చిన్నారి ఆడుకుంటుండగా పెద్ద శబ్ధం.. గ్రామస్థులను షాక్‎కు గురిచేసిన ఘటన..

సెల్ ఫోన్ బ్యాటరీతో ఆడుకుంటూ ఉండగా బ్యాటరీ పేలింది. దీంతో చేతికి తీవ్రగాయం అయి రెండు వేళ్లు తెగిపోయాయి. దీంతో ఆసుపత్రికి తరలించారు తల్లిదండ్రులు. ఈ ఘటన పల్నాడు జిల్లా బెల్లంకొండ మండలం ఎమ్మాజీ గూడెంలో శనివారం సాయంత్రం 5 గంటల సమయంలో చోటు చేసుకుంది. కుంచాల వెంకటేశ్వరావు ఇంటి ముందు పదకొండేళ్ళ చిన్నారి ఆడుకుంటుంది. చేతిలో ఏదో ఆట వస్తువు ఉందనుకున్నారు చుట్టుపక్కల వాళ్ళంతా. అయితే ఆ చిన్నారి ఆడుకుంటున్న సమయంలో ఒక్కసారిగా పెద్ద పేలుడు సంభవించింది. ఆ పేలుడు శబ్దం చుట్టుపక్కల చాలా దూరం వరకు వినిపించింది. పేలుడు జరిగిన వెంటనే చిన్నారి చేతికి తీవ్ర గాయం అయింది. చేతి రెండు వేళ్లు తెగి పోయాయి. ప్రస్తుతం ఆ బాలిక గుంటూరు జిజిహెచ్‎లో చికిత్స పొందుతుంది.

ఆ చిన్నారి పేరు వరలక్ష్మీ. స్థానిక పాఠశాలలో అయిదో తరగతి చదువుతోంది. సాయంత్రం ఇంటి దగ్గర ఒక సెల్ ఫోన్ పాత బ్యాటరీ దొరికింది. అది ఏదో ఆట వస్తువుగా భావించిన ఆ చిన్నారి దాన్ని తీసుకొని ఆడుకుంది. కొద్దిసేపటి తర్వాత అందులో ఏదో ఉందనుకుని దాన్ని రాయితో కొట్టడం మొదలు పెట్టింది. రెండు మూడు సార్లు కొట్టగానే ఒక్కసారిగా బ్యాటరీ పెద్ద శబ్దంతో పేలిపోయింది. పేలుడు ధాటికి చిన్నారి చేతికి తీవ్ర గాయం అయింది. చేతి వేళ్లు చిద్రం అయ్యాయి. వెంటనే తల్లిదండ్రులు చికిత్స కోసం బాలికను దగ్గరిలోని ఆసుపత్రికి తరలించారు. అయితే బాలిక చేతికి తీవ్ర గాయం అయి రక్తస్రావం కావడంతో ఆ చిన్నారిని గుంటూరు జిజిహెచ్‎కు తరలించారు. చేతికి శస్త్ర చికిత్స చేసిన వైద్యులు మరో పది రోజుల పాటు చికిత్స అవసరమని చెప్పారు. అయితే పాత బ్యాటరీలతో ఆడుకోవటం ఎంత ప్రమాదమో ఈ ఘటన తెలియజేస్తుంది. అందుకే చిన్న పిల్లలకు ఎలక్ట్రానిక్ పరికరాలు, పాత పడ్డ బ్యాటరీలు, సెల్ ఫోన్లు ఇవ్వకుండా వారికి దూరంగా భద్రపరచడం మంచిది. తద్వారా ఇలాంటి ఘటనలు పునరావృతం కాకుండా జాగ్రత్త పడొచ్చు.

ఇవి కూడా చదవండి

కూటమి అభ్యర్థులకు చిరంజీవి సపోర్ట్.. ఓటు వేయండంటూ..! వీడియో వైరల్

చంద్రబాబు ఆస్తుల విలువ ఇదే.. ఎన్నికల అఫిడవిట్లో ఆసక్తికర అంశాలు..

ఆ జిల్లాలో చల్లారని కూటమి కుంపటి సెగలు.. స్వపక్షంలో విపక్షం

ఆ సీటు విషయంలో కొనసాగుతున్న మీమాంస.. కూటమిలో గందరగోళం..

మరిన్ని ఆంధ్రప్రదేశ్ వార్తల కోసం ఇక్కడ క్లిక్ చేయండి…