ఉన్నాను. నా గురించి చింతించకండి. మీ ప్రేమాభిమానాలకు ధన్యవాదాలు” అంటూ ఆయన ట్వీట్ చేశారు.
ఇదిలా ఉంటే.. ఈ ఏడాది ప్రారంభంలోనే యూఎస్ లో సాఫ్ట్ వేర్ గా ఇంజనీర్ గా పనిచేస్తున్న రక్షితారెడ్డితో శర్వానంద్ నిశ్చితార్థం జరిగింది. రాజస్థాన్ లోని జైపూర్ లో ఉన్న లీలా ప్యాలెస్ వీరి వివాహనికి వేదిక కానుంది. జూన్ 2, 3 తేదీల్లో గ్రాండ్ గా వివాహ వేడుకలను నిర్వహించనున్నట్లు తెలుస్తోంది. ఈ క్రమంలో శర్వానంద్ కారుకు ప్రమాదం జరిగిందని తెలియడంతో ఆయన ఫ్యాన్స్ ఆందోళన చెందారు. తాజాగా తాను క్షేమంగా ఉన్నానంటూ శర్వా ట్వీట్ చేయడంతో అభిమానులు ఊపిరి పీల్చుకున్నారు.
There has been news that my car met with an accident this morning. It was a very minor incident.
I am absolutely safe and sound at Home with all your love and blessings. There is nothing to worry about. Thank you all for your concern.
Have a great Sunday everyone.
— Sharwanand (@ImSharwanand) May 28, 2023
మరిన్ని సినిమా వార్తల కోసం ఇక్కడ క్లిక్ చేయండి.
