Horoscope Today: వారి కొత్త ఉద్యోగ ప్రయత్నాలు సఫలం.. 12 రాశుల వారికి రాశిఫలాలు

దిన ఫలాలు (అక్టోబర్ 17, 2025): మేష రాశి వారి ఆర్థిక పరిస్థితి ఇతరులను ఆదుకోగల స్థితిలో ఉంటుంది. ఆదాయం బాగానే వృద్ధి చెందుతుంది. వృషభ రాశికి చెందిన నిరుద్యోగుల ప్రయత్నాలు సఫలమవుతాయి. కుటుంబ జీవితం హ్యాపీగా సాగిపోతుంది. మిథున రాశి వారికి సమయం చాలావరకు అనుకూలంగా ఉంది. వృత్తి, ఉద్యోగాలలో ప్రాధాన్యం, ప్రాభవం పెరుగుతాయి. మేష రాశి మొదలు మీన రాశి వరకు 12 రాశుల వారికి శుక్రవారంనాటి రాశిఫలాలు ఎలా ఉన్నాయంటే..?

మేషం (అశ్విని, భరణి, కృత్తిక 1)

వృత్తి, ఉద్యోగాలలో ప్రాధాన్యం, ప్రాభవం బాగా పెరుగుతాయి. ఆర్థిక పరిస్థితి ఇతరులను ఆదుకోగల స్థితిలో ఉంటుంది. ఆదాయం బాగానే వృద్ధి చెందుతుంది. ఇంటా బయటా గౌరవ మర్యాదలు పెరుగుతాయి. కొత్త వ్యక్తులు పరిచయం అవుతారు. ప్రయాణాల్లోనూ, ఆహార, విహారాల్లోనూ జాగ్రత్తగా ఉండడం మంచిది. నిరుద్యోగులకు ఒకటి రెండు శుభవార్తలు అందుతాయి. విద్యార్థులు విజయాలు సాధిస్తారు. వ్యాపారాలు నిలకడగా సాగిపోతాయి. ప్రేమ వ్యవహారాలు సాఫీగా సాగిపోతాయి.

వృషభం (కృత్తిక 2,3,4, రోహిణి, మృగశిర 1,2)

వృత్తి, ఉద్యోగాల్లో ఒత్తిడి, శ్రమ ఉన్నా, సకాలంలో లక్ష్యాలు, బాధ్యతలను పూర్తి చేస్తారు. అధికారులకు మీ సమర్థత మీద నమ్మకం పెరుగుతుంది. వ్యాపారంలో కొద్దిపాటి లాభాలకు అవకాశం ఉంది. తలపెట్టిన వ్యవహారాలు, పనులు నిదానంగా పూర్తవుతాయి. ప్రయాణాల వల్ల లాభాలు కలుగుతాయి. ఆదాయ ప్రయత్నాలు సత్ఫలితాలనిస్తాయి. నిరుద్యోగుల ప్రయత్నాలు సఫలమవుతాయి. కుటుంబ జీవితం హ్యాపీగా సాగిపోతుంది. ప్రేమ వ్యవహారాల్లో సఖ్యత పెరుగుతుంది.

మిథునం (మృగశిర 3,4, ఆర్ద్ర, పునర్వసు 1,2,3)

సమయం చాలావరకు అనుకూలంగా ఉంది. వృత్తి, ఉద్యోగాలలో ప్రాధాన్యం, ప్రాభవం పెరుగుతాయి. పదోన్నతికి కూడా బాగా అవకాశం ఉంది. అనారోగ్యం నుంచి ఉపశమనం లభిస్తుంది. పిల్లల నుంచి శుభవార్తలు అందుకుంటారు. వ్యాపారాలు అనుకూలంగా సాగిపోతాయి. కొత్త ఉద్యోగ ప్రయత్నాలు సఫలం అవుతాయి. పెళ్లి ప్రయత్నాలు కూడా ఒక కొలిక్కి వస్తాయి. అనవసర పరిచయాలకు దూరంగా ఉండడం మంచిది. ప్రేమ వ్యవహారాల్లో ముందుకు దూసుకుపోతారు.

