ఆస్ట్రేలియా – ఫేస్‌బుక్ మధ్య కుదిరిన డీల్.. న్యూస్ కంటెంట్ పునరుద్ధరిస్తున్నట్లు వెల్లడి

Facebook To Restore Australia: ఆస్ట్రేలియా ప్రభుత్వం, ఫేస్ బుక్ మధ్య డీల్ కుదిరింది. గత కొన్నిరోజులుగా ఆస్ట్రేలియాకు సంబంధించిన వార్తల ప్రచురణ,..

Shaik Madar Saheb |

Updated on: Feb 24, 2021 | 7:22 AM

Facebook To Restore Australia: ఆస్ట్రేలియా ప్రభుత్వం, ఫేస్ బుక్ మధ్య డీల్ కుదిరింది. గత కొన్నిరోజులుగా ఆస్ట్రేలియాకు సంబంధించిన వార్తల ప్రచురణ, పంచుకోవటంపై ఫేస్‌బుక్‌ నిషేధం విధించిన సంగతి తెలిసిందే. తాజాగా ఇరువర్గాల ఒప్పందంతో.. ఆస్ట్రేలియా న్యూస్ ఏజెన్సీలకు చెందిన వార్తలపై నిషేదాన్ని ఎత్తివేస్తున్నట్లు మంగళవారం ఫేస్‌బుక్ వెల్లడించింది. గూగుల్, ఫేస్‌బుక్‌ తదితర సోషల్ మీడియా సైట్లల్లో వార్తలు షేర్ చేస్తున్నందుకు వార్తాసంస్థలకు ఆ సంస్థలు డబ్బులు చెల్లించాలని ఆస్ట్రేలియా ప్రభుత్వం కొత్త చట్టం తీసుకొచ్చింది. ఆ చట్టాన్ని వ్యతిరేకిస్తూ ఫేస్‌బుక్ ఆస్ట్రేలియాలోని‌ వినియోగదారులకు వార్తలను అందించడాన్ని, వారు తమ ప్లాట్‌ఫామ్‌పై కంటెంట్‌ను షేర్‌ చేయడాన్ని బ్లాక్‌ చేసింది.

ఫేస్‌బుక్‌లో వార్తలు అందుబాటులో లేకపోవటంతో ఆస్ట్రేలియా ప్రజల్లో ఆగ్రహం వ్యక్తమైంది. దీంతో ఆస్ట్రేలియా, ఫేస్ బుక్ మధ్య వివాదం తారాస్థాయికి చేరింది. తప్పని ప‌రిస్థితుల్లో ప్రభుత్వం, ఫేస్‌బుక్‌ను చర్చలకు ఆహ్వానించింది. ఈ క్రమంలో మీడియా చ‌ట్టాన్ని సవరించేందుకు ప్రభుత్వం అంగీక‌రించడంతో.. న్యూస్ పేజీల‌పై నిషేధాన్ని ఎత్తివేస్తున్నట్లు ఫేస్‌బుక్ వెల్లడించింది. ఈ మేరకు ఇరుపక్షాలు ఓ ఒప్పందానికి వచ్చినట్టు ఆస్ట్రేలియా ప్రభుత్వం, ఫేస్‌బుక్ వెల్లడించాయి.

Also Read: