Watch Video: పాక కమ్మల్లో ఏదో మెరుస్తూ కనిపించింది.. దగ్గరకెళ్లి చూడగా గుండె పగిలే పనైంది..

అనకాపల్లి జిల్లాలో భారీ గిరినాగు బుసలు కొట్టింది. ఒకటి కాదు రెండు కాదు ఏకంగా 12 అడుగుల కింగ్ కోబ్రా హడలెత్తించింది. వి.మాడుగుల మండలం పెద్ద కూర్మ లో భారీ కింగ్ కోబ్రా కలకలం సృష్టించింది. కొండమ్మ కమ్మల పాకలో ఏవో శబ్దాలు వినిపించాయి. పైకి తొంగి చూసేసరికి.. భారీ గిరినాగు కనిపించింది. కమ్మల మధ్య కదులుతూ ఉంది. దీంతో గుండెలో పట్టుకుని పరుగులు తీసింది ఆ మహిళ. అనంతరం ఈ విషయం గురించి అటవీ శాఖ అధికారులు, స్నేక్ క్యాచర్ వెంకటేష్ కు సమాచారం ఇచ్చారు..

రంగంలోకి దిగిన.. వెంకటేష్.. పామును బంధించేందుకు సిద్ధమయ్యాడు. ఈ క్రమంలో భారీ గిరి నాగు పాక లో హై స్పీడ్ గా బయటకు వచ్చింది. భారీ గిరినాగు పాకుతుంటే ఒళ్ళు జలధరించి అందరూ ఆందోళన చెందారు. చివరకు రెండు గంటల పాటు శ్రమించి కింగ్ కోబ్రాను పట్టుకున్నారు. దీంతో అంతా ఊపిరి పీల్చుకున్నారు పట్టుకున్న కింగ్ కోబ్రా ను అడవుల్లో విడిచిపెట్టారు. దీనికి సంబంధించిన వీడియో వైరల్ అవుతోంది.

వీడియో చూడండి..

మరిన్ని ఆంధ్రప్రదేశ్ వార్తల కోసం ఇక్కడ క్లిక్ చేయండి..