Puja Astro Tips: గుడి నుంచి ఇంటికి తిరిగి వస్తూ ఈ పనులు చేస్తున్నారా.. జీవితంలో సమస్యలు తప్పవట
ఇంట్లో పూజ చేయడంతో పాటు.. కొంతమంది గుడికి వెళ్లి పూజను కూడా చేస్తారు. అలా గుడిలో పూజ చేసి వచ్చేటపుడు కొన్ని పనులు చేయకూడదని జ్యోతిష్యశాస్త్రం పేర్కొంది. ఈరోజు ఆలయంలో పూజ చేసి వస్తూ చేయకూడని పనులు ఏమిటో తెలుసుకుందాం.. ఎవరైనా సరే గుడిలో ప్రసాదం సమర్పించడం కోసం గుడికి తీసుకుని వెళ్లి.. పూజ, ప్రసాద వితరణ అనంతరం ఆ ప్రసాదం ఇంటికి తీసుకుని వచ్చే సమయంలో కొన్ని విషయాలను పాటించాలని పండితులు చెప్పారు.
Updated on: Feb 08, 2024 | 8:41 PM
హిందూ మతంలో భగవంతుని ఆరాధన అత్యంత పవిత్రమైనదిగా పరిగణించబడుతుంది. అందుకనే ఎవరైనా పూజ చేసే సమయంలో పొరపాట్లు చేయవద్దు అని పెద్దలు సూచిస్తారు. ఎందుకంటే పూజలు చేసే సమయంలో తప్పులు చేస్తే దేవుడు ఆగ్రహిస్తాడనీ, మనిషి జీవితంలో సమస్యలు తలెత్తుతాయని నమ్ముతారు. ఇంట్లో పూజ చేయడంతో పాటు.. కొంతమంది గుడికి వెళ్లి పూజను కూడా చేస్తారు. అలా గుడిలో పూజ చేసి వచ్చేటపుడు కొన్ని పనులు చేయకూడదని జ్యోతిష్యశాస్త్రం పేర్కొంది. ఈరోజు ఆలయంలో పూజ చేసి వస్తూ చేయకూడని పనులు ఏమిటో తెలుసుకుందాం..
దారిలో ప్రసాదం తినకూడదా?
ఎవరైనా సరే గుడిలో ప్రసాదం సమర్పించడం కోసం గుడికి తీసుకుని వెళ్లి.. పూజ, ప్రసాద వితరణ అనంతరం ఆ ప్రసాదం ఇంటికి తీసుకుని వచ్చే సమయంలో కొన్ని విషయాలను పాటించాలని పండితులు చెప్పారు. గుడి నుండి ఇంటికి తిరుగు ప్రయాణంలో ఎప్పుడూ ప్రసాదాన్ని తినరాదు. ఇలా చేయడం వలన ఆరాధన అసంపూర్ణంగా పరిగణించబడుతుంది. నమ్మకం ప్రకారం ఆలయం నుండి స్వీకరించిన ప్రసాదాన్ని ఇంట్లో ఉన్న ప్రసాదంతో కలిపి కుటుంబ సభ్యులందరికీ పంచి, కలిసి సేవించాలి.
ఎవరైనా పంచ పాత్ర లేదా పాత్రను ఇంటికి తీసుకురాకూడదా?
జ్యోతిష్య శాస్త్రం ప్రకారం గుడికి వెళ్లేటప్పుడు లేదా వచ్చే సమయంలో ఖాళీ పాత్రను ఇంటి నుంచి తీసుకుని వెళ్ళరాదు. అదే విధంగా గుడి నుంచి ఇంటికి తీసుకురాకూడదు. ఇంట్లోకి ఖాళీ పంచ పాత్రను తీసుకురావడం వల్ల జీవితంలో చేసే పని కూడా చెడిపోతుందని నమ్ముతారు. కనుక దేవుడికి నీరుని సమర్పించే ముందు పాత్రలోని కొంచెం నీరు ఉంచాలి. లేదా నీరు అందుబాటులో లేనట్లయితే గుడి నుండి తెచ్చే పూజ పుష్పాలను పాత్రలో ఉంచవచ్చు. గుడి నుంచి వచ్చే సమయంలో పంచ పాత్ర నిండుగా నీరు ఇంటికి తీసుకురావడం వల్ల ఇంట్లో సుఖ శాంతులు, సిరి సంపదలు లభిస్తాయని చెబుతారు.
గుడిలో పూజ చేసేటప్పుడు ఈ తప్పులు చేయకూడదా?
గుడిలో లేదా ఇంట్లో పూజ చేసే సమయంలో వెలిగించిన దీపంతో మరో దీపాన్ని వెలిగించకూడదని జ్యోతిష్య నిపుణులు అంటున్నారు. ఇలా చేయడం వలన దేవుడికి కోపం వస్తుందని నమ్ముతారు. అంతేకాదు పూజ ఫలం లభించదు. పూజ సమయంలో దేవునికి ఏ పూజా సామాగ్రిని సమర్పిం.చాలనుకున్నా.. నేలపై పడిన ఏ వస్తువునైనా తిరిగి దేవుడికి సమర్పించకూడదు. ఇలా చేయడం వలన భగవంతుడిని అగౌరవ పరిచినట్లు పరిగణిస్తారు. అలాగే పూజ చేసేటప్పుడు, పూజా స్థలంలో పూజ సామగ్రి ఉన్న సమయంలో అక్కడ శుభ్రం చేయకూడదు. ఇలా చేయడం వల్ల దేవునికి అసంతృప్తి కలుగుతుందని.. ఆ పూజ పరిపూర్ణం కాదని విశ్వాసం.
మరిన్ని ఆధ్యాత్మిక వార్తల కోసం ఇక్కడ క్లిక్ చేయండి..
గమనిక: పైన పేర్కొన్న అంశాలను మత గ్రంథాల ఆధారంగా ప్రజల సాధారణ ఆసక్తులను దృష్టిలో ఉంచుకుని ఇవ్వడం జరిగింది. దీనిని టీవీ9 తెలుగు ధృవీకరించడం లేదు
