Actor MaheshBabu: రాముడిగా మహేశ్ బాబు.. రావణుడిగా బాలీవుడ్ స్టార్ హృతిక్ ? మరోసారి భారీ బడ్జెట్ మల్టీస్టారర్..
రామాయణం కథాంశంతో బాలీవుడ్లో 3డీలో ఓ భారీ బడ్జెట్ సినిమాను తెరకెక్కించబోతున్నారు. ఈ చిత్రాన్ని అల్లు అరవింద్, మధు మంతెన నిర్మించనున్నారు.
Updated on: Feb 11, 2021 | 8:42 AM
రామాయణం కథాంశంతో బాలీవుడ్లో 3డీలో ఓ భారీ బడ్జెట్ సినిమాను తెరకెక్కించబోతున్నారు. ఈ చిత్రాన్ని అల్లు అరవింద్, మధు మంతెన నిర్మించనున్నారు. అయితే ఇందులో రావణుడి పాత్రలో బాలీవుడ్ స్టార్ హీరో హృతిక్ నటించనున్నట్లుగా టాక్ వినిపిస్తోంది. అంతేకాకుండా ఈ సినిమా సీత పాత్రలో దీపికా పదుకుణె నటించనున్నారని సమాచారం. ఇదిలా ఉండగా.. రాముడి పాత్రలో ఎవరు నటించనున్నారనే విషయంపై ఇప్పటివరకు స్పష్టత రాలేదు. తాజాగా ఈ సినిమాలో టాలీవుడ్ స్టార్ హీరో నటించనున్నట్లుగా టాక్ వినిపిస్తోంది.
తాజా సమాచారం ప్రకారం ఈ భారీ బడ్జెట్ 3డీ సినిమాలో టాలీవుడ్ సూపర్ స్టార్ మహేష్ బాబు నటించనున్నాడని బాలీవుడ్ వర్గాల్లో చర్చ నడుస్తోంది. ఇప్పటికే ఆ పాత్ర కోసం చిత్ర నిర్మాత మధు మంతెన మహేష్తో చర్చలు కూడా జరిగాయట. మొదట ఈ పాత్ర కోసం ప్రభాస్ను తీసుకోవాలని చిత్రయూనిట్ భావించారట. అయితే ప్రభాస్ వరుస సినిమాలతో బిజీగా ఉండడం అలాగే.. బాలీవుడ్ డైరెక్టర్ ఓంరౌత్ తెరకెక్కిస్తున్న ఆదిపురుష్ సినిమాలో ప్రభాస్ రాముడిగా కనిపించనున్నారు. దీంతో నిర్మాత మధు తన సినిమా కోసం మహేష్ను అనుకుంటున్నట్లుగా తెలుస్తోంది. దాదాపు 300 కోట్ల బడ్జెట్తో తెరకెక్కించనున్నారట. ఇప్పటికే ఈ సినిమా ప్రీప్రొడక్షన్ ప్రారంభించినట్లుగా సమాచారం. ఇదిలా ఉండగా.. మహేష్ ‘సర్కారు వారి పాట’ సినిమా చిత్రీకరణలో బిజీగా ఉన్నాడు.
Also Read:
