Dhanush: హీరో ధనుష్‌కు తమిళ నిర్మాతల షాక్.. ఇకపై ఆ కండీషన్స్‌కు ఒప్పుకుంటేనే సినిమాలు
హీరోలు, హీరోయిన్లకు సంబంధించి తమిళ సినీ ఇండస్ట్రీలో నిర్మాతల మండలి సంచలన నిర్ణయాలు తీసుకుంది. ఇకపై అడ్వాన్స్‌లు తీసుకుని షూటింగ్‌లు పూర్తిచెయ్యని నటీనటులపై కొరడా ఝుళిపించేందుకు సిద్ధమైంది. ఈ మేరకు ఆగస్ట్ 15 తర్వాత కొత్త సినిమా షూటింగ్‌లు నిలిపివేయాలని నిర్మాతల మండలి ఆదేశాలు జారీ చేసింది.
హీరోలు, హీరోయిన్లకు సంబంధించి తమిళ సినీ ఇండస్ట్రీలో నిర్మాతల మండలి సంచలన నిర్ణయాలు తీసుకుంది. ఇకపై అడ్వాన్స్‌లు తీసుకుని షూటింగ్‌లు పూర్తిచెయ్యని నటీనటులపై కొరడా ఝుళిపించేందుకు సిద్ధమైంది. ఈ మేరకు ఆగస్ట్ 15 తర్వాత కొత్త సినిమా షూటింగ్‌లు నిలిపివేయాలని నిర్మాతల మండలి ఆదేశాలు జారీ చేసింది. పెండింగ్‌లో ఉన్న సినిమాలు పూర్తి చేసిన తర్వాతే కొత్త సినిమాల షూటింగ్‌లు ప్రారంభించాలని ఆ ఉత్తర్వుల్లో పేర్కొంది. పెండింగ్ మూవీలు, ఇచ్చిన అడ్వాన్స్‌లపై నిర్మాతల నుంచి మండలి పూర్తి సమాచారం సేకరించింది. ఇకపై ఒక సినిమా పూర్తయ్యాకే మరో సినిమాకు కాల్‌షీట్‌ ఇచ్చేలా హీరో, హీరోయిన్లకు ఆదేశాలు జారీ చేసింది. దీని ప్రకారం ఏ హీరో హీరోయిన్‌ కూడా ఇకపై అడ్వాన్స్‌లు తీసుకోవడం నిషేధం. ప్రధానంగా రాయన్ సక్సెస్ తో ఫుల్ జోష్ లో ఉన్న స్టార్ నటుడు ధనుష్‌ తీరుపై నిర్మాతల మండలి తీవ్ర ఆగ్రహం వ్యక్తం చేసింది. అడ్వాన్స్‌లు తీసుకుని షూటింగ్‌లు పూర్తి చెయ్యడంలేదని ధనుష్‌పై నిర్మాతలు ఫిర్యాదు చేశారు. ఇకపై నిర్మాతల మండలి పర్మిషన్‌ ఉంటేనే ధనుష్‌ సినిమాలకు గ్రీన్‌ సిగ్నల్‌ ఇవ్వాలని ఆదేశాలు జారీ చేసింది.
వీడియో ఇదిగో..
మరిన్ని సినిమా వార్తల కోసం ఇక్కడ క్లిక్ చేయండి.
