Teacher: అంగన్వాడి టీచర్ను వేధించిన ఆగంతకుడు.. ఆమె ఎలా స్పందించిందో తెలుసా..
రంగంపేట పోలీస్ స్టేషన్ పరిధిలోని దొంతమూరు గ్రామంలో పనిచేస్తున్న అంగన్వాడీ టీచర్ను ఓ వ్యక్తి వేధింపులకు గురిచేశాడు. దీంతో బాధిత మహిళ దిశ యాప్కు కాల్ చేసి సహాయం కోరింది. కేవలం ఎనిమిది నిమిషాల వ్యవధిలోనే దొంతమూరు గ్రామానికి దిశా పోలీసులు చేరుకున్నారు. బాధిత అంగన్వాడీ టీచర్ ఇచ్చిన వివరాలు పోలీసులు నమోదు చేశారు.
Updated on: Dec 21, 2023 | 4:38 PM
రంగంపేట పోలీస్ స్టేషన్ పరిధిలోని దొంతమూరు గ్రామంలో పనిచేస్తున్న అంగన్వాడీ టీచర్ను ఓ వ్యక్తి వేధింపులకు గురిచేశాడు. దీంతో బాధిత మహిళ దిశ యాప్కు కాల్ చేసి సహాయం కోరింది. కేవలం ఎనిమిది నిమిషాల వ్యవధిలోనే దొంతమూరు గ్రామానికి దిశా పోలీసులు చేరుకున్నారు. బాధిత అంగన్వాడీ టీచర్ ఇచ్చిన వివరాలు పోలీసులు నమోదు చేశారు. అనంతరం దిశా పోలీసులు పూర్తిస్థాయిలో విచారణ చేపట్టారు. స్థానికంగా నివాసముండే వెంకటకృష్ణ అనే వ్యక్తి వేధింపులకు పాల్పడినట్టు పోలీసుల విచారణలో తెలిసింది. అంగన్వాడి టీచర్, ఆమె భర్త ఇచ్చిన ఫిర్యాదు మేరకు రంగంపేట పోలీసులు ఐపీసీ సెక్షన్ 354 A కింద కేసు నమోదు చేసుకొని అరెస్ట్ చేశారు.
ఆపదలో ఉన్న తనకు దిశా పోలీసులు ధైర్యం చెప్పి భరోసా కల్పించారని బాధిత మహిళ సంతోషం వ్యక్తం చేశారు. అంతేకాకుండా నిందితునిపై కేసు నమోదు చేసి వెంటనే అరెస్ట్ చేశారని పేర్కొన్నారు. అంగన్వాడీ టీచర్గా పని చేస్తున్న సమయంలో దిశా యాప్ను డౌన్లోడ్ చేసుకోవాలని అనేక మందికి సూచించిన విషయాన్ని బాధిత మహిళ గుర్తు చేశారు. ఆపదలో ఉన్న తనకు అదే దిశ యాప్ రక్షణ కవచంలా ఉపయోగపడిందని సంతోషం వ్యక్తపరిచారు. దిశ యాప్ సర్వీస్, పోలీసుల వేగవంతమైన పనితీరు స్వయంగా చూశానని అంగన్వాడీ టీచర్ చెబుతూ ప్రతి ఒక్కరూ దిశ యాప్ ను డౌన్లోడ్ చేసుకోవాలని సూచించారు. అదేవిధంగా అమ్మాయిలు, మహిళలను వేధించే వారిపై చట్ట ప్రకారం కఠిన చర్యలు తీసుకుంటామని దిశా పోలీసు ఉన్నతాధికారులు హెచ్చరించారు.
మరిన్ని ఆంధ్రప్రదేశ్ వార్తల కోసం ఇక్కడ క్లిక్ చేయండి..
