మరోమారు ఉద్యోగుల తొలగింపుకు సిద్ధమైన జుకర్బర్గ్ !.. ఈసారి మేనేజర్ల వంతు.. త్వరలోనే పింక్‌ స్లిప్‌లు!
ఈసారి నిర్వాహకులను హెచ్చరించారు. ఇలా ఇన్ని స్థాయిల్లో మేనేజ్‌మెంట్ వ్యవస్థ అవసరమని తాను అనుకోవడం లేదని జుకర్బర్గ్ పేర్కొన్నట్టు తెలుస్తోంది.
Updated on: Feb 01, 2023 | 12:29 PM
ఫేస్‌బుక్ మాతృసంస్థ మెటాలో ఉద్యోగుల్లో మరోమారు లే ఆఫ్ టెన్షన్‌ మొదలైంది. ఇప్పటికే 11,000 మందికి పైగా ఉద్యోగాలను తొలగించిన కొద్ది రోజుల్లోనే మళ్లీ తొలగింపులకు అవకాశం ఉందని మెటా సీఈవో మార్క్ జుకర్బర్గ్ సూచనప్రాయంగా తెలిపారు. ఈసారి నిర్వాహకులను హెచ్చరించారు. ఇటీవల జరిగిన అంతర్గత సమావేశంలో ఉద్యోగుల తొలగింపుపై సమాచారం అందించారు. మేనేజర్లు, వారిని నియంత్రించేందుకు మరికొంతమంది మేనేజర్లు, ఆ మేనేజర్లను మేనేజ్ చేసేందుకు ఇంకొంతమంది మేనేజర్లు.. ఇలా ఇన్ని స్థాయిల్లో మేనేజ్‌మెంట్ వ్యవస్థ అవసరమని తాను అనుకోవడం లేదని జుకర్బర్గ్ పేర్కొన్నట్టు తెలుస్తోంది.
గత ఏడాది నవంబర్‌లో కంపెనీ చరిత్రలో తొలిసారిగా అతిపెద్ద సంఖ్యలో ఉద్యోగులను తొలగించారు. మెటా 13 శాతం ఉద్యోగులను తగ్గించుకుంది. ప్రపంచ ఆర్థిక మాంద్యం కారణంగా టెక్ కంపెనీలు ఆర్థిక మాద్యంలో చిక్కుకున్నట్లు తెలుస్తోంది. సెప్టెంబరు చివరలో జుకర్బర్గ్ ఉద్యోగులను హెచ్చరించాడు. మెటా ఖర్చులు, షిఫ్ట్ టీమ్‌లను తగ్గించాలని యోచిస్తున్నట్టుగా ప్రకటించారు. ఆర్థిక మాంద్యం కారణంగా మెటా ఇంతకుముందు కొత్త నియామకాలను తగ్గించింది. ఆ తర్వాత తొలగింపులు ప్రారంభమయ్యాయి.
ఉద్వాసనతో మెట్ట ఉద్యోగాల ఆఫర్లను కూడా ఉపసంహరించుకుంటున్నట్లు సమాచారం. ఫేస్‌బుక్, ఇన్‌స్టాగ్రామ్, వాట్సాప్ వంటి సోషల్ మీడియాకు మెట్ట మాతృ సంస్థ. కంపెనీ ఆదాయంలో క్షీణత, డిజిటల్ పరిశ్రమలో సవాళ్లే ఈ నిర్ణయం వెనుక ఉన్నాయని మెటా సీఈవో మార్క్ జుకర్బర్గ్ తెలిపారు.
ఫిబ్రవరిలో ఉద్యోగంలో చేరిన వారి ఆఫర్ లెటర్లను META ఉపసంహరించుకుంది. Meta ఇప్పటికీ అనేక కంపెనీలలో తొలగింపులను చూస్తోంది. న్యూయార్క్‌లోని కార్యాలయాన్ని కూడా మూసివేయాలని కంపెనీ యోచిస్తోంది. ఖర్చులను తగ్గించుకోవడానికి ఉద్యోగులను తొలగించడం తప్ప తమకు వేరే మార్గం లేదని కంపెనీ చెబుతోంది.
మరిన్ని బిజినెస్ న్యూస్ కోసం ఇక్కడ క్లిక్ చేయండి..
