నడిసముద్రంలో ‘హంటా వైరస్’ కలకలం.. అంతర్జాతీయ ఆపరేషన్‌తో ప్రాణాలతో బయటపడ్డ ప్రయాణికులు

డచ్ క్రూయిజ్ నౌక MV హోండియస్ లో ముగ్గురు ప్రయాణికులు హంటావైరస్ సోకడం ఆందోళన కలిగిస్తోంది. సాధారణంగా ఎలుకల ద్వారా వ్యాపించే ఈ వైరస్, ఇక్కడ సన్నిహిత పరిచయాల’ వల్ల మనుషుల మధ్యే సంక్రమించి ఉండవచ్చని ప్రపంచ ఆరోగ్య సంస్థ (WHO) అనుమానిస్తోంది. అయితే, సాధారణ ప్రజలకు దీనివల్ల కలిగే ముప్పు చాలా తక్కువని ఆరోగ్య సంస్థ స్పష్టం చేసింది.

ఓడలో హంటావైరస్ కలకలం రేపిన ఉదంతం, అంతర్జాతీయ అధికారుల సమన్వయంతో సుఖాంతమైంది. ఇటీవల ఒక అంతర్జాతీయ ప్రయాణీకుల ఓడలో హంటావైరస్ లక్షణాలతో ముగ్గురు వ్యక్తులు అనారోగ్యానికి గురయ్యారు. పరిస్థితి తీవ్రతను గమనించిన ఓడ నిర్వాహకులు వెంటనే ప్రపంచ ఆరోగ్య సంస్థ (WHO)ను ఆశ్రయించారు. అప్రమత్తమైన అధికారులు, వివిధ దేశాల సమన్వయంతో రోగులను సురక్షితంగా ఓడ నుండి బయటకు తీసుకువచ్చారు.

ఈ సహాయక చర్యల్లో కాబో వెర్డే, యునైటెడ్ కింగ్‌డమ్, స్పెయిన్, నెదర్లాండ్స్ దేశాల ఆరోగ్య అధికారులు కీలక పాత్ర పోషించారు. ప్రస్తుతం ఆ ముగ్గురు రోగులను మెరుగైన వైద్య సంరక్షణ కోసం నెదర్లాండ్స్‌కు తరలించారు. ఈ సంక్లిష్టమైన తరలింపు ప్రక్రియలో పాలుపంచుకున్న అన్ని దేశాలకు, ఓడ నిర్వాహకులకు WHO ప్రత్యేక కృతజ్ఞతలు తెలిపింది.

ఓడలో ఉన్న మిగిలిన ప్రయాణికులు, సిబ్బంది ఆరోగ్యాన్ని నిశితంగా పర్యవేక్షించడానికి WHO నిరంతరం శ్రమిస్తోంది. ఇప్పటికే ఓడ దిగిపోయిన ప్రయాణికులను గుర్తించి, వారి ఆరోగ్య స్థితిగతులను జాతీయ ఆరోగ్య అధికారుల సహకారంతో పర్యవేక్షిస్తున్నారు. అవసరమైన చోట తక్షణ వైద్య సహాయం అందించేలా ఓడ నిర్వాహకులకు మార్గదర్శకాలు జారీ చేశారు. “ప్రస్తుతానికి సాధారణ ప్రజలకు ఈ వైరస్ వల్ల కలిగే ముప్పు చాలా తక్కువగా ఉంది. ఆందోళన చెందాల్సిన అవసరం లేదు,” అని WHO స్పష్టం చేసింది.

అంతర్జాతీయ సరిహద్దులు దాటి ఆరోగ్య అత్యవసర స్థితి ఏర్పడినప్పుడు, దేశాల మధ్య సమన్వయం ఎంత ముఖ్యమో ఈ ఘటన మరోసారి నిరూపించింది. అధికారులు తీసుకున్న సత్వర చర్యల వల్ల వైరస్ మరింత వ్యాప్తి చెందకుండా అడ్డుకోగలిగారు.

Three suspected #hantavirus case patients have just been evacuated from the ship and are on their way to receive medical care in the Netherlands in coordination with @WHO, the ship’s operator and national authorities from Cabo Verde, the United Kingdom, Spain and the Netherlands.… pic.twitter.com/olQBk6tdGk

— Tedros Adhanom Ghebreyesus (@DrTedros) May 6, 2026

మరిన్ని అంతర్జాతీయ వార్తల కోసం ఇక్కడ క్లిక్ చేయండి..