బన్నీకి విలన్‌గా కోలీవుడ్ స్టైలిష్‌ హీరో..!

Allu Arjun Pushpa: సుకుమార్ దర్శకత్వంలో అల్లు అర్జున్ పుష్పలో నటించనున్న విషయం తెలిసిందే. లాక్‌డౌన్‌ నేపథ్యంలో ఈ మూవీ షూటింగ్‌కి బ్రేక్‌ పడగా.. త్వరలో షూటింగ్‌ని ప్రారంభించేందుకు రెడీ అవుతున్నారు సుకుమార్. ఇందుకోసం హైదరాబాద్‌లో ప్రత్యేక సెట్‌ని వేస్తున్నట్లు తెలుస్తోంది. ఇదిలా ఉంటే ఇందులో విలన్‌గా కోలీవుడ్ నటుడు విజయ్ సేతుపతిని అనుకున్నారు. కానీ డేట్లు క్లాష్‌ అవుతుండటంతో ఈ ప్రాజెక్ట్ నుంచి తప్పుకున్నట్లు ఆయన ఓ సందర్భంలో తెలిపారు. ఈ క్రమంలో ఆ పాత్రలో బాబీ, సునీల్ శెట్టి ఇలా పలువురి పేర్లు వినిపించాయి. అయితే వారెవరు కన్ఫర్మ్ కాలేదు.

ఇక తాజాగా విలన్ పాత్రకు గానూ మరో పేరు ఫిలింనగర్ వర్గాల్లో వినిపిస్తోంది. కోలీవుడ్ స్టైలిష్‌ స్టార్ మాధవన్‌ని విలన్‌ పాత్ర కోసం సంప్రదించడం, ఆయన ఓకే చెప్పడం జరిగిపోయాయని సమాచారం. అంతేకాదు త్వరలోనే దీనికి సంబంధించిన అధికారిక ప్రకటన రానున్నట్లు తెలుస్తోంది. అయితే సవ్యసాచి ద్వారా తెలుగులోకి ఎంట్రీ ఇచ్చిన మాధవన్‌.. అనుష్క నిశ్శబ్దంలో నటించారు. ఈ చిత్రం అక్టోబర్ 2న ఓటీటీలో విడుదల కానుంది.

కాగా ఎర్రచందనం స్మగ్లింగ్ నేపథ్యంలో తెరకెక్కనున్న ఈ మూవీలో బన్నీ పుష్పరాజ్ అనే లారీ డ్రైవర్ పాత్రలో నటించనున్నారు. రష్మిక హీరోయిన్‌గా నటిస్తోన్న ఈ మూవీలో జగపతి బాబు, ప్రకాష్‌ రాష్ కీలక పాత్రల్లో కనిపించనున్నట్లు తెలుస్తోంది. మైత్రీ మూవీ మేకర్స్‌, ముత్తంశెట్టి క్రియేషన్స్ సంయుక్తంగా నిర్మిస్తోన్న ఈ మూవీకి దేవీ శ్రీ ప్రసాద్‌ సంగీతం అందిస్తున్నారు.

Read More:

Sushant Case: ఆ నలుగురు హీరోయిన్లు అదే చెప్పారు: ఎన్సీబీ

పవన్‌ ఫ్యాన్స్‌కి గుడ్‌న్యూస్‌ చెప్పిన బండ్ల గణేష్‌