అమ్మ కొట్టిందని ఆత్మహత్య చేసుకున్న కొడుకు.. చెల్లి పెళ్లికి ఇలా చేయాలంటూ లేఖ..
గురువారం జరిగిన ఈ దారుణ ఘటనను శుక్రవారం వెలుగులోకి వచ్చింది. గ్రామ సమీప అటవీ ప్రాంతలంలో దినేష్ మృతదేహం లభ్యం కాగా, పోస్టుమార్టం నిమిత్తం తరలించారు పోలీసులు. సూసైడ్‌కు ముందు షేర్‌ చేసిన వీడియో ఆధారంగా కేసు నమోదు చేసి దర్యాప్తు చేస్తున్నారు పోలీసులు.
Updated on: Jul 14, 2023 | 9:34 AM
రాజన్న సిరిసిల్ల జిల్లాలో విషాద సంఘటన చోటు చేసుకుంది. అమ్మ కొట్టిందని 17ఏళ్ల యువకుడు ఆత్మహత్యకు పాల్పడ్డాడు. చేతికందిన కొడుకు అకాల మరణంతో ఆ తల్లిదండ్రులు కన్నీరు మున్నీరుగా విలపించారు. తల్లిదండ్రులు, బంధువుల రోధనలతో గ్రామంలో విషాదచాయలు అలుముకున్నాయి. రాజన్న సిరిసిల్ల జిల్లాలోని కోనరావుపేట మండలం వట్టిమల్ల గ్రామంలో చోటు చేసుకుంది ఈ విషాద సంఘటన.
కోనరావుపేట గ్రామంలోని తండాకు చెందిన రాజు-జ్యోతి దంపతుల కుమారుడు దినేష్ (17) అమ్మ కొట్టిందని మనస్తాపంతో ఆత్మహత్య చేసుకున్నాడు. అమ్మ కొట్టిందని, సూసైడ్ చేసుకుంటున్నానని ఓ వీడియోను రికార్డ్‌ చేశాడు. దాన్ని తన తోటి స్నేహితులకు పంపించాడు. అనంతరం అటవీ ప్రాంతంలోకి వెళ్లి ఉరివేసుకున్నాడు దినేష్. వీడియోలో అమ్మ, చెల్లి జాగ్రత్త అంటూ చెప్పాడు. చెల్లి పెళ్లికి తన ఫోటో ముందు పెట్టి పెళ్లి చేయాలని కోరాడు.
గురువారం జరిగిన ఈ దారుణ ఘటనను శుక్రవారం వెలుగులోకి వచ్చింది. గ్రామ సమీప అటవీ ప్రాంతలంలో దినేష్ మృతదేహం లభ్యం కాగా, పోస్టుమార్టం నిమిత్తం తరలించారు పోలీసులు. సూసైడ్‌కు ముందు షేర్‌ చేసిన వీడియో ఆధారంగా కేసు నమోదు చేసి దర్యాప్తు చేస్తున్నారు పోలీసులు.
మరిన్ని తెలంగాణ న్యూస్ కోసం క్లిక్ చేయండి..
