IIT Recruitment 2022: నెలకు రూ.55 వేల జీతంతో ఐఐటీ గువహతిలో ప్రాజెక్ట్‌ స్టాఫ్‌ పోస్టులు.. ఆన్‌లైన్‌ ఇంటర్వ్యూ ద్వారా ఎంపిక..
భారత ప్రభుత్వ విద్యా మంత్రిత్వ శాఖకు చెందిన అస్సాం రాష్ట్రంలోని గువహతిలోనున్న ఇండియన్‌ ఇన్‌స్టిట్యూట్‌ ఆఫ్‌ టెక్నాలజీ.. 14 ఎస్‌ఆర్‌ఎఫ్‌, అసోసియేట్‌ ప్రాజెక్ట్‌ సైంటిస్ట్‌, అసోసియేట్‌ ప్రాజెక్ట్‌ ఇంజినీర్‌, ప్రాజెక్ట్‌ ఇంజినీర్‌ పోస్టుల భర్తీకి అర్హులైన అభ్యర్ధుల నుంచి..
Updated on: Oct 04, 2022 | 2:51 PM
భారత ప్రభుత్వ విద్యా మంత్రిత్వ శాఖకు చెందిన అస్సాం రాష్ట్రంలోని గువహతిలోనున్న ఇండియన్‌ ఇన్‌స్టిట్యూట్‌ ఆఫ్‌ టెక్నాలజీ.. 14 ఎస్‌ఆర్‌ఎఫ్‌, అసోసియేట్‌ ప్రాజెక్ట్‌ సైంటిస్ట్‌, అసోసియేట్‌ ప్రాజెక్ట్‌ ఇంజినీర్‌, ప్రాజెక్ట్‌ ఇంజినీర్‌ పోస్టుల భర్తీకి అర్హులైన అభ్యర్ధుల నుంచి దరఖాస్తులు కోరుతూ నోటిఫికేషన్ విడుదల చేసింది. ఈ పోస్టులకు దరఖాస్తు చేసుకునే అభ్యర్ధులు ఏదైనా గుర్తింపు పొందిన యూనివర్సిటీ నుంచి సంబంధిత స్పెషలైజేషన్‌లో బ్యాచిలర్స్‌ డిగ్రీ/పీజీ/మాస్టర్స్‌ డిగ్రీ/పీహెచ్‌డీ లేదా తత్సమాన కోర్సులో ఉత్తీర్ణత సాధించి ఉండాలి. అలాగే యూజీసీ నెట్‌/ గేట్‌/ నెట్‌లో వ్యాలిడ్‌ స్కోర్ సాధించి ఉండాలి. సంబంధిత పనిలో అనుభవం కూడా ఉండాలి.
ఈ అర్హతలున్నవారు కింది ఈమెయిల్‌ ఐడీకి అక్టోబర్‌ 7, 2022వ తేదీ సాయంత్రం 5 గంటలలోపు దరఖాస్తులు పంపించవల్సి ఉంటుంది. షార్ట్‌లిస్టింగ్‌ చేసిన అభ్యర్ధులకు అక్టోబర్‌ 11వ తేదీన ఆన్‌లైన్‌ ఇంటర్వ్యూలు నిర్వహిస్తారు. ప్రతిభ కనబరచిన వారికి నెలకు రూ.41,850ల నుంచి రూ.55,770ల వరకు జీతంగా చెల్లిస్తారు. ఇతర సమాచారం అధికారిక నోటిఫికేషన్‌లో చెక్‌ చేసుకోవచ్చు.
ఈమెయిల్‌ ఐడీ: nano_off@iitg.ernet.in
పూర్తి సమాచారం కోసం క్లిక్‌ చేయండి.
మరిన్ని తాజా విద్యా, ఉద్యోగ సమాచారం కోసం క్లిక్‌ చేయండి.
