JNV Result 2021: నవోదయ విద్యాలయ సమితి ఫలితాలు విడుదల.. ఎలా చెక్‌ చేసుకోవాలంటే..
JNV Result 2021: దేశ వ్యాప్తంగా ఉన్న జవహర్‌ నవోదయ విద్యాలయాలలో 6, 11వ తరగతి ప్రవేశాల కోసం నిర్వహించిన ప్రవేశ పరీక్ష ఫలితాలు విడుదలయ్యాయి. ఈ పరీక్షలను 2021-2022 ఏడాదికి గాను..
JNV Result 2021: దేశ వ్యాప్తంగా ఉన్న జవహర్‌ నవోదయ విద్యాలయాలలో 6, 11వ తరగతి ప్రవేశాల కోసం నిర్వహించిన ప్రవేశ పరీక్ష ఫలితాలు విడుదలయ్యాయి. ఈ పరీక్షలను 2021-2022 ఏడాదికి గాను నిర్వహించారు. ఈ ఫలితాలను తాజాగా మంగళవారం విడుదల చేశారు. పరీక్షకు హాజరైన విద్యార్థులు నవోదయ విద్యాలయ సమితి అధికారిక వెబ్‌సైట్‌ అయిన navodaya.gov.in వెబ్సైట్లో ఫలితాలను చెక్‌ చేసుకోవాల్సి ఉంటుందని సంబంధిత అధికారులు తెలిపారు.
ఈ ఏడాది జవహర్‌ నవోదయ విద్యాలయాల ఆరో తరగతి ప్రవేశ పరీక్షను ఆగస్టు 11, 2021లో నిర్వహించారు. ఈ పరీక్షను ఇంగ్లిష్‌, హిందీతో పాటు ప్రాంతీయ భాషల్లో నిర్వహించారు. కరోనా నేపథ్యంలో అధికారులు పూర్తిగా కోవిడ్‌ -19 నిబంధనలను పాటిస్తూ ఈ పరీక్షలను చేపట్టారు. ఇక ఈ పరీక్షను దేశ వ్యాప్తంగా మొత్తం 644 జిల్లాలో 11,152 సెంటర్లలో నిర్వహించారు. ఈ పరీక్షకు 14 లక్షల మంది హాజరుకాగా 47,320 మంది సెలక్ట్‌ అయ్యారు. ఇక 11వ తరగతి ప్రవేశ పరీక్షలో ఎంపికైన వారి జాబితాను అధికారిక వెబ్సైట్లో అందుబాటులో ఉంచారు.
ఆరో తరగతి పరీక్ష ఫలితాలు ఇలా చెక్‌ చేసుకోండి..
* ముందుగా అధికారిక వెబ్‌సైట్‌ navodaya.gov.inలోకి వెళ్లాలి.
* అనంతరం ‘వ్యూ జేఎన్‌వీఎస్‌టీ క్లాస్‌ 6 రిజల్ట్స్‌’పై క్లిక్‌ చేయాలి.
* తర్వాత రిజిస్ట్రేషన్‌ నెంబర్‌, పాస్‌వర్డ్‌ ఎంటర్‌ చేసి సబ్‌మిట్ బటన్‌ నొక్కాలి.
* వెంటనే స్క్రీన్‌పై మీ ఫలితాలు వచ్చేస్తాయి.
Also Read: iral Video: వారెవ్వా.. ఈ రైతు తెలివికి ఫిదా అవ్వాల్సిందే.. అసలు ఏం చేస్తున్నాడో చూడండి…
