Bhumi Pednekar: అందరి ముందు అసిస్టెంట్‌తో చెప్పులు విప్పించుకున్న స్టార్‌ హీరోయిన్.. మండిపడుతున్న నెటిజన్లు
సినిమాల్లో తప్ప బయటి విషయాల్లో పెద్దగా ఆసక్తి చూపని ఆమె ఎప్పుడూ పెద్దగా వివాదాల్లో నిలిచింది లేదు. అయితే ప్రస్తుతం సోషల్‌ మీడియాలో తెగ ట్రోలింగ్‌కు గురవుతోంది భూమి పెడ్నేకర్‌. నెటిజన్లు ఆమెను తిట్టిపోస్తున్నారు.
Updated on: Mar 04, 2023 | 11:31 AM
బాలీవుడ్‌లో వైవిధ్యమైన కథలతో సినిమాలు చేస్తూ విలక్షణ నటిగా గుర్తింపు తెచ్చుకుంది భూమి పెడ్నకర్‌. ఓవైపు గ్లామర్‌ పాత్రలు పోషిస్తూనే మహిళా ప్రాధాన్యమున్న చిత్రాలు చేస్తోందీ అందాల తార. దమ్‌ లగా కే హైసా, టాయిలెట్‌: ఏక్‌ ప్రేమ్‌కథ, శుభ్‌మంగళ్‌ సావధాన్‌, సాంచారియా, సాండ్‌ కీ ఆంఖ్‌, బాలా, పతీ పత్నీ ఔర్‌ ఓ, దుర్గామతి, బదాయి హో, రక్షాబంధన్‌ వంటి హిట్‌ సినిమాలు భూమి ఖాతాలో ఉన్నాయి. సినిమాల్లో తప్ప బయటి విషయాల్లో పెద్దగా ఆసక్తి చూపని ఆమె ఎప్పుడూ పెద్దగా వివాదాల్లో నిలిచింది లేదు. అయితే ప్రస్తుతం సోషల్‌ మీడియాలో తెగ ట్రోలింగ్‌కు గురవుతోంది భూమి పెడ్నేకర్‌. నెటిజన్లు ఆమెను తిట్టిపోస్తున్నారు. ఓ ఈవెంట్‌కు వెళ్లిన భూమి తన అసిస్టెంట్‌తో చెప్పులు విప్పించుకోవడమే ఈ వివాదానికి కారణం. వివరాల్లోకి వెళితే..
భూమి పడ్నేకర్‌ తాజాగా ఓ ఈవెంట్‌కు వెళ్లారు. అక్కడ కార్యక్రమం ప్రారంభోత్సవం సందర్భంగా జ్యోతి ప్రజ్వలన జరిగింది. ఆ సమయంలో అతిథులంతా స్టేజ్‌ ఎక్కారు. పక్కనే నిలబడి ఉన్న భూమిని కూడా స్టేజ్‌పై రావాలని అతిథులు పిలిచారు. దీంతో ఆమె చెప్పులు విప్పి పైకి వెళ్లాలనుకుంది. కానీ ఆమె ఎంత ప్రయత్నించినా కాలికి ఉన్న చెప్పులు తీయలేకపోయింది. దీంతో పక్కకు వచ్చి తన అసిస్టెంట్‌కు సైగ చేసింది. వెంటనే అతను వచ్చి ఆమెకు సహాయం చేశాడు. ఆ తర్వాత ఆమె స్టేజ్‌ పైకి వెళ్లింది. దీనికి సంబంధించిన వీడియో ప్రస్తుతం సోషల్‌ మీడియాలో వైరల్‌ అవుతోంది. అసిస్టెంట్‌తో ఆమె చెప్పులు తీయించుకోవటాన్ని నెటిజన్లు తప్పుబడుతున్నారు. ఇదిలా ఉంటే మహేశ్‌బాబు హీరోగా త్రివిక్రమ్‌ తెరకెక్కిస్తోన్న ఎస్‌ఎస్‌ఎమ్‌బీ 28 సినిమాతో భూమిపెడ్నేకర్‌ టాలీవుడ్‌లోకి అడుగు పెట్టనున్నారని టాక్‌ వినిపిస్తోంది.
మరిన్ని సినిమా వార్తల కోసం క్లిక్ చేయండి..
