Plane Crash: అమెరికాలో మరో విమాన ప్రమాదం.. గిడ్డంగి పైకప్పుపై కూలిన విమానం.. ఇద్దరు మృతి.. 18 మందికి గాయాలు
అమెరికాలోని కాలిఫోర్నియాలో ఓ చిన్న విమానం ప్రమాదానికి గురైంది. ఈ ఘటనలో ఇద్దరు మృతి చెందగా, 18 మంది గాయపడ్డారు. సమాచారం ప్రకారం ఈ చిన్న విమానం ఫుల్లర్టన్ మున్సిపల్ ఎయిర్‌పోర్ట్ సమీపంలోని భవనంపై పడింది. విమానం పడిన ప్రాంతంలో భవనం పైకప్పుకు పెద్ద రంధ్రం పడింది. ఆ తర్వాత విమానంలో మంటలు చెలరేగాయి.
Updated on: Jan 03, 2025 | 9:57 AM
అమెరికాలోని కాలిఫోర్నియాలో ఓ చిన్న విమానం ప్రమాదానికి గురైంది. గురువారం మధ్యాహ్నం 2:10 గంటలకు దక్షిణ కాలిఫోర్నియా గిడ్డంగి పైకప్పుపై విమానం కూలిపోయింది. ఈ దుర్ఘటనలో ఇద్దరు వ్యక్తులు మరణించారు మరియు కనీసం 18 మంది గాయపడ్డారు. ఈ సంఘటన మొదట స్ట్రక్చర్ ఫైర్‌గా వెల్లడించారు. కూలిన తర్వాత విమానలో మంటలు చెలరేగినట్లు తెలుస్తోంది. ఈ చిన్న విమానం ఫుల్లర్టన్ మున్సిపల్ ఎయిర్‌పోర్ట్ సమీపంలోని భవనంపై పడింది. విమానం పడిన ప్రాంతంలో భవనం పైకప్పుకు పెద్ద రంధ్రం పడింది. అగ్నిమాపక సిబ్బంది గోదాం లోపల మంటలను అదుపు చేయడం కనిపించింది. సమీపంలోని భవనాలను ఖాళీ చేయించారు.
ఈ విమానం కూలిపోయిన స్థలం లాస్ ఏంజెల్స్‌కు ఆగ్నేయంగా 25 మైళ్ల దూరంలో ఉంది. విమానం కూలిపోయిన భవనం ఫర్నిచర్ తయారీ కంపెనీ భవనం. ప్రమాదం జరిగిన సమయంలో భవనంలో కార్మికులు సహా అనేక మంది ఉన్నారని పోలీసులు తెలిపారు. ఈ ప్రమాదంలో ఇద్దరు మృతి చెందగా, 18 మంది గాయపడినట్లు ఫుల్లర్టన్ పోలీసులు తెలిపారు. క్షతగాత్రులను వెంటనే ఆస్పత్రికి తరలించారు. వారిలో కొందరి పరిస్థితి విషమంగా ఉన్నట్లు సమాచారం.
pic.twitter.com/BHcUOT2wUE This video shows the actual impact and resulting fireball from the plane crash in Fullerton California.
— RK Gold (@RKGold) January 3, 2025
నిజానికి గత కొద్దిరోజులుగా విమాన ప్రమాదాలకు సంబంధించిన అనేక వార్తలు వెలుగులోకి వస్తున్నాయి. తాజాగా దక్షిణ కొరియాలోని మువాన్ అంతర్జాతీయ విమానాశ్రయంలో ఓ విమానం ప్రమాదానికి గురైంది. అందులో 181 మంది ఉన్నారు. ఇద్దరు తప్ప విమానంలోని అందరూ చనిపోయారు. అదే సమయంలో ఈ ప్రమాదం జరిగిన కొన్ని గంటల తర్వాత, కెనడాలో విమాన ప్రమాదం జరిగింది. అయితే ఈ ప్రమాదంలో ఎవరూ చనిపోలేదు. విమానంలో దాదాపు 80 మంది ఉన్నారు.
మరిన్ని అంతర్జాతీయ వార్తల కోసం ఇక్కడ క్లిక్ చేయండి..
