TAX Savings: అనారోగ్యంపై చేసే ఖర్చులో టాక్స్ సేవింగ్స్ ఎలా చేసుకోవచ్చో తెలుసా?
అనారోగ్యం విషయంలో ఖర్చు చేసిన డబ్బుపై ట్యాక్ష్ సేవింగ్ చేసుకోవచ్చు. ఇన్కమ్ ట్యాక్స్కు సంబంధించిన అన్ని విషయాలు తెలిసి ఉండాలి. ఎందుకంటే చికిత్స కోసం చేసిన..
Updated on: Mar 11, 2023 | 1:27 PM
అనారోగ్యం విషయంలో ఖర్చు చేసిన డబ్బుపై ట్యాక్ష్ సేవింగ్ చేసుకోవచ్చు. ఇన్కమ్ ట్యాక్స్కు సంబంధించిన అన్ని విషయాలు తెలిసి ఉండాలి. ఎందుకంటే చికిత్స కోసం చేసిన ఖర్చు ఇప్పుడు పన్ను ఆదా చేసేందుకు ఉపయోగపడుతుంది. తనకోసమో.. భార్య, పిల్లల కోసమో.. లేక కుటుంబంలోని తల్లిదండ్రులకు, సోదరుడు, సోదరికి ఇలా ఎవరికైనా అనారోగ్యం తలెత్తినప్పుడు చేసే ఖర్చుల విషయంలో పన్ను ఆదా చేసుకోవచ్చు. మీరు కూడా ట్యాక్స్ కడుతున్నట్లయితే ఇలాంటి విషయాలపై శ్రద్ద వహించాలి. దీంతో కొంత డబ్బు మీకు ఆదా అవుతుంది.
- సెక్షన్ 80D: హెల్త్ ఇన్సూరెన్స్ అనేది నేటి కాలంలో సామాన్యుడికి ఎంతో అవసరం. అంతే కాకుండా పన్ను కూడా ఆదా చేస్తుంది. సెక్షన్ 80D ఆరోగ్య బీమాపై ప్రీమియం కోసం మినహాయింపు ఇస్తుంది. మీరు మీ కోసం, భార్య, బిడ్డల కోసం మెడిక్లెయిమ్ తీసుకుంటే మీకు రూ.25,000 రాయితీ లభిస్తుంది. మీరు సీనియర్ సిటిజన్ అయితే, మీకు రూ.50,000 రాయితీ లభిస్తుంది. మీ తల్లిదండ్రులు సీనియర్ సిటిజన్లైతే, మీకు ప్రత్యేకంగా రూ.50,000 వరకు తగ్గింపు లభిస్తుంది. మీరు, మీ తల్లిదండ్రులు సీనియర్ సిటిజన్లు అయతే రూ.1 లక్ష వరకు తగ్గింపును క్లెయిమ్ చేయవచ్చు. ఇది కాకుండా ఆరోగ్య పరీక్ష కోసం రూ.5,000 వరకు తగ్గింపు ఉంటుంది.
- సెక్షన్ 80DD: మీరు వికలాంగుల చికిత్స కోసం ఖర్చు చేస్తున్నట్లయితే, సెక్షన్ 80DD కింద మీరు పన్ను మినహాయింపు పొందవచ్చు. వికలాంగులు పన్ను చెల్లింపుదారుపై ఆధారపడిన తల్లిదండ్రులు, భార్య, బిడ్డ, సోదరుడు లేదా సోదరి కావచ్చు. విషయంలో ఒక హిందూ ఉమ్మడి కుటుంబం, అది కుటుంబంలోని ఎవరైనా కావచ్చు. ఇలా ఆధారపడిన వ్యక్తి 40% లేదా అంతకంటే ఎక్కువ వికలాంగులైతే రూ. 75,000 వరకు వైద్య ఖర్చులపై పన్ను మినహాయింపు పొందవచ్చు. అయితే 80 శాతం లేదా అంతకంటే ఎక్కువ వైకలం ఉంటే రూ.1.25 లక్షల వరకు తగ్గింపు పొందవచ్చు. ఇందు కోసం వైద్యాధికారి నుంచి వైకల్యం సర్టిఫికేట్ అవసరం. ఇది వినికిడి లోపం, మెంటల్ రిటార్డేషన్, మానసిక అనారోగ్యం, ఆటిజం, సెరిబ్రల్ పాల్సీ, అంధత్వం, తక్కువ దృష్టి, కుష్టు వ్యాధి, లోకో మోటారు వైకల్యం వంటి వ్యాధులతో సహా ఇతర వ్యాధులను కవర్ చేస్తుంది. చికిత్స, నర్సింగ్ ఖర్చులతో పాటు, పునరావాసం సదుపాయం కూడా లభిస్తుంది.
- సెక్షన్ 80DDB: సెక్షన్ 80DDB కింద క్యాన్సర్ వంటి క్లిష్టమైన వ్యాధులకు సంబంధించిన ఖర్చులు కవర్ అవుతాయి. ఈ మినహాయింపు స్వీయ లేదా ఆధారపడిన వారి అనారోగ్యం కోసం పొందవచ్చు. వ్యక్తి 60 ఏళ్ల కంటే తక్కువ వయస్సు ఉన్నట్లయితే చికిత్స కోసం రూ. 40,000 వరకు ఖర్చులపై పన్ను మినహాయింపును పొందవచ్చు. అదేవిధంగా సీనియర్ సిటిజన్ల విషయంలో అనారోగ్య వ్యయంపై పన్ను మినహాయింపు పరిమితి రూ. 1 లక్ష వరకు ఉంటుంది.
- సెక్షన్ 80DDB కింద కవర్ అయ్యే వ్యాధులు ఇవే: క్యాన్సర్, ఎయిడ్స్, హీమోఫిలియా, తలసేమియా, డిమెన్షియా, పార్కిన్సన్స్ వ్యాధి, మోటార్ న్యూరాన్ వ్యాధి, దీర్ఘకాలిక మూత్రపిండ సమస్యల వంటి వ్యాధులు దీని పరిధిలోకి వస్తాయి. డిడక్షన్ క్లెయిమ్ చేయడానికి న్యూరాలజిస్ట్, ఆంకాలజిస్ట్, యూరాలజిస్ట్, హెమటాలజిస్ట్, ఇమ్యునాలజిస్ట్ లేదా ఇలాంటి స్పెషలిస్ట్ ద్వారా చికిత్సను అందుకోవచ్చు.
- సెక్షన్ 80U: చాలా మంది వ్యక్తులు 80DD, 80U మధ్య గందరగోళానికి గురవుతారు. వాస్తవానికి సెక్షన్ 80U ప్రకారం.. ఒక వికలాంగుడు తన వైద్య ఖర్చులపై పన్ను మినహాయింపును క్లెయిమ్ చేయవచ్చు. అయితే సెక్షన్ 80DDలో ఆధారపడిన వారి వైద్య ఖర్చులపై మినహాయింపు తీసుకోవచ్చు. 80U కింద పన్నుచెల్లింపుదారుడు సాధారణ వైకల్యం ఏర్పడితే రూ. 75,000 వరకు, తీవ్రమైన వైకల్యం ఏర్పడితే రూ. 1.25 లక్షల వరకు తగ్గింపును పొందవచ్చు. అయితే, సెక్షన్ 80U, సెక్షన్ 80DD ప్రయోజనాలను కలిపి తీసుకోలేరు.
మీరు కూడా చికిత్సకు అయ్యే ఖర్చులపై మినహాయింపును ఎలా క్లెయిమ్ చేయవచ్చో తెలుసుకోవాలి. చికిత్స కోసం ఖర్చు చేసిన మొత్తం మీ ఆదాయం నుంచి తీసివేయడం జరుగుతుంది. దీని తర్వాత ఆదాయపు పన్ను లెక్కిస్తారు. ఇది మీ పన్ను బాధ్యతను తగ్గిస్తుంది. మీరు ఆరోగ్య బీమా పాలసీని తీసుకోకపోయినా, మా వీడియోలో పేర్కొన్న వ్యాధుల చికిత్స కోసం అయ్యే ఖర్చులపై మీరు మినహాయింపును క్లెయిమ్ చేయవచ్చు. ఆదాయపు పన్ను ఫైలింగ్ గడువు దగ్గరపడుతోంది. అటువంటి పరిస్థితిలో మెడికల్ సర్టిఫికేట్, డాక్టర్ ప్రిస్క్రిప్షన్ వంటి అవసరమైన వాటిని సేకరించండి. మరో విషయం ఏంటంటే పాత పన్ను విధానాన్ని అవలంబించిన వారు మాత్రమే ఈ తగ్గింపుల ప్రయోజనాన్ని పొందుతారు. కొత్త పన్ను విధానాన్ని స్వీకరించిన వారికి దీనిద్వారా ఏ ప్రయోజనం ఉండదని గుర్తుంచుకోవాలి.
మరిన్ని బిజినెస్ వార్తల కోసం ఇక్కడ క్లిక్ చేయండి
