Chiru Rajamouli Combo:టాలీవుడ్ ఓ ఊహించని కాంబోలో భారీ బడ్జెట్ తో సినిమా .. పట్టాలెక్కేది ఎప్పుడంటే..!

తెలుగు తెరపై మరో అద్భుతం ఆవిష్కృతంకాబోతుంది. ఓ క్రేజీ కాంబో మనల్ని మెస్మరైజ్‌ చేసేందుకు రెడీ అవుతోంది. తెలుగు ప్రేక్షకులు ఊహించలేనంత.. భారీ బడ్జెట్ సినిమాను...

Surya Kala | Edited By: Rajitha Chanti

Updated on: Feb 15, 2021 | 6:10 PM

Chiru Rajamouli Combo: తెలుగు తెరపై మరో అద్భుతం ఆవిష్కృతంకాబోతుంది. ఓ క్రేజీ కాంబో మనల్ని మెస్మరైజ్‌ చేసేందుకు రెడీ అవుతోంది. తెలుగు ప్రేక్షకులు ఊహించలేనంత.. భారీ బడ్జెట్ సినిమాను రూపొందించడానికి రంగం సిద్ధం చేసుకుంటోంది. ఇక ఇండస్ట్రీలో ఎక్కడ విన్నా ఈ న్యూస్ హల్ చల్ చేస్తోంది. అందరిని సర్‌ప్రైజ్‌ చేస్తోంది. మరి ఆ కాంబో ఏంటో తెలుసుకుందాం..!

టాలీవుడ్ లెజండరీ యాక్టర్‌ మెగాస్టార్‌ చిరంజీవి.. ఓ భారీ బడ్జెట్ పాన్‌ ఇండియా సినిమాలో నటించబోతున్నాడు. సైరా కంటే ఎక్కువ పకడ్భందీగా.. ఓ పాన్‌ రేంజ్‌ యాక్షన్ థ్రిల్లర్‌తో మన ముందుకు రాబోతున్నారు. ఇక ఈ సినిమాను రాజమౌళి తెరక్కెంచబోతున్నాడనే పుకారు షికారు చేస్తోంది.

ఇప్పటికే డైరెక్టర్‌ రాజమౌళి తన తండ్రి విజయేంద్ర ప్రసాద్ రాసిన ఓ స్టోరీని మెగాస్టార్ చిరంజీవి కి సరిపోతుందని భావించిన రాజమౌళి ఇటీవలే చిరు ని కలిసి స్టోరీ లైన్ వినిపించి ఒకే… అనిపించుకున్నాడనే టాక్ ఫిల్మ్ నగర్ లో చక్కర్లు కొడుతోంది. .

అయితే ఈ సినిమా… ఆర్‌ఆర్‌ఆర్, రాజమౌళి, మహేష్ కాంబినేషన్‌లో తెరకెక్కనున్న సినిమా తర్వాతనే ఉండబోతుందని తెలుస్తోంది. చిరు కూడా వరుస సినిమాలని లైన్లో పెట్టి ఫుల్ బిజీగా ఉన్నారు.. ఈ సినిమాలన్నీ పూర్తి చేసుకున్నాక కాని కొత్త సినిమాకు డేట్లు ఇవ్వలేని పరిస్థితి. దీంతో ప్రస్తుతం చేతిలో ఉన్న సినిమాలను ఇటు చిరంజీవి, అటు రాజమౌళి పూర్తి చేసుకుని ఈ సినిమా పట్టాలెక్కించడానికి సిద్ధపడతారు అని సన్నిహిత వర్గాల అంటున్నారు.