AP DMHO Jobs: రాత పరీక్షలేకుండా టెన్త్/ఇంటర్ అర్హతతో ప్రభుత్వ ఆసుపత్రుల్లో ఉద్యోగాలు.. ఇలా దరఖాస్తు చేసుకోండి..

ఆంధ్రప్రదేశ్ రాష్ట్ర ప్రభుత్వానికి చెందిన కాకినాడలోని జిల్లా వైద్యారోగ్య కార్యాలయం.. ఒప్పంద/ అవుట్‌ సోర్సింగ్‌ ప్రాతిపదికన 152 మెడికల్, పారా మెడికల్ పోస్టుల భర్తీకి అర్హులైన అభ్యర్ధుల నుంచి..

DMHO Kakinada

Srilakshmi C |
Updated on: Jan 09, 2023 | 1:04 PM

ఆంధ్రప్రదేశ్ రాష్ట్ర ప్రభుత్వానికి చెందిన కాకినాడలోని జిల్లా వైద్యారోగ్య కార్యాలయం.. ఒప్పంద/ అవుట్‌ సోర్సింగ్‌ ప్రాతిపదికన 152 మెడికల్, పారా మెడికల్ పోస్టుల భర్తీకి అర్హులైన అభ్యర్ధుల నుంచి దరఖాస్తులు కోరుతూ రాష్ట్ర వైద్యారోగ్య శాఖ నోటిఫికేషన్‌ విడుదల చేసింది. ఈ పోస్టులకు దరఖాస్తు చేసుకునే అభ్యర్ధులు పోస్టును బట్టి పదో తరగతి, ఇంటర్, డిగ్రీ, ఎంబీబీఎస్‌, పీజీ, డిప్లొమా, బీడీఎస్‌, ఎంఫిల్‌, ఎంఎస్సీ, నర్సింగ్‌ లేదా తత్సమాన కోర్సులో ఉత్తీర్ణత సాధించి ఉండాలి. అలాగే ఆంధ్రప్రదేశ్‌ మెడికల్‌ కౌన్సిల్‌లో రిజిస్ట్రేషన్‌ చేసుకుని ఉండాలి. దరఖాస్తుదారుల వయసు 42 ఏళ్లకు మించకుండా ఉండాలి.

ఆసక్తి కలిగిన వారు జనవరి 12, 2023వ తేదీలోపు ఆఫ్‌లైన్ విధానంలో కింది అడ్రస్‌కు పోస్టు ద్వారా అప్లికేషన్లను పంపించవల్సి ఉంటుంది. విద్యార్హతలు, ఇంటర్వ్యూ ఆధారంగా అభ్యర్ధులను ఎంపిక చేయడం జరుగుతుంది. తుది మెరిట్‌ లిస్ట్‌ జనవరి 28న విడుదల చేస్తారు. ఎంపికై వారికి నోటిఫికేషన్లో సూచించిన విధంగా జీతభత్యాలు చెల్లిస్తారు. ఇతర సమాచారం అధికారిక నోటిఫికేషన్‌లో చెక్‌ చేసుకోవచ్చు.