Coconut Farming: కొబ్బరి సాగుతో ఏళ్ల తరబడి రాబడి.. తక్కువ ఖర్చుతో లక్షల్లో సంపాదన
కొబ్బరి సాగుకు కూడా పెద్దగా శ్రమ పడాల్సిన అవసరం ఉండదు. పెద్దగా ఖర్చు కూడా ఉండదు. తక్కువ ఖర్చుతో ఏళ్ల తరబడి లక్షలు సంపాదించుకోవచ్చు. ఏడాది పొడవునా కొబ్బరి దిగుబడినిస్తుంది. అయితే కొబ్బరిలో అనేక జాతులు చాలా ఉన్నాయి. అనువైన రకాలన ఎంచుకోవడం వల్ల ఏడాది పొడవునా దిగుబడిని పొందవచ్చు. అలాగే కొబ్బరి సాగులో పురుగుమందులు, ఖరీదైన ఎరువులు అవసరం లేదు. అయితే, ఎరియోఫైట్స్, తెల్ల పురుగులు కొబ్బరి మొక్కలను దెబ్బతీస్తాయి.
Updated on: Mar 21, 2024 | 5:30 PM
కొబ్బరికాయను భారతదేశం అంతటా విక్రయిస్తారు. శుభ, అశుభ కార్యక్రమాలకు భారతదేశంలో కచ్చితంగా వినియోగిస్తారు. కొబ్బరి ఉత్పత్తిలో భారతదేశం ప్రపంచంలోనే మొదటి స్థానంలో ఉంది. ఇక్కడ 21 రాష్ట్రాల్లో కొబ్బరి సాగు చేస్తున్నారు. కొబ్బరి సాగుకు కూడా పెద్దగా శ్రమ పడాల్సిన అవసరం ఉండదు. పెద్దగా ఖర్చు కూడా ఉండదు. తక్కువ ఖర్చుతో ఏళ్ల తరబడి లక్షలు సంపాదించుకోవచ్చు. ఏడాది పొడవునా కొబ్బరి దిగుబడినిస్తుంది. అయితే కొబ్బరిలో అనేక జాతులు చాలా ఉన్నాయి. అనువైన రకాలన ఎంచుకోవడం వల్ల ఏడాది పొడవునా దిగుబడిని పొందవచ్చు. అలాగే కొబ్బరి సాగులో పురుగుమందులు, ఖరీదైన ఎరువులు అవసరం లేదు. అయితే, ఎరియోఫైట్స్, తెల్ల పురుగులు కొబ్బరి మొక్కలను దెబ్బతీస్తాయి. అందువల్ల రైతులు దీనిపై కూడా శ్రద్ధ వహించాలి. కాబట్టి కొత్తగా వ్యవసాయం ప్రారంభించాలని కోరుకునే వారు కచ్చితంగా కొబ్బరి సాగు చేస్తే మంచి ఫలితాలను పొందవచ్చు.
దేశంలో అనేక రకాల కొబ్బరికాయలు ఉన్నప్పటికీ, ప్రధానంగా మూడు రకాలు మాత్రమే కనిపిస్తాయి. లాంగ్ వెరైటీ కొబ్బరికాయలు పరిమాణంలో అతి పెద్దవి, ఎక్కువ జీవితకాలం కూడా ఉంటాయి. ఇది మాత్రమే కాదు. సాంప్రదాయేతర ప్రాంతాల్లో కూడా సులభంగా పెంచవచ్చు. చిన్న సైజు కొబ్బరికాయలు జీవితకాలం పొడవైన కొబ్బరికాయల కంటే తక్కువగా ఉంటుంది చిన్న సైజు కొబ్బరికాయల సాగుకు ఎక్కువ నీరు అవసరం. అలాగే ప్రత్యేక శ్రద్ధతో సాగు చేయాల్సి ఉంటుంది. హైబ్రిడ్ కొబ్బరికాయలు ఇటీవల కాలంలో అత్యంత ప్రజాదరణ పొందాయి. ముఖ్యంగా నీటి కోసమే సాగు చేసే రకంగా దీన్ని పేర్కొనవచ్చు. అయితే కొబ్బరి సాగులో తీసుకోవాల్సిన జాగ్రత్తల గురించి ఓసారి తెలుసుకుందాం.
కొబ్బరి సాగుకు ఇసుక నేల అవసరం. ఇది నలుపు, రాతి నేలలో సాగు చేయకూడదు. ముఖ్యంగా సాగు కోసం పొలంలో మంచి నీటి సదుపాయం ఉండాలి. సాధారణ ఉష్ణోగ్రతతో పాటు కొంచెం వెచ్చని వాతావరణం అవసరం. అదే సమయంలో నీటి సదుపాయం కావాల్సి ఉన్నా సాగుకు ఎక్కువ నీరు అవసరం లేదు. వర్షపు నీటిని ఒడిసిపట్టుకుంటే కొబ్బరిని సాగు చేయవచ్చు. సాధారణంగా 9 నుంచి 12 నెలల వయసున్న మొక్కలను నాటడానికి ఉపయోగిస్తారు. అలాంటి రైతులు 6-8 ఆకులు ఉండే మొక్కలను ఎంచుకోవాలి. 15 నుంచి 20 అడుగుల దూరంలో కొబ్బరి మొక్కలు నాటవచ్చు. కొబ్బరి వేర్ల దగ్గర నీరు నిల్వ ఉండకూడదని గుర్తుంచుకోవాలి. జూన్ మరియు సెప్టెంబర్ మధ్య కొబ్బరి మొక్కలు నాటవచ్చు. కొబ్బరి మొక్కలు నాటేటప్పుడు చెట్టు వేర్లలో నీరు చేరకుండా చూసుకోవాలి. వర్షాకాలం తర్వాత కొబ్బరి చెట్లను నాటడం మంచిది.
కొబ్బరి మొక్కలకు ‘డ్రిప్ పద్ధతి’ ద్వారా నీటిని అందించాలి. ‘డ్రిప్ పద్ధతి’తో మొక్కకు సరైన మొత్తంలో నీరు అందుతుంది. అలాగే మంచి దిగుబడి వస్తుంది. అధిక నీటి కారణంగా కొబ్బరి మొక్క కూడా చనిపోవచ్చు. కొబ్బరి మొక్కల వేర్లు ప్రారంభంలో తేలికపాటి తేమ అవసరం. వేసవి కాలంలో మొక్కకు మూడు రోజుల వ్యవధిలో నీరు పెట్టాలి. శీతాకాలంలో వారానికి ఒక నీటిపారుదల సరిపోతుంది. కొబ్బరి మొక్కలు మొదటి 3 నుండి 4 సంవత్సరాల వరకు సంరక్షణ అవసరం. కొబ్బరి మొక్క 4 సంవత్సరాలలో ఫలాలను ఇవ్వడం ప్రారంభిస్తుంది. కొబ్బరి పిందె దగ్గర నుంచి కాయగా మారడానికి 15 నెలల కంటే ఎక్కువ సమయం పడుతుంది.
మరిన్ని విద్యా, ఉద్యోగ కథనాల కోసం క్లిక్ చేయండి.
