Telangana Elections Results 2023: తెలంగాణ అసెంబ్లీలో ఎమ్మెల్యేలుగా అడుగు పెట్టబోతున్న 15 మంది వైద్యులు

తెలంగాణ అసెంబ్లీ ఫలితాల్లో కాంగ్రెస్ పార్టీ విజయదుందుభి మోగించింది. తెలంగాణలో ప్రభుత్వాన్ని ఏర్పాటు చేసేందుకు కాంగ్రెస్‌ పార్టీ అవసరమైన మెజారిఃటీ దక్కించుకుంది. రాష్ట్రవ్యాప్తంగా కాంగ్రెస్ పార్టీ భారీ ఆధిక్యాన్ని ప్రదర్శించింది. హ్యాట్రిక్ కొట్టి అధికారంలోకి రావాలన్న బీఆర్‌ఎస్‌ ఆశలు గల్లంతయ్యాయి.

Doctors In Assembly

Ashok Bheemanapalli | Edited By: Balaraju Goud

Updated on: Dec 03, 2023 | 11:15 PM

తెలంగాణ అసెంబ్లీ ఫలితాల్లో కాంగ్రెస్ పార్టీ విజయదుందుభి మోగించింది. తెలంగాణలో ప్రభుత్వాన్ని ఏర్పాటు చేసేందుకు కాంగ్రెస్‌ పార్టీ అవసరమైన మెజారిఃటీ దక్కించుకుంది. రాష్ట్రవ్యాప్తంగా కాంగ్రెస్ పార్టీ భారీ ఆధిక్యాన్ని ప్రదర్శించింది. హ్యాట్రిక్ కొట్టి అధికారంలోకి రావాలన్న బీఆర్‌ఎస్‌ ఆశలు గల్లంతయ్యాయి. కాంగ్రెస్, బీఆర్ఎస్ మధ్య ప్రతిష్ఠాత్మకంగా జరిగిన ఈ ఎన్నికల్లో తెలంగాణ అసెంబ్లీకి 15 మంది వైద్యులు ఎమ్మెల్యేలుగా ఎన్నికయ్యారు. అందులో కాంగ్రెస్ నుంచి 11 మంది వైద్యులు ఎన్నిక కాగాచ ఒకరు బీజేపీ నుంచి గెలుపొందారు. బీఆర్‌ఎస్‌ పార్టీ నుంచి ముగ్గురు డాక్టర్లు ఎమ్మెల్యేలుగా విజయం సాధించారు.

రోగాలను నయం చేయడమే కాదు.. జనం సమస్యలు తీర్చేందుకు ప్రజాక్షేత్రంలో అడుగు పెట్టిన వైద్యులు విజయం సాధించారు. అసెంబ్లీలో అధ్యక్షా.. అనేందుకు రెఢి అయ్యారు. డోర్నకల్‌ నియోజకవర్గంలో వైద్య సేవలు అందిస్తున్న రామచంద్ర నాయక్ కాంగ్రెస్ నుంచి విజయం సాధించారు. ఎంఎస్ జనరల్‌ సర్జన్‌ అయిన రామచంద్ర నాయక్‌ తొలిసారిగా అసెంబ్లీ అడుగు పెట్టేందుకు సిద్ధమయ్యారు. సీనియర్ రాజకీయ నాయకులు, బీఆర్‌ఎస్‌ అభ్యర్థి రెడ్యానాయక్‌పై రామచంద్ర నాయక్ విజయం సాధించారు. ఇక అచ్చంపేట నియోజకవర్గం నుంచి డా.వంశీకృష్ణ కాంగ్రెస్ నుంచి గెలుపొందారు. డా.వంశీకృష్ణ ఎంఎస్ జనరల్‌ సర్జన్‌ కావడం విశేషం. మరికొందరు డాక్టర్లు కూడా ఎమ్మెల్యేలుగా విజయం సాధించారు. అందులో ఒక యువ డాక్టర్ కూడా ఉండటం విశేషం.