కర్కాటకం (పునర్వసు 4, పుష్యమి, ఆశ్లే‌ష)

వృత్తి, ఉద్యోగాల్లో ఇతరుల బాధ్యతలను కూడా పంచుకోవలసి వస్తుంది. అధికారుల నుంచి గుర్తింపు లభిస్తుంది. అదనపు ఆదాయ ప్రయత్నాలు సానుకూల ఫలితాలనిస్తాయి. ఆర్థిక లావాదేవీలకు దూరంగా ఉండడం మంచిది. స్తోమతకు మించి ఇతరులకు సహాయం చేస్తారు. సొంత పనుల మీద శ్రద్ధ పెట్టడం మంచిది. ప్రయాణాలు, ఆరోగ్యం విషయంలో అప్రమత్తంగా ఉండాల్సిన అవసరం ఉంది. కుటుంబ జీవితం సాఫీగా సాగిపోతుంది. ప్రేమ వ్యవహారాలు ఉత్సాహం కలిగిస్తాయి.

సింహం (మఖ, పుబ్బ, ఉత్తర 1)

వృత్తి, ఉద్యోగాల్లో బాధ్యతలు బాగా పెరిగే అవకాశం ఉంది. ఆర్థిక, ఆస్తి వ్యవహారాలను సమర్థవంతంగా పూర్తి చేస్తారు. ఇంటా బయటా పరిస్థితులు అనుకూలంగా ఉంటాయి. కుటుంబంలో శుభ కార్యానికి ప్లాన్ చేస్తారు. వ్యాపారాల్లో నూతన ఆలోచనలు కార్యరూపం దాలుస్తాయి. కొందరు మిత్రుల సహాయంతో నిరుద్యోగులు ఉద్యోగం సంపాదించుకుంటారు. కుటుంబ జీవితం సాఫీగా సాగిపోతుంది. వ్యక్తిగత సమస్యలు తగ్గుముఖం పడతాయి. ప్రేమ వ్యవహారాల్లో జాగ్రత్తగా ఉండడం మంచిది.

కన్య (ఉత్తర 2,3,4, హస్త, చిత్త 1,2)

ఉద్యోగంలో ప్రశాంత, సామరస్య వాతావరణం నెలకొంటుంది. వృత్తి, వ్యాపారాల్లో అనుకూల వాతావరణం నెలకొని ఉంటుంది. ఆదాయం బాగానే వృద్ధి చెందుతుంది. మిత్రుల నుంచి సమస్యలు తలెత్తే సూచనలు కనిపిస్తున్నాయి. అదనపు ఆదాయ ప్రయత్నాల మీద శ్రద్ధను పెంచడం మంచిది. ప్రయాణాలు లాభిస్తాయి. ఆర్థిక విషయాల్లో జాగ్రత్తగా ఉండాలి. ఆర్థిక పరిస్థితి ఆశాజనకంగా ఉంటుంది. స్వల్ప అనారోగ్య సూచనలున్నాయి. ప్రేమ వ్యవహారాలు సాఫీగా సాగిపోతాయి.

తుల (చిత్త 3,4, స్వాతి, విశాఖ 1,2,3)

వృత్తి, ఉద్యోగాలలో ప్రాధాన్యం బాగా పెరుగుతుంది. కుటుంబంలో శుభ పరిణామాలు చోటు చేసుకుంటాయి. ముఖ్యమైన శుభవార్తలు వింటారు. ప్రముఖుల నుంచి ఆదరణ పెరుగుతుంది. అన్ని రంగాల వారికి సమయం అనుకూలంగా ఉంది. గృహ, వాహనాల కొనుగోలు మీద దృష్టి సారిస్తారు. వ్యాపారంలో అంచనాలకు మించి లాభాలు గడిస్తారు. ఆకస్మిక ధన లాభానికి అవకాశం ఉంది. వృత్తి, ఉద్యోగాల రీత్యా ప్రయాణాలు చేయాల్సి వస్తుంది. ప్రేమ వ్యవహారాలు హ్యాపీగా సాగి పోతాయి.

వృశ్చికం (విశాఖ 4, అనూరాధ, జ్యేష్ట)

ఉద్యోగంలో కొన్ని ప్రత్యేక బాధ్యతల్ని సమర్థవంతంగా నిర్వహిస్తారు. వృత్తి, వ్యాపారాల్లో కార్యకలాపాలు బాగా పెరుగుతాయి. ఆర్థిక సంబంధమైన ఇబ్బందుల నుంచి బయటపడతారు. బంధు మిత్రులకు బాగా సహాయం చేస్తారు. ఆదాయం బాగానే ఉంటుంది. ముఖ్యమైన వ్యవహారాలు విజయవంతంగా పూర్తవుతాయి. ఇతరుల విషయాల్లో జోక్యం చేసుకోకపోవడం మంచిది. కొత్త ప్రయత్నాలు తప్పకుండా సఫలం అవుతాయి. ప్రేమ వ్యవహారాలు బాగా ఉత్సాహంగా సాగిపోతాయి.

