Viral Video: పొలం పనులు చేస్తోన్న రైతులకు ఊహించని షాక్.. ప్రత్యక్షమైన 15 అడుగుల భారీ కింగ్ కోబ్రా..

Viral Video: తెలుగు రాష్ట్రాల్లో విష సర్పాలు హడలెత్తిస్తున్నాయి. విశాఖ జిల్లా దేవరపల్లి మండలం, రైవాడ పంచాయతీ పరిధిలో భారీ పొడవైన గిరినాగు ప్రత్యక్షమైంది..

Snake

Ravi Kiran | Edited By: Anil kumar poka

Updated on: Sep 23, 2021 | 5:08 PM

తెలుగు రాష్ట్రాల్లో విష సర్పాలు హడలెత్తిస్తున్నాయి. విశాఖ జిల్లా దేవరపల్లి మండలం, రైవాడ పంచాయతీ పరిధిలో భారీ పొడవైన గిరినాగు ప్రత్యక్షమైంది. శంభువాని పాలెం వాసులను భారీ గిరి నాగు భయపెట్టింది. పొలం పనులు చేస్తున్న రైతులు.. తమకు దగ్గర్లో పాము సంచరించడం గుర్తించారు. భయాందోళనకు గురైన స్థానికులు.. వెంటనే వన్యప్రాణి సంరక్షకులకు సమాచారం అందించారు. ఇక రంగంలోకి దిగిన సిబ్బంది.

సుమారు రెండు గంటలపాటు శ్రమించి 15 అడుగుల పొడవున్న గిరి నాగుపామును పట్టుకున్నారు. ఆ తర్వాత సమీప అటవీ ప్రాంతంలో విడిచిపెట్టారు. దీంతో గ్రామస్తులు ఊపిరి పీల్చుకున్నారు. సాధారణంగా ఇలాంటి కింగ్ కోబ్రాలు దట్టమైన అడవుల్లో ఉంటాయి. జనావాసాల్లో కనిపించడం చాలా అరుదు. తమ ప్రాణాల మీదకు వస్తేగానీ ఇవి మనుషులను కాటేయవని నిపుణులు చెబుతున్నారు. తెలుగు రాష్ట్రాల్లో విశాఖపట్నం, ఖమ్మం గిరిజన ప్రాంతాలు, నల్లమల అడవుల్లో ఈ పాములు ఎక్కువగా ఉంటాయని చెబుతున్నారు. ఈ పాములు 14 నుంచి 16 అడుగుల పొడవు వరకు పెరుగుతాయంటున్నారు.