CPRI Recruitment 2022: బీటెక్‌ నిరుద్యోగులకు అలర్ట్‌! సెంట్రల్‌ పవర్‌ రీసెర్చ్‌ ఇన్‌స్టిట్యూట్‌లో ఉద్యోగాలు.. పూర్తి వివరాలివే..
భారత ప్రభుత్వ విద్యుత్ మంత్రిత్వ శాఖకు చెందిన సెంట్రల్‌ పవర్‌ రీసెర్చ్‌ ఇన్‌స్టిట్యూట్‌.. 65 ఇంజినీరింగ్ ఆఫీసర్ గ్రేడ్-I, సైంటిఫిక్/ఇంజనీరింగ్ అసిస్టెంట్, టెక్నీషియన్ గ్రేడ్-I, అసిస్టెంట్ గ్రేడ్-II, ఎంటీఎస్ గ్రేడ్-I పోస్టుల భర్తీకి అర్హులైన అభ్యర్ధుల నుంచి దరఖాస్తులు కోరుతూ నోటిఫికేషన్‌ విడుదల..
Updated on: Oct 18, 2022 | 6:54 AM
భారత ప్రభుత్వ విద్యుత్ మంత్రిత్వ శాఖకు చెందిన సెంట్రల్‌ పవర్‌ రీసెర్చ్‌ ఇన్‌స్టిట్యూట్‌.. 65 ఇంజినీరింగ్ ఆఫీసర్ గ్రేడ్-I, సైంటిఫిక్/ఇంజనీరింగ్ అసిస్టెంట్, టెక్నీషియన్ గ్రేడ్-I, అసిస్టెంట్ గ్రేడ్-II, ఎంటీఎస్ గ్రేడ్-I పోస్టుల భర్తీకి అర్హులైన అభ్యర్ధుల నుంచి దరఖాస్తులు కోరుతూ నోటిఫికేషన్‌ విడుదల చేసింది. ఈ పోస్టులకు దరఖాస్తు చేసుకునే అభ్యర్ధులు ఏదైనా గుర్తింపు పొందిన యూనివర్సిటీ లేదా ఇన్‌స్టిట్యూట్‌ నుంచి సంబంధిత స్పెషలైజేషన్‌లో ఇంజనీరింగ్ డిగ్రీ లేదా తత్సమాన కోర్సులో ఉత్తీర్ణత సాధించి ఉండాలి. అలాగే సంబంధిత పనిలో అనుభవం కూడా ఉండాలి. ఎంపిక విధానం, వయోపరిమితి ఇతర వివరాలు వివరణాత్మక నోటిఫికేషన్‌ విడుదలైన తర్వాత చెక్ చేసుకోవచ్చు. ఆసక్తి కలిగిన అభ్యర్ధులు ఆన్లైన్ విధానంలో నవంబర్ 21, 2022వ తేదీ సాయంత్రం 5 గంటలలోపు దరఖాస్తు చేసుకోవచ్చు. ఆన్లైన్ దరఖాస్తు ప్రక్రియ నవంబర్ 1వ తేదీ నుంచి ప్రారంభమవుతుంది. నోటిఫికేషన్‌లో సూచించిన విధంగా ఎంపిక ప్రక్రియ కొనసాగుతుంది. అర్హత సాధించిన వారికి నెలకు రూ.18,000ల నుంచి రూ.44,900ల వరకు జీతంగా చెల్లిస్తారు. ఇతర సమాచారం అధికారిక నోటిఫికేషన్‌లో చెక్ చేసుకోవచ్చు.
ఖాళీల వివరాలు..
- ఇంజినీరింగ్ ఆఫీసర్ గ్రేడ్-I పోస్టులు: 20
- సైంటిఫిక్/ఇంజనీరింగ్ అసిస్టెంట్ పోస్టులు:7
- టెక్నీషియన్ గ్రేడ్-I పోస్టులు: 15
- అసిస్టెంట్ గ్రేడ్-II పోస్టులు: 16
- MTS గ్రేడ్-I పోస్టులు: 7
పూర్తి సమాచారం కోసం క్లిక్ చేయండి.
మరిన్ని కెరీర్ సంబంధిత వార్తల కోసం ఇక్కడ క్లిక్ చేయండి.
