భలే ! పోలీసులు చూస్తుండగానే షాపుల్లో చిన్నపాటి దొంగతనాలు..! అమెరికాలో ఇదో కొత్త ‘చట్టం ‘!

అమెరికాలో ఇక చిన్న చిన్న దొంగతనాలను నేరంగా పరిగణించబోరు...అంటే ఇలాంటివాటిని డీక్రిమినలైజ్ చేసేశారు. కానీ వీటికీ ఓ లిమిట్ అంటూ ఉందట.. 900 డాలర్ల కన్నా తక్కువ విలువైన వస్తువులను ఎవరైనా చోరీ చేసినా పోలీసులు ప్రేక్షకుల్లా చూస్తూ ఉండిపోతారు.

Sanfrancisco Has Decriminalised Petty Theft

Umakanth Rao | Edited By: Janardhan Veluru|
Updated on: Jun 15, 2021 | 9:09 PM

అమెరికాలో ఇక చిన్న చిన్న దొంగతనాలను నేరంగా పరిగణించబోరు…అంటే ఇలాంటివాటిని డీక్రిమినలైజ్ చేసేశారు. కానీ వీటికీ ఓ లిమిట్ అంటూ ఉందట.. 900 డాలర్ల కన్నా తక్కువ విలువైన వస్తువులను ఎవరైనా చోరీ చేసినా పోలీసులు ప్రేక్షకుల్లా చూస్తూ ఉండిపోతారు. వాళ్ళను పట్టుకోరు.. శిక్షించబోరు….ఇంకేం ! ప్రజలకు పండగే ! శాన్ ఫ్రాన్సిస్కో లోని ఓ షాపులో చొరబడి తమకు నచ్చిన సరకులను ‘దొంగిలించుకుని’ పోతున్న వారిని మనం చూడవచ్చు.. ఓపెన్ గా చేస్తున్న ఈ చోరీలు అందర్నీ ఆకట్టుకుంటున్నాయి. కానీ 900 లేదా 950 డాలర్ల కన్నా ఎక్కువ విలువ చేసే వస్తువులను దొంగిలిస్తే మాత్రం… అది నేరమే అవుతుంది. ఇప్పుడు ఈ చట్టం ఎలా తెచ్చారో గానీ షాపుల యజమానులు మాత్రం లబోదిబో మంటున్నారు. ఒక్కసారిగా అయిదారుగురో లేదా అంతకంటే ఎక్కువమందో తమ స్టోర్స్ లోకి చొరబడి ఇలా చేస్తే క్షణాల్లో తమ షాపులు ఖాళీ అయిపోతాయని వారు వాపోతున్నారు.

అయినా ఈ అగ్ర రాజ్యంలో ఇంకా గన్ కల్చర్ రాజ్యమేలుతోంది. చిన్న పిల్లలు కూడా గన్స్ పట్టుకుని తిరుగుతున్నారు. ఇంచుమించు దేశంలో ఎక్కడో ఒక చోట కాల్పుల ఘటనలు జరుగుతూనే ఉన్నాయి. పబ్ లు, రెస్టారెంట్లే కాదు.. చివరకు స్కూళ్ళల్లోనూ ఈ విధమైన ఘటనలు జరుగుతున్నాయి. ఈ గన్ కల్చర్ కి అడ్డుకట్ట వేయడానికి బదులు ఇలాంటి అర్థరహితమైన డీక్రిమినలైజ్ తాయిలాలేమిటో అనే విమర్శలు వెల్లువెత్తుతున్నాయి.

This just happened at the @Walgreens on Gough & Fell Streets in San Francisco. #NoConsequences @chesaboudin pic.twitter.com/uSbnTQQk4J

— Lyanne Melendez (@LyanneMelendez) June 14, 2021