Credit Card: భారీగా పెరిగిన క్రెడిట్ కార్డుల వాడకం.. ఎందుకో తెలుసా..?
కరోనా మహమ్మారి తర్వాత డిజిటల్ లావాదేవీలు జోరందుకున్నాయి. టెక్నాలజీ పెరుగుతుండటంతో బ్యాంకింగ్ సేవలు మరింత సులభతరం అవుతున్నాయి. ఈ నేపథ్యంలో..
Updated on: Mar 10, 2023 | 7:51 PM
కరోనా మహమ్మారి తర్వాత డిజిటల్ లావాదేవీలు జోరందుకున్నాయి. టెక్నాలజీ పెరుగుతుండటంతో బ్యాంకింగ్ సేవలు మరింత సులభతరం అవుతున్నాయి. ఈ నేపథ్యంలో క్రెడిట్ కార్డులు వినియోగించే వారి సంఖ్య కూడా పెరిగిపోయింది. గత జనవరి నెలలో క్రెడిట్ కార్డు లావాదేవీలు 29.6 శాతం పెరిగి ఆల్టైం రికార్డు స్థాయిలో రూ.1.87 లక్షల కోట్ల విలువైన లావాదేవీలు జరిగినట్లు నివేదికలు చెబుతున్నాయి. ఇక గత ఏడాది అంటే 2022 జనవరిలో క్రెడిట్ కార్డుల వాడకం దాదాపు 10 శాతం మాత్రమే ఉండగా, 2022 జనవరిలో రూ.1,41,254 కోట్ల విలువైన లావాదేవీలు జరిగాయి. ఇక 2023 జనవరిలో రూ.1,86,783 కోట్లకు పెరిగింది. ప్రస్తుత ఆర్థిక సంవత్సరం 10 నెలల్లో క్రెడిట్ కార్డుల వాడకం 20 శాతానికి పైగా పెరిగిందని రిజర్వ్ బ్యాంక్ ఆఫ్ ఇండియా (ఆర్బీఐ) తాజా నివేదికలో పేర్కొంది. అత్యధికంగా గత జూన్లో 30.7 శాతం లావాదేవీలు జరిగాయని తెలిపింది.
ప్రస్తుతం లావాదేవీలు డిజిటలైజ్డ్ కావడంతో క్రెడిట్ కార్డు వాడకందారుల ఖర్చులు కూడా పెరిగాయని బ్యాంకు అధికారులు చెబుతున్నారు. చెల్లింపులు సులభతరం కావడంతో హెల్త్, ఫిట్నెస్, ఎడ్యుకేషన్, యుటిలిటీ బిల్లులు, తదితర లావాదేవీల ఖర్చులు పెరిగిపోయాయని చెబుతున్నారు. గత కొన్ని నెలలుగా క్రెడిట్ కార్డుల లావాదేవీలు కూడా పెరుగుతున్నాయని నివేదికలు చెబుతున్నాయి. గత సంవత్సరం డిసెంబర్ నెలలో రూ.1.26 లక్షల కోట్ల లావాదేవీలు నమోదైతే, ఈ ఏడాది జనవరిలో రూ.1.28 లక్షల కోట్లకు చేరాయని చెబుతున్నారు.
8.25 కోట్ల క్రెడిట్ కార్డులు జారీ
గత జనవరి నెల చివరి నాటికి వివిధ బ్యాంకులు దాదాపు 8.25 కోట్ల క్రెడిట్ కార్డులు జారీ చేశాయి ఆర్బీఐ నివేదికలు చెబుతున్నాయి. క్రెడిట్ కార్డులు జారీ చేసిన బ్యాంకుల్లో హెచ్డీఎఫ్సీ బ్యాంక్, ఎస్బీఐ, ఐసీఐసీఐ బ్యాంక్, యాక్సిస్ బ్యాంక్, కొటక్ మహీంద్రా బ్యాంకులు టాప్-5 స్థానాల్లో నిలిచాయి. చాలా మంది క్రెడిట్ స్కోర్ పెంచుకోవడానికి ప్రాధాన్యం ఇస్తున్నారని చెబుతున్నారు.
మరిన్ని బిజినెస్ వార్తల కోసం ఇక్కడ క్లిక్ చేయండి
