Horoscope Today: వారి ఆదాయ వృద్ధికి సమయం బాగా అనుకూలం.. 12 రాశుల వారికి రాశిఫలాలు
Today Horoscope (July 5, 2025): మేష రాశి వారికి ఉద్యోగంలో అధికార యోగానికి అవకాశం ఉంది. వృత్తి జీవితంలో డిమాండ్ బాగా పెరుగుతుంది. వృషభ రాశి వారికి వ్యాపారాలు లాభసాటిగా సాగుతాయి. అధికారులు ఎక్కువగా మీ మీద ఆధారపడే అవకాశం ఉంది. మిథున రాశి వారి ఆర్థిక పరిస్థితి బాగా చక్కబడుతుంది. రావలసిన సొమ్ము చేతికి అందుతుంది. మేష రాశి మొదలు మీన రాశి వరకు 12 రాశుల వారికి శనివారంనాటి రాశిఫలాలు ఎలా ఉన్నాయంటే..?
Updated on: Jul 05, 2025 | 5:31 AM
దిన ఫలాలు (జూలై 5, 2025): మేష రాశి వారికి ఉద్యోగంలో అధికార యోగానికి అవకాశం ఉంది. వృషభ రాశి వారికి వ్యాపారాలు లాభసాటిగా సాగిపోయే అవకాశం ఉంది. మిథున రాశి వారి ఆర్థిక పరిస్థితి బాగా చక్కబడే అవకాశముంది. మేష రాశి మొదలు మీన రాశి వరకు 12 రాశుల వారికి శనివారంనాటి రాశిఫలాలు ఎలా ఉన్నాయంటే..?
మేషం (అశ్విని, భరణి, కృత్తిక 1)
ఉద్యోగంలో అధికార యోగానికి అవకాశం ఉంది. వృత్తి జీవితంలో డిమాండ్ బాగా పెరుగుతుంది. వ్యాపారులు అంచనాలకు మించి లాభాలు గడిస్తారు. ఏ ప్రయత్నం తలపెట్టినా విజయవంతం అవుతుంది. ముఖ్యంగా ఉద్యోగ, పెళ్లి ప్రయత్నాలు తప్పకుండా సఫలమవుతాయి. ఎదురు చూస్తున్న శుభ వార్తలు వింటారు. ఆర్థిక పరిస్థితి ఇదివరకటి కంటే బాగా మెరుగ్గా ఉంటుంది. ఒకటి రెండు ముఖ్యమైన ఆర్థిక సమస్యలు పరిష్కారం అవుతాయి. విద్యార్థులు విజయాలు సాధిస్తారు.
వృషభం (కృత్తిక 2,3,4, రోహిణి, మృగశిర 1,2)
వృత్తి, ఉద్యోగాల్లో ప్రాధాన్యం పెరుగుతుంది. అధికారులు ఎక్కువగా మీ మీద ఆధారపడే అవకాశం ఉంది. వృత్తి జీవితంలో యాక్టివిటీ బాగా పెరుగుతుంది. వ్యాపారాలు లాభసాటిగా సాగుతాయి. ఉద్యోగ ప్రయత్నాలు సానుకూలంగా ఉంటాయి. బంధువుల్లో పెళ్లి సంబంధం కుదరవచ్చు. కొద్దిగా ఆదాయం పెరుగుతుంది. కొందరు బంధుమిత్రులకు ఆర్థికంగా సహాయం చేస్తారు. గృహ, వాహన ప్రయత్నాలు ఒక కొలిక్కి వస్తాయి. స్వల్ప అనారోగ్య సూచనలున్నాయి. విద్యార్థులకు శ్రమ ఉంటుంది.
మిథునం (మృగశిర 3,4, ఆర్ద్ర, పునర్వసు 1,2,3)
ఏ ప్రయత్నం తలపెట్టినా విజయవంతం అవుతుంది. వృత్తి, వ్యాపారాల్లో కీలకమైన నిర్ణయాలు, మార్పులు చేపట్టి లబ్ధి పొందుతారు. ఉద్యోగంలో అధికార యోగానికి అవకాశం ఉంది. నిరుద్యోగులకు ఆశించిన సమాచారం అందుతుంది. వ్యక్తిగత సమస్యలు తగ్గుముఖం పడతాయి. ఆర్థిక పరిస్థితి బాగా చక్కబడుతుంది. రావలసిన సొమ్ము చేతికి అందుతుంది. కుటుంబంలో సుఖ సంతోషాలు నెలకొంటాయి. పిల్లల నుంచి శుభవార్తలు వింటారు. విద్యార్థులు ఘన విజయాలు సాధిస్తారు.
