Sankranti Holidays 2023: రేపటి నుంచే సంక్రాంతి సెలవులు.. ఈ సారి సెలవుల్లో ఒక రోజు పెంపు..
జనవరి 11 నుంచి 17 వరకు సంక్రాంతి సెలవులు ఇస్తున్నట్లు ఇంటర్ బోర్డు సెక్రటరీ శేషగిరిబాబు వెల్లడించారు. సెలవుల అనంతరం..
Updated on: Jan 10, 2023 | 1:24 PM
ఆంధ్రప్రదేశ్ ప్రభుత్వ జూనియర్ కాలేజీలకు జనవరి 11 నుంచి 17 వరకు సంక్రాంతి సెలవులు ఇస్తున్నట్లు ఏపీ ఇంటర్ బోర్డు సెక్రటరీ శేషగిరిబాబు వెల్లడించారు. సెలవుల అనంతరం జనవరి 18 నుంచి కాలేజీలు తిరిగి ప్రారంభమవుతాయని ఆయన తెలిపారు. ఏపీ రెసిడెన్షియల్ విద్యా సంస్థలకు జనవరి 12 నుంచి 18 వరకు ఇస్తున్నట్లు ఏపీఆర్ఈఐఎస్ సెక్రటరీ నరసింహారావు తెలిపారు. ఒక రోజు సెలవు ఎక్కువగా ఇచ్చినందున ఫిబ్రవరి 11న వచ్చే రెండో శనివారం తరగతులు నిర్వహించాలని ఆయన సూచించారు.
మరోవైపు తెలంగాణ రాష్ట్రంలో జనవరి 14, 15, 16 తేదీల్లో జూనియర్ కాలేజీలకు ఇంటర్ బోర్డు సెలవులు ప్రకటించింది. జనవరి 17 నుంచి యథాతథంగా కాలేజీలు ప్రారంభమవుతాయి. ఐతే సెలవు రోజుల్లో క్లాసులు నిర్వహిస్తే.. అటువంటి ప్రైవేటు కాలేజీలపై చర్యలు తీసుకుంటామని బోర్డు హెచ్చరించింది.
మరిన్ని తాజా విద్యా, ఉద్యోగ సమాచారం కోసం క్లిక్ చేయండి.
