TS ECET 2022: 2 రోజుల్లో ముగియనున్న తెలంగాణ ఈసెట్‌-2022 దరఖాస్తు ప్రక్రియ.. పరీక్ష తేదీ ఇదే..

TS ECET 2022 registration last date: తెలంగాణ రాష్ట్ర ఇంజనీరింగ్ కామన్ ఎంట్రన్స్ టెస్ట్ (TS ECET 2022) రిజిస్ట్రేషన్ ప్రక్రియ రెండు రోజుల్లో (జూన్‌ 8) ముగుస్తున్నట్లు ఈసెట్‌ కన్వీనర్‌ కె విజయకుమార్‌రెడ్డి తెలిపారు. 2022-23 విద్యాసంవత్సరానికి సంబంధించి బీటెక్‌ రెండో ఏడాదిలో లేటరల్‌ ఎంట్రీ ప్రవేశాల కోసం ఈసెట్‌ నిర్వహిస్తున్నట్లు తెలిపారు. ఇప్పటివరకు 20,000ల మంది విద్యార్థులు దరఖాస్తు చేసుకున్నారు. ఇప్పటి వరకు దరఖాస్తు చేసుకోని అభ్యర్థులు గడువు సమయం ముగింపు లోగా అధికారిక వెబ్‌సైట్‌ ecet.tsche.ac.inలో ఆన్‌లైన్‌ విధానంలో దరఖాస్తు చేసుకోవాలని ఈ సందర్భంగా సూచించారు. ఏప్రిల్ 6 నుంచి దరఖాస్తు ప్రక్రియ ప్రారంభం కాగా జూన్‌ 8 (ఆలస్య రుసుము లేకుండా)తో దరఖాస్తు ప్రక్రియ ముగుస్తుంది. రూ. 500ల ఆలస్య రుసుముతో జూన్‌ 14 వరకు, రూ.2,500ల ఆలస్య రుసుముతో జులై 6 వరకు దరఖాస్తు చేసుకోవచ్చు. ఈ పరీక్షకు సంబంధించిన హాల్‌ టికెట్లు జులై 8న విడుదలౌతాయి.

ఇక ఈసెట్‌ పరీక్ష జూలై 13న రెండు షిఫ్టుల్లో, ఒకే రోజులో తెలంగాణ రాష్ట్ర వ్యాప్తంగా ఆన్‌లైన్‌ విధానంలో జరగనుంది. ఈసీఈ, ఈఐఈ, సీఎస్‌ఈ, ఈఈఈ స్ట్రీమ్‌లకు ఉదయం 9 గంటల నుంచి మధ్యాహ్నం 12 గంటల వరకు పరీక్ష జరుగుతుంది. ఇక సీఐవీ, సీహెచ్‌ఈఎం, ఎంఈసీ, ఎంఐఎన్‌, ఎంఈటీ, పీహెచ్‌ఎం, బీఎస్‌ఎం విభాగాలకు మధ్యాహ్నం 3 గంటల నుండి సాయంత్రం 6 గంటల వరకు పరీక్ష నిర్వహిస్తుంది. రాష్ట్ర ఉన్నత విద్యామండలి తరపున జవహర్‌లాల్‌ నెహ్రు యూనివర్సిటీ ఆఫ్‌ హైదరాబాద్‌ (JNTUH) ఈ పరీక్షను నిర్వహిస్తుంది. ఈ పరీక్షను నిర్వహించడం జేఎన్‌టీయూహెచ్‌కి ఇది ఏడోసారి.

TS ECET 2022కు ఎలా దరఖాస్తు చేసుకోవాలంటే..

ఇవి కూడా చదవండి

inStem Recruitment 2022: రాత పరీక్షలేకుండానే ఎంపిక..ఇన్‌స్టెమ్‌లో టెక్నికల్ అస్టిస్టెంట్ ఉద్యోగాలు.. ఈ అర్హతలుంటే చాలు..

C-DAC Recruitment 2022: బీఈ/బీటెక్‌ నిరుద్యోగులకు సీ-డ్యాక్‌లో ఉద్యోగావకాశాలు.. ఎంపిక ఇలా..

CSIR NPL Recruitment 2022: సీఎస్ఐఆర్‌- నేషనల్‌ ఫిజికల్‌ ల్యాబొరేటరీలో టెక్నీషియన్‌ ఉద్యోగాలు..రూ.33,848ల జీతంతో బంపరాఫర్‌!

AP 10th Class Results 2022: రేపే ఆంధ్రప్రదేశ్‌ పదో తరగతి పబ్లిక్‌ పరీక్షల ఫలితాలు.. ఎన్ని గంటలకంటే..

• ముందుగా అధికారిక వెబ్‌సైట్‌ ecet.tsche.ac.inను ఓపెన్‌ చెయ్యాలి.
• హోమ్‌పేజీలో కనిపించే “TS ECET 2022 registration” లింక్‌పై క్లిక్ చేయాలి.
• అవసరమైన వివరాలతో దరఖాస్తు ఫారమ్‌ను పూరించి, పేర్కొన పత్రాలను అప్‌లోడ్ చేయాలి.
• తర్వాత రిజిస్ట్రేషన్ ఫీజు చెల్లించాలి.
• సబ్‌మిట్‌ చేసేముందు అన్ని వివరాలు చెక్‌ చేసుకుని, చివరిగా సబ్‌మిట్‌ చేయాలి.
• పూరించిన దరఖాస్తును డౌన్‌లోడ్‌ చేసుకుని, హార్డాకాపీని ప్రింట్ ఔట్‌ తీసుకోవాలి.

మరిన్ని తాజా విద్యా, ఉద్యోగ సమాచారం కోసం క్లిక్‌ చేయండి.