Andhra News: నట్టేట ముంచిన నమ్మకం.. తన ఇంటిని తాకట్టు పెట్టిమరీ.. మేనమామ కష్టం తీర్చాడు.. చివరకు

పెదకాకానికి చెందిన షేక్ సుభాని, ఖాదరాభికి ముగ్గురు పిల్లలు. పెద్దవాడు రఫి హైదరాబాద్ లో ఉద్యోగం చేస్తుండగా అహ్మద్ పెదకాకానిలోనే ఎలక్ట్రీషియన్ గా పనిచేస్తున్నాడు. ఉన్నంతలో బాగానే జీవిస్తున్న కుటుంబం అది. అయితే అహ్మద్ మేనమామ జబ్బార్ అదే గ్రామంలో ఉంటున్నాడు. తరుచగా ఇంటికి వచ్చే మేనమామ అంటే అహ్మద్ కు అభిమానం ఎక్కువే.. కొద్దీ రోజుల క్రితం జబ్బార్ కు అప్పులు ఎక్కువయ్యాయి. డబ్బులు ఇచ్చిన వాళ్ల నుండి ఒత్తిళ్లు పెరిగిపోయాయి. ఈ క్రమంలో జబ్బార్ అహ్మద్ ఇంటికి వచ్చాడు. అహ్మద్ ఇంటిని తాకట్టు పెట్టి డబ్బులు ఇస్తే అప్పులు తీర్చుకుంటా అని వేడుకున్నాడు.

మేనమామ కష్టాన్ని చూసి చలించి పోయిన అహ్మద్ ఒక్క నిమిషం కూడా ఆలోచించకుండా తన ఇంటిని తాకట్టు పెట్టి డబ్బు తెచ్చి ఇచ్చేందుకు ఒప్పుకున్నాడు. అనుకున్నట్లుగా నాలుగు లక్షల రూపాయలను తీసుకొచ్చి మేనమామకు ఇచ్చాడు. ప్రవేట బ్యాంక్ లో తాకట్టు పెట్టి డబ్బులు తెచ్చి ఇచ్చిన అహ్మద్ కు నెలవారీ కిస్తీలు తానే కడతానంటూ జబ్బార్ ఒప్పుకున్నాడు. మొదట రెండు నెలల బాగానే ఇన్ స్టాల్ మెంట్స్ కట్టాడు. ఆ తర్వాత నుండి మాత్రం ఈఎంఐలు కట్టడం మానేశాడు. దీంతో ప్రవేటు బ్యాంక్ అహ్మద్ పై ఒత్తిడి చేయడం మొదలు పెట్టింది.

బ్యాంకర్ల ఒత్తిడి తట్టుకోలేక అహ్మద్ మేనమామ జబ్బార్ ఇంటికి వెళ్లి తన ఇబ్బందిని చెప్పుకున్నాడు. అయినా జబ్బార్ స్పందించలేదు. దీంతో తీవ్ర మనస్థాపానికి లోనైన అహ్మద్ తన ఇంటిలో ఫ్యాన్ కు ఉరిపవేసుకొని చనిపోయాడు. అయితే ఈ విషయాన్ని సూసైడ్ లో స్పష్టంగా పేర్కొన్నాడు. మేనమామ మోసం చేయడంతోనే తాను చనిపోతునట్లు రాసుకున్నాడు. అహ్మద్ మ్రుతితో ఆ కుటుంబ సభ్యులు కన్నీరు మున్నీరుగా విలపించారు. పోలీసులు కేసు నమోదు చేసుకొని దర్యాప్తు చేస్తున్నారు.

ఇవి కూడా చదవండి

ప్రపంచంలోనే అత్యంత ఖరీదైన పండ్లు ఇవేనట! వాటి ధరను అస్సలు ఊహించలేర

నోట్లో నోరు పెట్టి మరీ..ప్రాణాలు హరించే పాముకు జీవం పోసిన యువకుడు

పాప నేనూ వస్తా.. చిన్నారితో స్కూల్‌కెళ్తున్న బేబీ ఏనుగు

పాలు, బెల్లం, స్వీట్‌పొటాటోతో అదిరిపోయే బ్రేక్‌ఫాస్ట్..

మరిన్ని ఆంధ్రప్రదేశ్ వార్తల కోసం  ఇక్కడ క్లిక్ చేయండి.