Budget 2025: EV రంగానికి ఈ బడ్జెట్ ఎందుకు ప్రత్యేకంగా ఉంటుంది.. కారణాలు ఇవే..!

Budget 2025: ఫిబ్రవరి 1న కేంద్ర ఆర్థిక శాఖ మంత్రి నిర్మలాసీతారామన్‌ పూర్తి స్థాయిలో బడ్జెట్‌ను ప్రవేశపెట్టనున్నారు. ఈ బడ్జెట్‌పై ఎన్నో ఆశలు ఉన్నాయి. వివివిధ రంగాలు ఎవరికవారు అంచనాలు పెట్టుకున్నాయి. ఎలక్ట్రినిక్‌ వాహనాల తయారీ రంగంపై ప్రత్యేక బడ్జెట్‌ ఉంటుందని భావిస్తున్నారు..

Subhash Goud |

Updated on: Jan 28, 2025 | 10:58 AM

భారతదేశంలో ఎలక్ట్రిక్ వెహికల్ (EV) రంగం వేగంగా అభివృద్ధి చెందుతోంది. దేశంలో గ్రీన్ ఎనర్జీ, పర్యావరణ పరిరక్షణను ప్రోత్సహించడానికి EV పరిశ్రమపై ప్రత్యేక శ్రద్ధ వహిస్తున్నారు. అటువంటి పరిస్థితిలో ఆటోమొబైల్ పరిశ్రమ, ముఖ్యంగా EV సెగ్మెంట్, రాబోయే యూనియన్ బడ్జెట్ 2025 నుండి పెద్ద అంచనాలను కలిగి ఉంది. ఈ రంగానికి చెందిన కంపెనీలు తమ సూచనలు, డిమాండ్లను ప్రభుత్వం ముందుంచాయి.

పన్ను రాయితీలు, జీఎస్టీ తగ్గింపు అవసరం: ఈవీ బ్యాటరీలపై జీఎస్టీ రేటును ప్రస్తుతమున్న 18% నుండి 5%కి తగ్గించాలనేది EV కంపెనీల ప్రధాన డిమాండ్. ఇది ఎలక్ట్రిక్‌ వాహనాల ధరను తగ్గిస్తుంది. వినియోగదారులు మరింత సరసమైన ఎంపికలను పొందుతారు. ఇది కాకుండా ఈవీ కొనుగోలుదారులు ఆర్థిక సహాయం పొందేందుకు వీలుగా ఈ వాహనాల రుణాలపై వడ్డీ రేట్లను తగ్గించాలనే డిమాండ్ కూడా ఉంది.
ఛార్జింగ్ మౌలిక సదుపాయాల అభివృద్ధి: భారతదేశంలో EVల విస్తృత వినియోగానికి బలమైన ఛార్జింగ్ మౌలిక సదుపాయాలు అవసరం. ఈ దిశగా చర్యలు తీసుకోవాలని ఒబెన్ ఎలక్ట్రిక్, ఇతర కంపెనీలు ప్రభుత్వాన్ని అభ్యర్థించాయి. ఛార్జింగ్ స్టేషన్ల నిర్మాణం, నిర్వహణ కోసం బడ్జెట్‌లో ప్రత్యేక నిధిని ప్రకటించవచ్చు.
దేశీయ బ్యాటరీ తయారీ, పీఎల్‌ఐ పథకం: ఈవీ సెక్టార్‌లో బ్యాటరీ తయారీ ఒక ముఖ్యమైన భాగం. దేశీయ ఉత్పత్తిని ప్రోత్సహించేందుకు పీఎల్‌ఐ పథకాన్ని అమలు చేయాలనే డిమాండ్‌ ఉంది. Maxvolt Energy వంటి కంపెనీలు బ్యాటరీ తయారీ, ఆర్‌అండ్‌డి కోసం అదనపు నిధులు, పన్ను మినహాయింపులను కోరుతున్నాయి.
FAME-II పథకం పొడిగింపు: FAME-II పథకం కింద EV కొనుగోలుపై సబ్సిడీ అందుబాటులో ఉంది. దీన్ని విస్తరించాలని, బడ్జెట్‌లో కొత్త లక్ష్యాలను నిర్దేశించాలని భావిస్తున్నారు. ఇది ప్రైవేట్, వాణిజ్య ఈవీల అమ్మకాలను పెంచుతుంది.

ఇవి కూడా చదవండి

గ్రీన్ బాండ్లు, దీర్ఘకాలిక సబ్సిడీలు: క్రెడిఫిన్ లిమిటెడ్ CEO అయిన షాలీ గుప్తా, ప్రభుత్వం గ్రీన్ బాండ్లను జారీ చేయగలదని, ఇది EV మౌలిక సదుపాయాలను అభివృద్ధి చేయడానికి ఉపయోగించబడుతుంది. దీనితో పాటు దీర్ఘకాలిక సబ్సిడీ EV తయారీకి కొత్త ఊపునిస్తుంది.
ప్రభుత్వం నుండి ఈవీ రంగం అంచనాలు: ఈవీ సెక్టార్‌ను స్వావలంబనగా, స్థిరంగా మార్చడానికి ప్రభుత్వం ఖచ్చితమైన చర్యలు తీసుకోవాలి. ఈవీ కంపెనీలు ఆర్‌అండ్‌డిలో పెట్టుబడులు పెట్టాలని, సబ్సిడీలను పెంచాలని, ఎలక్ట్రిక్‌ వాహనాల తయారీ ప్లాంట్లకు ప్రోత్సాహకాలు ఇవ్వాలని డిమాండ్ చేశాయి. అదనంగా జీఎస్టీ నిర్మాణాన్ని సరళీకృతం చేయడం, ఈవీ రుణాలపై పన్ను ప్రయోజనాలను అందించడం అవసరం.