Accident: డ్రైవర్ లేకుండానే పరుగులు తీసిన ట్రాక్టర్.. 12 బైక్‌లను ధ్వంసం చేసేసింది..

Medak News: మెదక్ జిల్లాలోని నర్సాపూర్ పట్టణంలో వింత ప్రమాదం చోటు చేసుకుంది. రోడ్డుపక్కన పార్క్ చేసిన ట్రాక్టర్ ఒక్కసారిగా ముందుకు దూసుకెళ్లింది. డ్రైవర్ లేకుండా దూసుకువచ్చిన ఆ ట్రాక్టర్.. రోడ్డుపై ఉన్న బైక్‌లను తోసుకుంటూ వెళ్లింది. ఈ ఘటనలో దాదాపు 12 బైక్‌లు ధ్వంసం అయ్యాయి. ఈ ఘటన అంతా అక్కడే ఉన్న సీసీ కెమెరాలో రికార్డ్ అయ్యింది. ఈ ఘటనకు సంబంధించిన వివరాలు ఇలా ఉన్నాయి. నర్సాపూర్‌ పట్టణంలో రోడ్డుపై ట్రాక్టర్‌‌ను పార్క్ చేశారు. ఆ ట్రాక్టర్ డ్రైవర్ పనిమీద పక్కానే ఉన్న షాపులోకి వెళ్లాడు. అప్పటి వరకు బాగానే ఉన్న ట్రాక్టర్.. ఉన్నట్లుగా ఒక్కసారిగా ముందుకు కదిలింది. తొలుత నెమ్మదిగానే కదిలినప్పటికీ.. ఆ తరువాత వేగం పెరిగింది. ఈ క్రమంలో ముందు వైపు పార్క్‌ చేసిన బైక్‌లను ట్రాక్టర్ ఢీకొట్టింది. మొదట ఒక బైక్‌ను ఢీకొన్ని ట్రాక్టర్.. ఆ బైక్‌ను ఈడుస్తూ ముందుకు కదిలింది. అలా దాదాపు 12 బైక్‌లను ట్రాక్టర్ ఢీకొట్టింది.

కాగా, ట్రాక్టర్‌ ముందుకు కదలడాన్ని గమనించిన కొందరు వ్యక్తులు వెంటనే అప్రమత్తమై.. ఆ ట్రాక్టర్‌ను నిలువరించే ప్రయత్నం చేశారు. నలువైపుల నుంచి వచ్చి దానిని అడ్డుకునేందుకు ట్రై చేశారు. ఈ క్రమంలో ఓ వ్యక్తి ఆ ట్రాక్టర్‌ను ఎక్కి.. బ్రేక్ వేశాడు. దాంతో అది నిలిచిపోయింది. ప్రమాదం తప్పింది. పార్క్ చేసిన ట్రాక్టర్ ముందుకు కదలడం, బైక్‌లను ఢీకొనడం ఘటన అంతా సమీపంలో ఉన్న సీసీ కెమెరాలో రికార్డ్ అయ్యింది. కాగా, ఈ ఘటనలో బైక్‌లు ధ్వంసం అయ్యాయి తప్ప.. మనుషులెవరూ ప్రమాదం బారిన పడకపోవడంతో అంతా ఊపిరి పీల్చుకున్నారు.

Also read:

AP Corona Case: ఏపీ కరోనా కేసుల్లో హెచ్చుతగ్గులు.. ఐదు జిల్లాల్లో వందలోపే.. మిగిలిన చోట్ల మారని తీరు!

Kannababu: రైతులకు విన్నపం : సాగు చేసే ప్రతి పంట ఈ-క్రాప్‌లో రిజిస్టర్‌ చేయించాలి : వ్యవసాయ శాఖ మంత్రి

కూతురి మరణంపై ఇప్పటికీ న్యాయ పోరాటం.. దీనస్థితిలో చిన్నారి పెళ్లి కూతురు నటి పేరెంట్స్..