Sun-Mars conjunction: మకర రాశిలో సూర్య కుజల సంయోగం.. ఈ 3 రాశులవారు పట్టిందల్లా బంగారమే.. పెళ్లి ప్రయత్నాలు ఫలిస్తాయి..

జ్యోతిష్య శాస్త్రంలో మనిషి జీవితం పై గ్రహాలు, నక్షత్రాలు ప్రభావం చూపిస్తాయి. అందుకనే జీవితంలో ఏర్పడే మంచి చెడులు గ్రహాల గమనం పై ఆధార పడి ఉంటుందని జ్యోతిష్య శాస్త్రం పేర్కొంది. ప్రతి గ్రహం ఒక రాశి నుంచి మరొక రాశిలోకి సంచరిస్తూనే ఉంటుంది. ఇందుకు కొన్ని గ్రహాలు రోజుల సమయం తీసుకుంటే.. సూర్యుడు మాసం, శనీశ్వరుడు రాహువు వంటి గ్రహాలు సంవత్సరాల సమయం  తీసుకుంటాయి. ఇలా గ్రహాల ఒక రాశి నుంచి మరొక రాశిలోకి సంచారం చేయడం వలన  జాతకాలపై ప్రభావం చూపించి వ్యక్తిగత జీవితంలో రకరకాల మార్పులు చోటు చేసుకుంటాయి.

ముఖ్యంగా కొన్ని ప్రత్యేకమైన గ్రహాలు సంచారం చేసిన సమయంలో లేదా ఆ గ్రహాలు ఇతర గ్రహాలతో కలిసినప్పుడు ప్రత్యేక యోగాలు ఏర్పడతాయి. సూర్యుడు మకర రాశిలో ఉన్న సమయంలో కుజుడు ఫిబ్రవరి 5వ తేదీన ఈ రాశిలోకి అడుగు పెట్టాడు. ఈ రెండు గ్రహాల కలయిక మకర రాశిలో జరిగింది. సూర్య, కుజుల కలయికకు వేదికగా మకర రాశి కావడంతో ఆదిత్య మంగళ యోగం ఏర్పడింది. ఈ యోగం కొన్ని రాశులకు చెందిన వ్యక్తులకు శుభప్రదం కాగా.. మరికొన్ని రాశులకు కష్ట, నష్టాలను కలిగిస్తుంది. ఈ నేపథ్యంలో ఆదిత్య మంగళ యోగం వలన మూడు రాశులకు చెందిన వ్యక్తులు పట్టిందల్లా బంగారమే అని చెప్పవచ్చు.. ఆ రాశులు ఏమిటో ఈ రోజు తెలుసుకుందాం..

మేష రాశి: ఈ రాశికి చెందిన వ్యక్తులకు ఈ యోగం శుభప్రదంగా ఉంటుంది. సమాజంలో గౌరవ ప్రతిష్టలను అందుకుంటారు. ఉద్యోగ ప్రయత్నాలు ఫలితాలను ఇస్తాయి. పదోన్నతుల కోసం ఎదురుచూసే వ్యక్తులు శుభవార్త వింటారు. సంతోషంగా ఉంటారు. ఆధ్యాత్మిక కార్యక్రమాల్లో పాల్గొంటారు. విదేశీ ప్రయాణం చేసే అవకాశం ఉంది. అంతేకాదు ఏ పని మొదలు పెట్టినా అదృష్టం కలిసి వచ్చి అనుకున్న సమయం కంటే ముందే పూర్తి చేస్తారు.

ఇవి కూడా చదవండి

గుడి నుంచి తిరిగి వస్తూ ఈ తప్పులు చేయకండి జీవితంలో సమస్య రావచ్చు

ఇంట్లో పెంచుకోవడానికి ఏ తులసి మంచిది? రామ, కృష్ణ తులసికి తేడా..

బృందావనంలో శాపగ్రస్తమైన చింత చెట్టు.. నేటికీ కాయలు ఎందుకు కాయవంటే

జాతకంలో కాల సర్ప దోషం ఉందా.. ప్రభావం, పరిహారాలు ఏమిటంటే

మిథున రాశి: ఆదిత్య మంగళ యోగం ప్రభావంతో ఈ రాశికి చెందిన వ్యక్తుల జీవితం సంతోషంగా సాగుతుంది. శుభవార్త వింటారు. వివాహ ప్రయత్నాలు ఫలిస్తాయి. ఆర్ధిక ఇబ్బందులు తీరి.. కొత్త ఆదాయ వనరులను పొందుతారు. వ్యాపారస్తులకు పెట్టుబడి విషయంలో ఊహించని లాభాలను అందుకుంటారు. స్థిరాస్తులపై పెట్టుబడి పెట్టాలనుకునేవారి ప్రయత్నాలు ఫలిస్తాయి.  ఖర్చులను అదుపులో ఉంచుకోవడం వలన డబ్బులను ఇతర మార్గాల్లో పెట్టుబడి పెడతారు.

కన్యా రాశి: ఈ రాశికి చెందిన వ్యక్తులపై ఈ ఆదిత్య మంగళ యోగం మంగళకరంగా ఉండనుంది. వీరికి సమాజంలో కీర్తి ప్రతిష్టలు లభిస్తాయి. దైర్యం పెరిగి.. ఏ పని చేయడానికి కైనా ముందుకు అడుగు వేస్తారు. వృత్తి, వ్యాపార, ఉద్యోగ రంగాల్లోని వ్యక్తులకు సంబంధించిన ఎటువంటి పనులైనా పూర్తి చేస్తారు. అంతేకాదు తమ మాటకారి తనంతో ఎటువంటి వారినైనా ఆకట్టుకుని తమ పనులను పూర్తి చేసుకుంటారు.

మరిన్ని ఆధ్యాత్మిక వార్తల కోసం ఇక్కడ క్లిక్ చేయండి..

గమనిక: పైన పేర్కొన్న అంశాలను మత గ్రంథాల ఆధారంగా ప్రజల సాధారణ ఆసక్తులను దృష్టిలో ఉంచుకుని ఇవ్వడం జరిగింది. దీనిని టీవీ9 తెలుగు ధృవీకరించడం లేదు