Covid-19 Vaccine: వ్యాక్సిన్ తీసుకున్న వారికి బంపర్ ఆఫర్‌.. టీకా తీసుకోండి.. కారు గెలుచుకోండి

Covid-19 Vaccine: ప్రపంచ వ్యాప్తంగా కరోనా మహమ్మారి అతలాకుతలం చేస్తోంది. ఒక వైపు కరోనా విజృంభిస్తుంటే.. మరో వైపు వ్యాక్సినేషన్‌ ప్రక్రియ వేగవంతంగా కొనసాగుతోంది..

Updated on: Jun 14, 2021 | 10:43 AM

Covid-19 Vaccine: ప్రపంచ వ్యాప్తంగా కరోనా మహమ్మారి అతలాకుతలం చేస్తోంది. ఒక వైపు కరోనా విజృంభిస్తుంటే.. మరో వైపు వ్యాక్సినేషన్‌ ప్రక్రియ వేగవంతంగా కొనసాగుతోంది. ఈ నేపథ్యంలో కోవిడ్‌ వ్యాక్సిన్‌ తీసుకునే నివాసితులకు లాటరీలో కార్లను అందించేందుకు మాస్కో ముందుకు వచ్చింది. రష్యా యొక్క మాస్కో, రెండు మోతాదుల కోవిడ్‌ వ్యాక్సిన్‌ మోతాదును తీసుకునే వారికి ప్రైజ్‌ డ్రాలో ఉచిత కార్లను అస్తామని మాస్కో మేయర్‌ మేయర్ సెర్గీ సోబయానిన్ వెల్లడించారు. ఈ డ్రా జూన్ 14 నుండి జూలై 11 వరకు కొనసాగుతుందని తెలిపారు. ప్రతి వారానికి 10 లక్షలకు పైగా విలువైన ఐదు కార్లు ఇవ్వబడతాయి అని ఆయన వెల్లడించారు. కరోనా టీకా తీసుకుంటే.. ఖరీదైన కారు సొంతం చేసుకునే అవకాశం దక్కుతుంది. అయితే కరోనా టీకాలు తీసుకోవాలంటూ ప్రజలను ప్రోత్సహించేందుకు ప్రభుత్వాలు కొత్త కొత్త పథకాలు, ప్రోత్సాహకాలతో ముందుకు వస్తున్నాయి. ఇటువంటి దేశాల జాబితాలో అమెరికా ముందుంది. బీర్లు, పిజ్లాలు వంటి పలు తాయిలాలా ఆశ చూపుతూ ప్రజలకు టీకాలు వేస్తోంది. ఇక రష్యా ప్రభుత్వం తాజాగా అమెరికాను తలదన్నే రీతిలో ఓ కొత్త ప్రయోగంతో ముందుకు వచ్చింది.

ఈ ఆఫర్ ప్రకారం.. కోవిడ్‌ టీకా తీసుకున్న వారి పేర్లతో ప్రభుత్వం లాటరీ నిర్వహిస్తుంది. ఇందులో గెలుపొందిన వారికి ఓ ఖరీదైన బహుమతిని ఇస్తామని ప్రభుత్వం ప్రకటించింది. అయితే.. రష్యా రాజధాని మాస్కో నగర ప్రజలకు మాత్రమే ప్రభుత్వం ఈ టీకా లాటరీని నిర్వహిస్తోంది. ప్రతి వారం లాటరీ నిర్వహించి ఐదుగురు విజేతలను ఎంపిక చేస్తామని, వారిలో ఒక్కొక్కరికీ రూ. 10 లక్షల విలువైన కార్లను బహుమతిగా ఇస్తామని మాస్కో మేయర్ సెర్గీ సోబ్యానిన్ తాజాగా ప్రకటించారు. ప్రతి ఒక్కరు టీకా తీసుకునే విధంగా ఈ కార్యక్రమాన్ని చేపట్టినట్లు తెలిపారు.