ధనుస్సు (మూల, పూర్వాషాఢ, ఉత్తరాషాఢ 1)

వృత్తి, వ్యాపారాల్లో కొద్దిపాటి మార్పులు చేపడతారు. ఉద్యోగంలో పదోన్నతులకు అవకాశం ఉంది. ఆర్థికపరంగా అనుకూలత పెరుగుతుంది. కుటుంబ సభ్యులతో సరదాగా గడుపుతారు. చాలా కాలంగా పెండింగ్ లో ఉన్న పనులు సంతృప్తికరంగా పూర్తవుతాయి. ప్రస్తుతానికి ఇతరులకు ఎవరికైనా వాగ్దానాలు చేయవద్దు. ఆర్థిక పరిస్థితి బాగా మెరుగ్గా ఉంటుంది. స్వల్ప అనారోగ్యానికి అవకాశం ఉంది. నిరుద్యోగులకు కీలక సమాచారం అందుతుంది. ప్రేమ వ్యవహారాలు అనుకూలిస్తాయి.

మకరం (ఉత్తరాషాఢ 2,3,4, శ్రవణం, ధనిష్ట 1,2)

ఉద్యోగంలో పని భారం కాస్తంత ఎక్కువగా ఉంటుంది. వృత్తి, వ్యాపారాలలో కూడా శ్రమాధిక్యత ఉంటుంది. కొద్దిపాగి వ్యయ ప్రయాసలతో ముఖ్యమైన వ్యవహారాలను పూర్తి చేస్తారు. కుటుంబ సభ్యులతో కలిసి దైవదర్శనం చేసుకుంటారు. ఆస్తి వివాదంలో సోదరులతో ఆచితూచి వ్యవహరించడం మంచిది. కుటుంబ జీవితం హ్యాపీగా సాగిపోతుంది. ఉద్యోగ, పెళ్లి ప్రయత్నాల్లో ఒకటి రెండు శుభవార్తలు వింటారు. ఆదాయం వృద్ధి చెందుతుంది. ప్రేమ వ్యవహారాలు సంతృప్తికరంగా సాగిపోతాయి.

కుంభం (ధనిష్ట 3,4, శతభిషం, పూర్వాభాద్ర 1,2,3)

వృత్తి, ఉద్యోగాలలో పనిభారం పెరిగినప్పటికీ, ఆశించిన ప్రతిఫలం చేతికి అందుతుంది. వ్యాపారాలు నిలకడగా ముందుకు సాగుతాయి. ఆకస్మిక ప్రయాణాలకు అవకాశం ఉంది. కుటుంబ సభ్యులతో వాదోపవాదాలకు దిగవద్దు. చేపట్టిన పనులు, వ్యవహారాలు నిరాటంకంగా పూర్తవుతాయి. ఆదాయ ప్రయత్నాలు కొంతవరకు సఫలం అవుతాయి. తోబుట్టువులు, బంధువులతో ఆస్తి వివాదానికి సంబంధించి ఒక సానుకూలమైన శుభవార్త వింటారు. ప్రేమ వ్యవహారాలు ఇబ్బంది పెడతాయి.

మీనం (పూర్వాభాద్ర 4, ఉత్తరాభాద్ర, రేవతి)

ఉద్యోగంలో మీ పనితీరుతో అధికారులను ఆకట్టుకుంటారు. వృత్తి, వ్యాపారాలు సంతృప్తికరంగా ముందుకు సాగుతాయి. వ్యక్తిగత సమస్య ఒకటి అనుకోకుండా పరిష్కారం అవుతుంది. కొందరు బంధుమిత్రులతో విందులు, వినోదాల్లో పాల్గొంటారు. ప్రముఖులతో పరిచయాలు పెరుగుతాయి. నిరుద్యోగుల ప్రయత్నాలు ఫలించి, దూర ప్రాంతంలో ఆశించిన ఉద్యోగం లభించే అవకాశం ఉంది. ముఖ్యమైన వ్యవహారాలు, పనులు తేలికగా పూర్తవుతాయి. ప్రేమ వ్యవహారాలు సాఫీగా సాగిపోతాయి.