కర్కాటకం (పునర్వసు 4, పుష్యమి, ఆశ్లేష)
వృత్తి, ఉద్యోగాల్లో ఊహించని శుభ పరిణామాలు చోటు చేసుకుంటాయి. అధికార యోగం పట్టే అవకాశం ఉంది. ఆశించిన స్థాయిలో జీతభత్యాలు పెరుగుతాయి. కుటుంబంతో కలిసి ఇష్టమైన ఆలయాల్ని సందర్శిస్తారు. తల్లి ఆరోగ్యం కొద్దిగా ఆందోళన కలిగిస్తుంది. సోదరులతో ఆస్తి వివాదం పరిష్కారం అయ్యే అవకాశముంది. ఆహార, విహారాల్లో జాగ్రత్తలు పాటించడం మంచిది. ఆదాయ వృద్ధికి సమయం బాగా అనుకూలంగా ఉంది. విద్యార్థులు కొద్ధి శ్రమతో ఉత్తమ ఫలితాలు సాధిస్తారు.
సింహం (మఖ, పుబ్బ, ఉత్తర 1)
ఇంటా బయటా పనిభారం, ఒత్తిడి కొద్దిగా పెరుగుతాయి. ఆర్థిక వ్యవహారాల్లో కొద్దిగా జాగ్రత్తగా ఉండడం మంచిది. వృత్తి, ఉద్యోగాలు ప్రోత్సాహకరంగా సాగిపోతాయి. వ్యాపారాల్లో లాభాలు పెరుగుతాయి. కొత్త ఉద్యోగ ప్రయత్నాలు ఫలిస్తాయి. పరిచయస్థుల్లో మంచి పెళ్లి సంబంధం కుదిరే సూచనలున్నాయి. పిల్లల చదువుల మీద శ్రద్ద పెట్టడం మంచిది. జీవిత భాగస్వామితో సామరస్యం పెరుగుతుంది. ఆకస్మిక ధన లాభానికి అవకాశం ఉంది. విద్యార్థులు బాగా కష్టపడాల్సి ఉంటుంది.
కన్య (ఉత్తర 2,3,4, హస్త, చిత్త 1,2)
ఉద్యోగ జీవితం సానుకూలంగా, సంతృప్తికరంగా సాగిపోతుంది. జీతభత్యాలు పెరిగే సూచనలున్నాయి. వృత్తి, వ్యాపారాల్లో పోటీదార్ల మీద పైచేయి సాధిస్తారు. ఆదాయానికి లోటుండదు. ఆర్థికంగా ఆశించిన స్థాయి పురోగతి ఉంటుంది. అనవసర ఖర్చులు తగ్గించుకోవడం మంచిది. ఆరోగ్యం బాగానే ఉంటుంది. ముఖ్యమైన వ్యక్తులతో పరిచయాలు పెరుగుతాయి. మీ మాటకు విలువ ఉంటుంది. బంధుమిత్రులకు మీ సలహాలు ఉపకరిస్తాయి. విద్యార్థులకు శ్రమ తప్పకపోవచ్చు.
తుల (చిత్త 3,4, స్వాతి, విశాఖ 1,2,3)
ఉద్యోగంలో కొన్ని ముఖ్యమైన మార్పులు చోటు చేసుకునే అవకాశముంది. వృత్తి, వ్యాపారాల్లో ఒకటి రెండు శుభ పరిణామాలు సంభవిస్తాయి. సామాజికంగా ఆదరణ, గౌరవాభిమానాలు పెరుగుతాయి. వ్యాపారాలు బాగా కలిసి వస్తాయి. ఆర్థిక ప్రయత్నాలు ఆశించిన దాని కంటే ఎక్కువగా సఫలం అవుతాయి. ఆర్థిక సమస్యలతో పాటు ఒకటి రెండు వ్యక్తిగత సమస్యలు కూడా పరిష్కారం అవుతాయి. ఉద్యోగ ప్రయత్నాల్లో శుభవార్తలు వింటారు. విద్యార్థులకు బాగానే ఉంటుంది.
వృశ్చికం (విశాఖ 4, అనూరాధ, జ్యేష్ట)
వృత్తి, ఉద్యోగాల్లో బాగా ప్రాధాన్యం పెరుగుతుంది. వ్యాపారాల్లో నష్టాల నుంచి చాలావరకు బయట పడతారు. ఆశించిన స్థాయిలో ఆదాయం వృద్ధి చెందుతుంది. ప్రస్తుతానికి ఎవరికీ వాగ్దానాలు చేయడం, హామీలు ఉండడం మంచిది కాదు. ఇతరుల విషయాల్లో జోక్యం చేసుకోవద్దు. సొంత పనుల మీద శ్రద్ధ పెట్టడం మంచిది. ఆరోగ్యానికి లోటు ఉండదు. కుటుంబ జీవితం సామరస్యంగా సాగిపోతుంది. ప్రయాణాలు బాగా లాభిస్తాయి. విద్యార్థులు కొద్ది శ్రమతో ఉత్తమ ఫలితాలు సాధిస్తారు.
