Health Insurance Premium: ఈ టిప్స్తో హెల్త్ ఇన్సూరెన్స్ ప్రీమియం మరింత చౌక.. అవేంటో తెలుసుకోండి
ఏదైనా అనుకోని పరిస్థితుల్లో అనారోగ్యానికి గురైతే డబ్బు ఖర్చు అవ్వకుండా ఉండేలా చాలా మంది ఆరోగ్య బీమా తీసుకుంటూ ఉంటారు. అయితే పెరిగిన ప్రీమియంల వల్ల చాలా మంది ఇంకా వాటికి దూరంగా ఉంటున్నారు.
Updated on: Apr 09, 2023 | 9:45 AM
భారతదేశంలో దాదాపు 6.3 కోట్ల మంది ఆస్పత్రి ఖర్చుల కారణంగానే పేదరికంలో ఉంటున్నారని ఇటీవల ఓ నివేదికలో వెల్లడైంది. ఈ సమస్య నుంచి బయటపడడానికి ఆరోగ్య బీమా ఒక్కటే శరణ్యమని ఆర్థిక నిపుణులు సూచిస్తున్నారు. ఏదైనా అనుకోని పరిస్థితుల్లో అనారోగ్యానికి గురైతే డబ్బు ఖర్చు అవ్వకుండా ఉండేలా చాలా మంది ఆరోగ్య బీమా తీసుకుంటూ ఉంటారు. అయితే పెరిగిన ప్రీమియంల వల్ల చాలా మంది ఇంకా వాటికి దూరంగా ఉంటున్నారు. ముఖ్యంగా కరోనా మహమ్మారి తర్వాత ఆరోగ్యబీమా ప్రీమియంలు విపరీతంగా పెరిగాయి. అయితే కొన్ని చర్యలు తీసుకోవడం ద్వారా చాలా తక్కువ ధరకే ఆరోగ్యబీమా పొందవచ్చని నిపుణులు సూచిస్తున్నారు. ఆ చిట్కాలు ఏంటో? ఓ సారి తెలుసుకుందాం.
జీవనశైలిలో మార్పులు
ఆరోగ్య బీమా తీసుకునే వారు ధూమపానం చేస్తే బీమా కంపెనీలు ప్రీమియంలను పెంచుతాయని చాలా మందికి తెలియదు. ధూమపానం చేసేవారితో పోలిస్తే ధూమపానం చేయని వ్యక్తి ఆరోగ్య బీమా ప్లాన్పై 25 శఆతం తగ్గింపును పొందే అవకాశం ఉంది. ఆరోగ్యకరమైన జీవనశైలిని కొనసాగించడం కోసం కొనుగోలుదారులకు తగ్గింపులు కూడా లభిస్తాయి. కొనుగోలుదారుల వైద్య నివేదికలు వరుసగా రెండు సంవత్సరాల పాటు స్థిరమైన ఆరోగ్య పరిస్థితులను చూపుతాయి.
కుటుంబ సభ్యుల తగ్గింపు
ప్రాథమిక కొనుగోలుదారు ఆరోగ్య బీమా ప్లాన్లో ఎక్కువ మంది కుటుంబ సభ్యులు ఉంటే చాలా బీమా సంస్థలు ప్రీమియంలపై తగ్గింపును అందిస్తాయి. కానీ కుటుంబ సభ్యుల సంఖ్యతో ఈ తగ్గింపులు పెరగవు. కుటుంబంలోని బహుళ సభ్యులను కవర్ చేసే ఇలాంటి ప్లాన్లను ఫ్యామిలీ ఫ్లోటర్ ప్లాన్లు అంటారు. ప్రాథమిక కొనుగోలుదారు మొదటి సభ్యుడిని ప్లాన్కు జోడించినప్పుడు డిస్కౌంట్ ఒకసారి ఇస్తారు. తదుపరి సభ్యుల చేరికపై ఎలాంటి రాయితీ ఉండదని గుర్తుంచుకోవాలి.
ఒకేసారి ప్రీమియంల చెల్లింపు
కొనుగోలుదారు 2-3 సంవత్సరాల కవరేజీకి ఒకేసారి మొత్తం చెల్లిస్తే చాలా బీమా సంస్థలు సాధారణంగా ప్రీమియంలపై ఐదు నుంచి పది శాతం తగ్గింపును ఇస్తాయి.
వెయిటింగ్ పీరియడ్ డిస్కౌంట్లు
చాలా ప్లాన్లు నిర్దిష్ట నిరీక్షణ వ్యవధిని కలిగి ఉంటాయి. ఈ సమయంలో ముందుగా ఉన్న ఏవైనా పరిస్థితులు కవర్ చేయరు. కొనుగోలుదారులకు ముందుగా ఉన్న షరతులు లేకుంటే కస్టమర్ వెయిటింగ్ పీరియడ్ని పెంచడానికి అంగీకరిస్తే బీమాదారు నాలుగు నుంచి ఐదు శాతం తగ్గింపును ఇచ్చే అవకావశం ఉంది.
మంచి క్రెడిట్ స్కోర్
మీ బిల్లులను సకాలంలో చెల్లించడం వల్ల మంచి క్రెడిట్ స్కోర్ వృద్ధి చెందుతుంది. కొన్ని బీమా సంస్థలు 750 లేదా అంతకంటే ఎక్కువ క్రెడిట్ స్కోర్ ఉన్న కస్టమర్లకు ఐదు నుంచి పది శాతం తగ్గింపును అందిస్తాయి.
మరిన్ని బిజినెస్ వార్తల కోసం ఇక్కడ క్లిక్ చేయండి..