ధనుస్సు (మూల, పూర్వాషాఢ, ఉత్తరాషాఢ 1)
ఉద్యోగ, పెళ్లి ప్రయత్నాలకు సమయం బాగా అనుకూలంగా ఉంది. కుటుంబంలో శుభ పరిణామాలు చోటు చేసుకుంటాయి. పిల్లలకు సంబంధించి ఆశించిన శుభవార్తలు వింటారు. ఉద్యోగంలో పదోన్నతితో లభించడంతో పాటు, జీతభత్యాలు కూడా బాగా పెరిగే అవకాశం ఉంది. వృత్తి, వ్యాపా రాలు అభివృద్ధి బాటపడతాయి. ఆదాయం బాగా వృద్ధి చెందుతుంది. ఆర్థిక పరిస్థితి చాలావరకు మెరుగుపడుతుంది. ఆరోగ్యం సజావుగా సాగిపోతుంది. విద్యార్థులు తేలికగా ఉత్తీర్ణతలు సాధిస్తారు.
మకరం (ఉత్తరాషాఢ 2,3,4, శ్రవణం, ధనిష్ట 1,2)
ఉద్యోగ జీవితం అనుకూలంగా సాగిపోతుంది. వృత్తి జీవితంలో డిమాండ్ పెరుగుతుంది. వ్యాపారాల్లో లాభాలు ఆర్జిస్తారు. అనుకున్న పనులు అనుకున్నట్టు పూర్తవుతాయి. ఆశించిన దానికంటే ఎక్కువగా ఆదాయ వృద్ధి ఉంటుంది. ఇంటా బయటా గౌరవ మర్యాదలకు లోటుండదు. ఆరోగ్యం బాగానే ఉంటుంది. కుటుంబ జీవితం సాఫీగా సాగిపోతుంది. జీవిత భాగస్వామితో అన్యోన్యత పెరుగుతుంది. నిరుద్యోగులకు శుభవార్తలు అందుతాయి. విద్యార్థులకు కొద్దిగా శ్రమ తప్పకపోవచ్చు.
కుంభం (ధనిష్ట 3,4, శతభిషం, పూర్వాభాద్ర 1,2,3)
ఉద్యోగంలో శ్రమాధిక్యత ఉంటుంది. అధికారుల ఒత్తిడి ఎక్కువగా ఉంటుంది. వృత్తి, వ్యాపారాలు నిలకడగా సాగిపోతాయి. ఆర్థిక వ్యవహారాలు సజావుగా సాగిపోతాయి. ఆదాయం స్థిరంగా కొనసాగుతుంది. ఆహార, విహారాల్లో జాగ్రత్తగా ఉండాలి. ప్రయాణాల వల్ల ఆశించిన ఫలితం ఉండకపోవచ్చు. ఉద్యోగ, పెళ్లి ప్రయత్నాలు సఫలం అవుతాయి. అనవసర ఖర్చుల్ని బాగా తగ్గించుకోవడం మంచిది. బంధువుల వివాదాల్లో తలదూర్చవద్దు. విద్యార్థులు తేలికగా విజయాలు సాధిస్తారు.
మీనం (పూర్వాభాద్ర 4, ఉత్తరాభాద్ర, రేవతి)
వృత్తి, ఉద్యోగాల్లో ప్రాధాన్యం, ప్రాభవంతో పాటు బరువు బాధ్యతలు కూడా బాగా పెరుగుతాయి. నిరుద్యోగుల ఉద్యోగ ప్రయత్నాలు సఫలం అవుతాయి. వ్యాపారాల్లో అంచనాలకు మించి లాభాలు కలుగుతాయి. ఆర్థిక లావాదేవీలకు దూరంగా ఉండడం మంచిది. ప్రముఖులతో సన్నిహిత సంబంధాలు ఏర్పడతాయి. కుటుంబంలో ఒక శుభ పరిణామం చోటు చేసుకుంటుంది. ఆరోగ్యం మీద శ్రద్ధ పెట్టాలి. ప్రయాణాలు పెట్టుకోవద్దు. విద్యార్థులు కొద్ది శ్రమతో ఉత్తమ ఫలితాలు సాధిస్తారు.
